¹ Vani livi laSmakadze, nine sive saka-Israyeli. Simakadze ubabeke licala laba labahlala kulelive, ngoba kute liciniso noma sivumelwano seliciniso, kute lwati laNkulunkulu kulelive. ² Kunesicalekiso, emanga, kubulala, kweba, nebuphingi. Bantfu baphule imitsetfo yonkhe, futhi kucitseka ingati emvakwa lenye. ³ Ngako lelive liyoma, nawo wonkhe lophila kulo bayahusheka; tilwane tesiganga etinsimini netinyoni esibhakabhakeni, netinhlanti elwandle, tiyafa. ⁴ Kodvwa ungavumeli umuntfu lomunye aletse licala; ungavumeli umuntfu lomunye abekwe licala. Ngobe nguwe, nemphirist, lengimbeka licala. ⁵ Nine baphiristi nitawuyendza elangeni; baphrofesti nabo batawuyendza ebusuku, ngitawubhubhisa unyoko. ⁶ Bantfu bami bayabhubha ngenca yekweswela lwati. Ngoba nine baphristi nilalile lwati, nami ngitanilahla kutsi nibe baphiristi kimi. Ngoba senikhohlwe umtsetfo wami, noma nginguNkulunkulu wenu, ngitawubakhohlwa bantfwana benu. ⁷ Ngekwandza kwebaphiristi, kanjalo kwandza kona kwabo kimi. Bantjintjisa inhlonipho yabo ngelihlazo. ⁸ Batondla ngetono tebantfu bami; banenhlitiyo lembhi ekwenteni lokuningi lokukhohlakele. ⁹ Kuyawufana kubantfu ngenge baphiristi: Ngitawu bajezisa bonkhe ngetento tabo; Ngibakhokhele ngaloko lokumbhi lebakwentile. ¹⁰ Batokudla kodvwa ngeke basutse; batawutinikela ebugwadleni kodvwa ngeke bandze, ngoba bamshiye kakhulu kuSimakadze. ¹¹ Batsandza kulala bangakashadi, liwayini neliwayini lelinsha, lokususa kucondza kwabo. ¹² Bantfu bami batsatsisa etithicweni tabo tetigodvo, phindze nemizaca yabo yekuhambha ibanika kuphrofetsa, Ingcondvo yabo yekugwadla ibadukisile, futsi balingise njenge tingwadla esikhundleni sekutsembheka kuNkulunkulu wabo. ¹³ Banikele imihlatjelo etulu etintsabeni baphindze bashisa imphepho khona letulu, ngaphansi kwe-okhi, mabhabhabhulomu nematherebinte, ngoba kunemtfunti lokahle. Ngako emandvodzakati enu agucukele ebugwadleli, kanye nabomalukatane benu bagucuke baphinga. ¹⁴ Angeke ngijezise emadvodzakati enu naka khetsa kutinikela ebugwadlani, nabo malukatane benu nabakhetsa kuphinga. Ngokuba emadvodza nawo atiniketa ebugwadleni, futsi banikela imihlatjelo kuze banikele ekwenteni ebugwadleni lobubhacekile. Ngako lababantfu labangacodzisisi batawulahlwa pansi. ¹⁵ Awu Israyeli, seniphingile, ningamenti Juda abenelicala. ningayi eGiligane, nine sive; ningayi eBhethi Avani, futsi ningafungi, nitsi, " Njengobe Simakadze aphila." ¹⁶ Ema-Israyeli akhombhise kubanenkhani, njenge sitfokati lesinenkhani. Angabaletsa njani Simakadze emadlelweni njengemazinyane etimvu lasedlelweni? ¹⁷ Efrayimu utihlanganise netitsico; muyekele yena yedvwa. ¹⁸ Nome ngabe tinatfo tabo letinemandla setiphelile, batochubeka batinikele ekuphingeni; baholi babo batsandza kakhulu lamahlazo abo. ¹⁹ Umoya utomkhukhula ngemaphiko akhe; phindze batawuhlazeka ngenca yemihlatjelo yabo.