¹ Leli livi la Simakadze leleta ku Joweli indvodzana ya Pethuel. ² Vanini naku, nine labadzala, nonkhe nine takhamuti takulelive. Kukhona lokunjena lokwake kwenteka emalangeni akho noma emalangeni abokhokhomkhulu bakho? ³ Tjela bantfwana bakho ngako, futsi uvumele bantfwana bakho batjele bantfwana babo, nebantfwana babo situkulwane lesinye. ⁴ Loku lokushiye sikhonyane, lesikhonyane lesikhulu sidlile; loku lokushiywe sikhonyane lesikhulu, letintsetse tidlile; futsi lokushiywe tintsentse, letibungu tidlile. ⁵ Vukani, nine tidzakwa, futsi nikhale! Lilani, nonkhe nine tinatsi teliwayini, ngoba leliwayini lelimnandzi lisusiwe kini. ⁶ Ngoba sive sesiphakamele live lami, sinemandla futsi asibaleki. Ematinyo akhe ngematinyo elibhubesi, bese ubanematinyo elibhubesikati. ⁷ Sewente ingadze yami yemagelebisi yaba yindzawo lelahliwe futsi ucacabule emagcolo esihlahla sami saba ngunu. Ucacabule emagcolo aso wawalahla; emagala ebamhlophe. ⁸ Lila nje ngentfombi lengatange ilale legcoke timphahla temasaka ngoba kufe indvodza yakhe lencane. ⁹ Lomnikelo wetinhlavu nemnikelo wesinatfo umisiwe endlini ya Simakadze. Bapristi, tisebenti ta Simakadze, tiyalila. ¹⁰ Emasimu onakele; lomhlaba uyalila ngoba inhlanyelo ibhujisiwe. Leliwayini lelisha selomile; lamafutsa ayehluleka. ¹¹ Hlazekani, nine balimi, nilile, balimi betivini, nga lokolo kanye nebhali. Ngoba lesivuno semasimu sifile. ¹² Letivini tomile tase tiyafa futsi letihlahla temkhiwa tomile; lesihlahla lesincane setitselo, futsi letihlahla temahananandza, futsi letihlahla telusundvu, kanye netihlahla temahhabhula - tonkhe letihlahla temasimu tibunile. Ngoba injabulo ibunile kule titukulwane teluntfu. ¹³ Gcoka timphahla telisaka bese uyalila, nine baphristi, tisebenti telilathi. Wota, ulale busuku bonkhe etimphahleni telisaka, nine tisebenti ta Nkulunkulu wami. Ngoba umnikelo wenhlanyelo nemnikelo wesinatfo ubanjiwe endlini ya Nkulunkulu wakho. ¹⁴ Bita kutila lokungcwele ubite nekubutsana lokungcwele. Hlanganisa labadzala nabobonkhe labahlali balendzawo endlini ya Simakadze Nkulunkulu wakho, bese ukhala kuSimakadze. ¹⁵ Ngebhadi yalelilanga! Ngoba lilanga la Simakadze selitofika. Ngalo kutawufika kubhubha lokuchamuka ku Mninimandla onkhe. ¹⁶ Kudla akukasuswa yini ngaphambi kwebuso betfu, nenjabulo kanye nekujabula endlini ya Nkulunkulu wetfu? ¹⁷ Letinhlavu tabola ngephansi kwemhlabatsi wato, lakubekwakhona inhlanyelo kulahliwe, futsi naletindlu tetinhlanyelo tephukile, ngoba inhlanyelo seyibunile. ¹⁸ Kutsi letinkhomo tibhonsa kanjani! Imihlambi yabo yehla yenyuka ididekile ngoba ayinawo emadlelo. Nale mihlambi yetimvu iyahlupheka. ¹⁹ Simakadze, ngikhala kuwe. Ngoba umlilo ubhubhise emadlelo asendle, kanye nemalangabi ashise tonkhe tihlahla temasimu. ²⁰ Naletilwane temasimu tini phefumulela etulu, ngoba imisele yemanti seyomile, kanye nalomlilo ubhubhise emadlelo asendle.