¹ Tsani kubomnakenu, 'Bantfu bantfu!' kanye nakubodzadze wenu, 'Nikhonjiswe luvelo.'" ² Letsa licala mayelana nenyoko, letsa licala, ngobe akasuye umfati wami, futsi mani angisiyo indvodza yakhe. Akasuse bugwadla bakhe embikwakhe, kanye netento takhe tebuphingi emkhatsini wemabele akhe. ³ Uma kungenjalo, ngitamhlubula abe ngcunu bese ngikhombisa bungcunu bakhe njengelanga atalwa. Ngitamenta abe njengelihlane, njengendzawo lengenalutfo, ngitawubese ngimenta abulawe koma. ⁴ Angeke ngibe nebubele kubantfwana bakhe, ngobe babantfwana bebugwadla. ⁵ Ngobe unina wabo abeyingwadla, ngobe yena lowabetfwala esibeletfweni wente emahlazo. Watsi, "Ngitawulandzela titsandvwa tami, ngobe banginika sinkhwa sami nemanti, insontfo yami kanye nelineni, emafutsa ami kanye nesinantfo. ⁶ Ngakoke ngitawukwakha lubondza lwetihlahla ngitawuvimbele indlela yakhe ngemanyeva. Ngitawukwakha lubondza lumelelane naye kute angayiboni indlela. ⁷ Uyawulandzela titsandvwa takhe, kodwa angeke atengce. Utawubafuna, kodwa angeke abatfole bona. Utawubese utsi, "Ngitawubuyela endvodzeni yami yekucala, ngobe kwakuncono kimi ngalesa sikhatsi kunanyalo." ⁸ Ngobe abengati kutsi ngimi lomnike lenhlavu, leliwayini lelisha nalamafutsa, futsi lowo lowabhumbela esiliveni negolide lakhe, lababese balisebentisela Bhali. ⁹ Ngako ngitawubese ngilandza inhlavu yakhe ngesikhatsi sekuvuna, kanye neliwayini lami lelisha ngesikhatsi salo. Ngitawulandza insontfo yami kanye nelineni leyasetjentiselwa kumbonya bungcunu bakhe. ¹⁰ Ngitawubese ngiyamhlubula ubangcunu titsandwa takhe tibuka, futsi kute lotamsindzisa esandleni sami. ¹¹ Ngitawukwenta yonkhe imicimbi yakhe ime - imikhosi yakhe yekudla, imicimbi yakhe inyanga lensha, emaSabatha akhe, kanye nayo yonkhe imikhosi yakhe lekhetsekile. ¹² Ngitawubhidlita imivini yakhe netihlahla takhe temkhiwa, ngobe utse, 'Lena yimbhadalo lengiyinikwe titsandwa tami.' Ngitawubenta babe lihlatsi, futsi tilwane tesiganga titawubadla. ¹³ Ngitamugweba ngenca yemalanga akhe ekudla emaBhali, uma ashisa imphepho kibo, uma atihlobise ngetindandatho takhe kanye nebucwebe, walandzela titsandvwa takhe wangikhohlwa mine - lona ngumlayeto waSimakadze." ¹⁴ Ngako ngitamuzuza futsi abe wami. Ngitamumikisa ehlane futsi ngikhulume kahle kuye. ¹⁵ Ngitawubuyisela kuye ingadze yakhe yemivini, kanye neSigodzi saseAkho njengemnyango welitsemba. Utangiphendvula lapho njengobe enta ngetikhatsa takhe tebusha, njengemalanga ekuphuma kwakhe eveni laseGibhithe. ¹⁶ "Kutawuba ngalelolanga - loku kushiwo nguSimakadze - kutsi utangibita, 'Ndvodza yami,' futsi angeke usangibita, ''Bhali wami.' ¹⁷ Ngobe ngitawususa emagama aBhali emlonyeni wakhe; emagama abo angeke akhunjulwe futsi." ¹⁸ "Ngalelolanga ngitawubentela sivumelwano kanye netilwane tetinga, kanye netinyoni esibhakabhakeni, kanye netintfo letikhasa emhlabatsini. Ngitawucosha butjoki, inkemba, kanye nemphi kulelive, futsi ngitawukwenta uhlale phansi uvikelekile. ¹⁹ Ngitawutsembisa kuba yindvodza yakho kutephakadze. Ngitawutsembisa kuba yindvodza yakho ekulungeni, ngemtsetfo, sivumelwano sekutsembeka, kanye nemusa. ²⁰ Ngitawutinikela kuwe ngekwetsembeka, futsi uwukwati Simakadze. ²¹ Ngalelo langa, ngitawuphendvula - loku kushiwo nguSimakadze - ngitawuphendvula emazulu, futsi atawuphendvula umhlaba. ²² Umhlaba utawuphendvula letinhlavu, liwayini lelisha kanye nemafutsa, futsi batawuphendvula Jezireli. ²³ Ngitamunakekelela mine kulelive, futsi ngitoba nemusa kuLo-Ruhama. Ngitawutsi kuLo-Ami, 'Nibantfu bami,' futsi batawutsi kimi, 'UnguNkulunkulu wami.'"