¹ Vutsela licilongo eSiyoni, futsi nibange umsindvo entsabeni yami lengcwele! Bonkhe bantfu bakulelive abachachatele ngekwesaba, ngobe lilanga la Simakadze liyeta; yebo, lidvutane. ² Lilanga lebumnyama kakhulu kanye nelilanga lemafu kanye nebumnyama tsu. Njengekusa nabundlaleke etintsabeni, libutfo lelinemandla liyeta. Akutange sekube khona lelinye libutfo lelifanana nalo, futsi akuyuze libe khona phindze, noma ngabe sekwengce titukulwane. ³ Umlilo udla konkhe embikwawo, nangemuva lilangabi liyavutsa. Lelive linjenge ngadze yaseEdeni embikwawo, kodvwa ngemuva kwalo kunelihlane lelonakele. Ngempela, kute lokutawukhona kulibalekela. ⁴ Kubukeka kwalo lelibutfo lifana nemahhashi, futsi bagijima njengemgibeli welihhashi. ⁵ Bazuba ngemsindvo lofanana netincola ngetulu kwetintsaba, njengemsindvo wemlilo wemalangabi loshisa tibi, njengelibutfo lenemandla lelungele kuhlasela. ⁶ Ebukhoneni babo bantfu basebuhlungwini lobukhulu futsi bonkhe buso babo butawuphaphatseka. ⁷ Bagijima njengemasotja lamakhulu; bacanca tibondza njengemasotja; bayafola, wonkhe muntfu ngekulandzelana bangaphuli tigaba tabo. ⁸ Angeke ashayise lomunye eceleni; bayafola; ngamunye endleleni yakhe; bephula emkhatsini webekuvikela futsi bangaweli ngephandle kwelilayini. ⁹ Bajakele edolobheni, bagijima etikwelibondza, bagibela etindlini, futsi bangena ngemafasitelo njengemasela. ¹⁰ Umhlaba uyatamatama embikwabo, lamazulu etfuka , lilanga nenyeti amnyama, netinkhanyeti tayeka kukhatimula. ¹¹ Simakadze uphakamise livi lakhe embikwemphi yakhe, ngoba emasotja akhe manyenti ngalokungabaleki; ngobe anemandla, labo labaphetse imiyalo yakhe. Ngobe lilanga laSimakadze lilukhuni futsi limbi kakhulu. Ngubani longasindza kulo? ¹² Kute kube ngunyalo," kusho Simakadze, "Buya kimi ngenhlitiyo yakho yonkhe. Zila, ukhale, futsi ulile.'' ¹³ Dzabula inhlitiyo yakho futsi hhayi tembatfo takho todvwana, ubuyele kuSimakadze Nkulunkulu wakho. Ngoba unemusa nesihawu, uyaphuta kutfukutsela futsi uhlala unelutsandvo lolutsembakele, futsi angema kujezisa ¹⁴ Kwati bani? mhlawumbe utawugucuka abe neluvelo, futsi ashiye sibusiso ngemuva kwakhe, umnikelo lotinhlavu nesinatfo semnikelo waSimakadze Nkulunkulu wakho? ¹⁵ Futsa licilongo eSiyoni, bita sizilo lesingcwele, ubite nebungcwele bekuhlangana. ¹⁶ Bahlanganise labantfu; ubite nebungcwele bekuhlangana. Hlanganisa labadzala; uhlanganise nebantfwana kanye netinswane. Mane bakhwenyane baphume emakamelweni abo, nabomakoti emagumbini. ¹⁷ Kumele bapristi, tisebenti taSimakadze, tikhale emkhatsini wesivalo lesingembili neli alitha. Abatsi, "Khulula bantfu bakho, Simakadze, futsi ungalenti lifa lakho libe yintfo lenganamsebenti, kutsi letive timunyanye. Leni babute emkhatsini wetive, 'Uphi Nkulunkulu wabo?"'' ¹⁸ Wabese Simakadze watsembeka ngendzawo yakhe futsi waba neluvelo kubantfu bakhe. ¹⁹ Simakadze wabaphendvula batfu bakhe , "Lalelani, ngitokutfumelela inhlavu, liwayini lelisha, nemafutsa. Utonetiseka ngabo, futsi angeke ngisakwenta lihlazo emkhatsini wetive. ²⁰ Ngitawususa bahlaseli basenyakatfo khashane nawe, futsi ngitawubasusa ngenkhani baye endzaweni leyomile. Lingembili lemabutfo atawukuya ekhatsi elwandle lasemphumalanga, futsi lingemuva liye ekhatsi elwandle lasenshonalanga. Kunuka kwalo kutawuphakama, neliphunga lelibi litawwuphakama. "Ngempela, wente tintfo letinhle kakhulu. ²¹ Ungesabi, mhlaba; jabula futsi utfokote, ngoba Simakadze utawukwenta tintfo letinhle. ²² Ungesabi, nine tilwane tasendle! Ngoba emadlelo elihlane atawumila, tihlahla titotsela titselo, tihlahla temkhiwana netemagelebisi titawukhicita tivuno tato ngalokuphele. ²³ Jabulani ,bantfu baseSiyoni, nitfokote kuSimakadze Nkulunkulu wenu. Ngoba utawuninika imvula yasentfwasabusika ngesikhatsi lesifanele nginiletsela timvula tenu, imvula yasentfwasabusika neyase ntfwasanhlobo njengakucala. ²⁴ Tiyilo tekubhulela titawugcwala emabele, futsi imigomula itawugcwala ngeliwayini lelinsha nelemafutsa. ²⁵ "Ngitawubuyisela kuwe leminyaka yetilimo ngoba lelibulo letintsentse lidlile - tintsentse letinhle, tintsentse letincane letibulelwe kanye netintsetse letibhubhisiwe -emasotja ami lanemandla lengiwatfumela emkhatsini wakho. ²⁶ Utawudla ngalokwenele futsi ngalokuphelele, nidvumise ligama laSimakadze Nkulunkulu wakho, lowente timangaliso emkhatsini wakho futsi angiyawuphindze ngiletse lihlazo ebantfwini bami. ²⁷ Utawukwati kutsi ngisemkhatsini waIsrayeli, futsi nginguSimakadze Nkulunkulu wakho,futsi kute lomunye, futsi angeke ngililetse lihlazo kubantfu bami. ²⁸ Kutawukwenteka emvakwekutsi ngitsele moya wami enyameni yonkhe, nemadvodzana akho kanye nemadvodzakati akho atoprofetha. Bomkhulu bakho batawuphupha emaphupho; majaha akho atawubona umbono. ²⁹ Nakuto tisebenti kanye netisebenti letinsikati, kulawo malanga ngitawutsela moya wami. ³⁰ Ngitawukhombisa ummangaliso emazulwini kanye nasemhlabeni, ingati, umlilo, netinsika tentfutfu. ³¹ Lilanga litawugucuka libe sebumnyameni kanye nenyeti ibe yingati, ngaphambi kwekutsi lelilanga lelimbi laSimakadze lifike. ³² Kutawuba kutsi wonkhe muntfu lobita ligama laSimakadze utawusindziswa. Ngoba intsaba yeSiyoni nase Jerusalema batawuba nalabo lababalekako, njengoba Simakadze ashito, kanye nasemkhatsini walabasindza, labo Simakadze lababitako.