¹ Nali livi laSimakadze leleta ngaHoseya indvodzana yaBheri emalangeni aUziya, Jothami, Ahazi kanye naHezekiya, Emakhosi akaJuda, emalangeni aJerobhamu indvodzana yaJoyashi, Inkhosi yaka Izirayeli. ² Ngesikhatsi Simakadze akhuluma ekucaleni ngaHoseya, watsi kuye, ''Hamba, utitsatsele umfati loyingwadla. Utawuba nebantfwana labangumphumela webugwadla bakhe. Ngoba lendzawo seyente bugwadla ngekulahla Simakadze.'' ³ Ngako Hoseya uyohamba ushadze Goma indvodzakati ya Diblahimu, wase uyakhulelwa wamtalela indvodzana. ⁴ Simakadze watsi ku Hoseya, ''Nitametsa libito Jezireli. Ngoba ngesikhatsi lesincane ngitawujezisa indlu yaJehu ngekucitseka kwengati eJezireli, futsi ngitawuse ngiyavala bukhosi bendlu yakaIzirayeli. ⁵ Kutawukwenteka ngelilanga lapho ngiyawuphula butjoki baIzirayeli esigodzini sa Jezireli.'' ⁶ Goma waphindze wakhulelwa watfola intfombatane. Wase Simakadze watsi kuHosiya, ''Nimetse Lo-Ruhama, ngoba ngisetawenta umusa endlini yakaIzirayeli, kute ngitawubacolela liwonkhe. ⁷ Ngisetawuba nemusa endlini yaka Juda, ngitawuba sindzisa mine lucobo lwami, Simakadze Nkulunkulu wabo. Angeke ngibasindzise ngebutjoki, inkemba, ngemphi, ngemahhashi, noma ngemadvodza lagibele emahhashi.'' ⁸ Manje emvakwekutsi Goma sekalumule Lo-Ruhama, wakhulelwa watfola indvodzana. ⁹ Wase Simakadze utsi, '''Nimetse Lo-Ami, ngoba anisibo banftu bami, futsi angisuye Nkulunkulu wenu. ¹⁰ Kwamanje tinombolo tebantfu baka Izirayeli batawufananiswa nesihlabatsi selwandle, lesingeke sikaliswe noma sibalwe. kutawuba kanjalo njengoba kwakushiwo kubo, 'anisibo bantfu bami; 'Ningebantfu ba Nkulunkulu lophilako, ¹¹ 'Bantfu bakaJuda nebantfu baka Izirayeli batawuhlangana ndzawonye. Batawutibekela umholi wabo bona, bese bakhuphukela kuleyo ndzawo, ngoba bukhulu butawuba lilanga laJezireli.