¹ Livi la Simakadze leta ku Jonah kwesibili, litsi, ² ''Vuka, hamba uye eNineveh, kulela dolobha lelikhulu, futsi umemetele kulo lomlayeto lengikuyala kutsi ubanike wona.'' ³ Ngako Jonah wavuka waya e Nineveh, ngekwe livi la Simakadze. Nyalo i Nineveh bekulidolobha lelikhulu kakhulu, lobewungalihamba emalanga lamatsatfu. ⁴ Jonah wacala kungena lelidolobha futsi emva kweluhambo lwelilanga linye wamemeta watsi, ''Etinsukwini letingemashumi lamane iNineveh itawubhujiswa.'' ⁵ Bantfu base Nineveh bamkholwa Nkulunkulu futsi bamemetela kutila. Bonkhe bembatsa tembatfo temasaka, kusuka kulomkhulu kuya kulomncane wabo. ⁶ Madvute letindzaba tefika Enkhosini yase Niniva. Wasukuma esihlalweni sakhe sebukhosi, wakhumula ingubo yakhe, watimbatsisa ngetembatfo temasaka, futsi wahlala emlotseni. ⁷ Watfumela simemetelo lesitsi, ''E Nineveh, ngemagunya enkhosi netiphatsimandla takhe: 'Ungavumeli muntfu noma silwane, umhlambi, kuve nanobe yini. Ungativumeli tidle, noma tinatse emanti. ⁸ Kepha vumela umuntfu nesilwane kumbonywe ngetimphahla telisaka futsi ukuvumele kukhale kakhulu ku Nkulunkulu. Nguloyo ngamunye akagucuke endleleni yakhe lembi naseludlameni lolusetandleni takhe. ⁹ Ngubani lowatiko? Nkulunkulu angema futsi ashintje ingcondvo yakhe futsi ajikise intfukutselo yakhe lenkhulu kute singabhubhi.''' ¹⁰ Nkulunkulu wakubona labakwenta, kutsi bagucuka etindleleni tabo letimbi. Ngako Nkulunkulu washintja ingcondvo yakhe ngalesijeziso labe atse utasenta kibo, futsi akasentanga.