¹ Jakobe wabese ubita emadvodzana akhe, watsi: '' Tibutsaniseni, khona ngitonitjela ngalokutakwenteka ngelikusasa lenu. ² Butsanani ndzawonye nitewulalela, nine madvodzana aJakobe. Lalelani Israyeli, babe wenu. ³ Rubeni, wena ulitubulo lami, nenetsandvokati yami, ukucala kwemandla ami, Sintfunti sakho sigcamile, emandla akho gcamile. ⁴ Awuvimbeki kuhle kwemanti lagijimako, utolahlekelwa sitfunti sakho, ngoba uye embhedzeni wababe wakho. Waphula umtsetfo; waya esitulweni sami. ⁵ Simoni na Levi bayelamana. Tikhali teludlame tiyinkemba yabo. ⁶ Mphefumulo wami, ungeti emkhambatsini wabo, ungahlanganyeli nabo, ngoba inhlitiyo yami iyahlonpha kakhulu kuloko.Ngoba ekutfukutseleni kwabo babulala bantfu. Kungekutijabulisa bajuba imilente yetinkhabi. ⁷ Shengatsi lulaka lwabo lungacalekiswa, ngoba leyesabeka----nenelulaka lwenu, ngoba lunelunya. Ngitonihlukanisa kuJakobe futsi nginisakate ku Israyeli. ⁸ Judah, bomnakenu batokudvumisa. Sandla sakho sitoba sentsanyeni yetitsa takho. Emadvodzana ababe wakho atokhotsama phambi kwakho. ⁹ Judah ufana neliwundlu lelibhubesi . Ndvodzana yami, sewuphakamile etitseni takho. Wabeka phansi, wanyonyobisa kwelibhubesi, njenge libhubhesi lelisikati. Ngubani nje longamuvusa? ¹⁰ Lobukhosi bungeke buhlukaniswe na Judah, noma lobushayi mtsetfo lobusetinyaweni takhe, kute kufike Shiloh. Netive tonkhe titamutfobela. ¹¹ Wabophela imbongolo yakhe emvinini, kanye nematfole etimbongolokati emvinini lemihle, wawasha ingubo yakhe ngeliwayini, sembatfo sakhe engatini yema yemagelebisi. ¹² Emehlo akhe atoba munyama nje ngeliwayini, ematinyo akhe atoba mhlophe njengelubisi. ¹³ Zebuloni utowuhlala elusetseni lwelwandle. Utokuba lakufinyelela khona imikhumbi , futsi lisango lwakhe litawunabela eSidoni. ¹⁴ Isakhari yimbongolo lecinile, lelele emkhatsini kwetimvu. ¹⁵ Ubona indzawo lenhle yekuphumula nemhlaba lomnetisako. Utawugobisa lihlombe kulomtfwalo abesisebenti salomsebenti. ¹⁶ Dani utohlulela bantfu bakhe njengebantfu belusendvo laka Israyeli. ¹⁷ Dani utoba yinyoka eceleni kwemgcwaco, inyoka lenesihlungu ngendlela yekutsi iluma titsendze telihhashi, khona lomgibeli atokuwa ngemuva . ¹⁸ Ngitowumela insindziso yakho Simakadze. ¹⁹ Bagibeli baGadi batamhlasela, kepha utawubahlasela etitsendzeni tabo. ²⁰ Kudla kwaAsheri kutokwandza, futsi utoba nesivuno lesihle. ²¹ Naftali ufana nenyamatane lekhululiwe; uyakuba nemazinyane lamahle. ²² Josefa uligala lelitselako, umvini lotsela celeni kwesiyalo, emagala akhe acanca ngetulu kwelibondza. ²³ Titsa takhe titamuhlasela phindze timudubule phindze timuhlukubete. ²⁴ Kepha butjoki bakhe butowuhlala bucinile, netandla takhe tawuba nelikhono ngenca yetandla taloyo loPhakeme waJakobe, ngenca yeligama leMelusi, litje laka Israyeli. ²⁵ Nkulunkulu wababe wakho utokusita naNkulunkulu lophakeme utonibusisa ngetibusiso tasetulu emazulwini, tibusiso tangephansi, tibusiso temabele nesinye. ²⁶ Letibusiso tababe wakho tinkhulu kunaletibusiso taletintsaba takadzeni noma tendlula ngisho nemawa noma leto tintfo letikhetsekile temawa latawuhlala inguna phakadze. Shengatsi tingaba senhloko ya Josefa, futsi ngekwemcele enhloko yenkhosana kubomnakabo ²⁷ Benjamini yimpisi lelambile. Ekuseni utawudla lakutingele, bese entsambama wehlukanisa loko lakwebile.'' ²⁸ Lolu lusendvo lelilishumi nakubili lwa Israyeli. Loku ngulokwashiwo ngubabe wabo uma ababusisa. ²⁹ Ngamunye wamubusisa ngesibusiso lesifanele. Wabese ukhipha umyalo watsi kubo,''Sengitokuya kubantfu bami. Ngigcwabeni kubokhokhomkhulu bami emhomeni losensimini yasehlane eFroni , umHethi, ³⁰ emhomeni losensimini yase Machpelah, lodvute ne Mamre eveni lase Khana, lensimu le Abrahama ayitsengela kugcwaba bantfu base eFroni Hittite. ³¹ Lapho bangcwaba Abrahama nemfati wakhe Sarah; lapha bagcwaba Isaka na Rebekah umfati wakhe; bese lana ngagcwaba Leya. ³² Lamasimu nalohhome watsengwa kubantfu bamaHethi. ³³ Uma Jakobe asacedzile ngekulayaleta emadvodzana akhe, wadvonsa tinyawo takhe embhedzeni, waphefumula kwekugcina, wayakubantfu bakhe.