¹ Nkulunkulu wase ubusisa Noah nemadvodzana akhe, watsi kubo,''Tselani, nandze, nigcwalise umhlaba. ² Kwesatjwa kwenu neluvalo lwenu akube setikwato tonkhe tilwane letiphilako emhlabeni, ngetulu kwato tonkhe tinyoni tesibhakabhaka, nangetulu kwako konkhe lokuhambaphansi emhlabeni, futsi nangetulu kwato tonkhe tinhlanti taselwandle. Kunikiwe esandleni sakho. ³ Konkhe lokuhambako nalokuphilako kutawuba kudla kwakho. Njengobe ngakunika tibhidvo letiluhlata, nyalo ngikunika konkhe. ⁴ Kepha ungayidli inyama lenengati -ngoba kuphila kusengatini. ⁵ Kepha ngenca yengati yakho, imphilo lesengatini yakho, ngitawufuna imbhadalo. Esandleni saso sonkhe silwane ngitayidzinga . Esandleni sanoma ngabe ngumuphi umuntfu, loku kusho kutsi lesandla salomuntfu lobulele umnakabo, ngiyawudzinga inchazelo ngalomphefumulo walomuntfu . ⁶ Lotawucitsa ingati yemuntfu, neyakhe iyawucitfwa ngumuntfu. Ngobe Nkulunkulu wenta umuntfu ngemfanekiso wakhe. ⁷ Nine ke, talanani nandze nenabe emhlabeni wonkhe futsi niphindzaphindzane kuwo.'' ⁸ Nkulunkulu wakhuluma ku Noah nemadvodzana akhe, watsi, ⁹ ''Ngekwami, lalela! Ngiyahamba ngiyoba ngiyocinisekisa sivumelwano nawe nangetitukulwane letisemvakwakho, ¹⁰ Nako konkhe lokudaliwe lokuphilako lokunawe, netinyoni, nemfuyo, nayo yonkhe indalo yemhlaba nawe, nako konkhe lokwaphuma ngaphandle emkhunjini. Nakuyo yonkhe indalo lephilako emhlabeni. ¹¹ Ngaloku ngicinisekisa lesivumelwano sami nani, kutsi angeke phindze kutsi inyama ibhujiswe ngesikhukhula semanti. Angeke phindze kube nesikhukhula lesitawubhubhisa umhlaba.'' ¹² Nkulunkulu watsi,'' Lolu luphawu lwesivumelwano lengilwakhako emkhatsini wami nawe phindze nakuyo yonkhe indalo lephilako lekuwe, nasesitukulwaneni lesitako. ¹³ Ngibeke umushi wenkhosazana emafini, futsi atawuba luphawu lwesivumelwano emkhatsini wami nemhlaba. ¹⁴ Kutawufika lapho ngiyawuletsa emafu ngetulu kwemhlaba phindze nemushi wenkhosazana abonakale emafini, ¹⁵ ngitawubese ngicabanga ngesivumelwano, lesisemkhatsini wami nawe nakuyo yonkhe indalo lephilako. Emanti angeke aphindze abe tikhukhula tekubhubhisa lokuphilako. ¹⁶ Lomushi wenkhosazana utawuba semafini futsi ngitawubona, khona ngitokhumbula lesivumelwano saphakadze emkhatsini waNkulunkulu nakuyo yonkhe indalo lephilako emhlabeni.'' ¹⁷ Nkulunkulu watsi ku Noah,'' Lolu luphawu lwesivumelwano lengasenta emkhatsini wami nakuko konkhe lokuphilako emhlabeni.'' ¹⁸ Emadvodzana a Noah laphuma emkhunjini kwakungu Shem, Ham kanye na Jafeth. Ham kwakunguyise waCanaan. ¹⁹ Laba labatsatfu kwakumadvodzana aNoah, futsi ngalaba umhlaba wonkhe wagcwaliswa. ²⁰ Noah wase uba ngumlimi, walima ingadze. ²¹ Wase unatsa liwayini wabese uyadzakwa. Abelele angakambatsi ethendeni. ²² Ham, uyise waCanaan, wabona bungcunu beyise wase utjela bomnakabo lababili ngaphandle. ²³ Ngako Shem naJafeth batsatsa ingubo bayibeka emahlombe abo bobabili, base bahamba sinyova bavala bungcunu beyise wabo. Buso babo bagucuka babuka kulenye indzawo, ngako ke ababubonanga bungcunu beyise wabo. ²⁴ Watsi Noah nakavuka ekudzakweni kwakhe, wase uyakuva lokwentiwa yindvodzana yakhe lencane kuye. ²⁵ Wase utsi, ''Makacalekiswe Canaan. Makabe sisebenti setisebenti tabomnakabo.'' ²⁶ Waphindze watsi,'' Shengatsi Simakadze, Nkulunkulu waShem, angabusiswa, futsi Khenani abe sisebenti sakhe. ²⁷ Shengatsi Nkulunkulu angakhulisa indzawo ya Japheth, amente akhe likhaya lakhe ethendeni la Shem. Shengatsi Canaan angaba sisebenti sakhe.'' ²⁸ Emvakwesikhukhula, Noah waphila iminyaka lengemakhulu lamatsatfu nemashumi lasihlanu emnyaka. ²⁹ Tonkhe tinsuku ta Noah taba makhulu layimfica nemashumi lasihlanu emnyaka, wabese uyafa.