¹ Kwenteka emvakwa letintfo leti, kutsi munye watsi kuJoeph, ''Buka, babe wakho uyagula.'' Wase utsatsa emadvodzana akhe lamabili. Manasseh naEphraim. ² Uma Jakobe atjelwa, ''Buka, indvodzana yakho Josefa seyifikile itekubona,'' Israel wetama ngemandla wase uyasukuma uhlala embhedzeni. ³ Jakobe watsi kuJosefa, ''Nkulunkulu lonemandla onkhe uvelile kimi eLuz eveni lase Khenani. Ungibusisile ⁴ wase utsi kimi, 'Naka, ngitawukwenta utsele titselo, futsi ngikwandzise. Ngitawukwenta ube ngumbutsano wetive. Ngitawuniketa lelive leli esitukulwaneni sakho njengentfo lephatsekako ingunaphakadze.' ⁵ Nyalo emadvodzana akho lamabili, latalelwe wena eveni lase Gibhithe ngingakefiki kuwe Gibhithe, ngebami. Ephraim naManasseh batawuba ngewami, njengoba Reuben naSimeon bangebami. ⁶ Bantfwana lotawuba nabo emvakwabo batawuba ngebakho; batawufakwa eluhlwini lwemabito abomnakabo kule lifa labo. ⁷ Kepha mine, uma ngita ngisuka ePaddan, elusizini lwami Rachel washona eveni lase Khenani endleleni, bese kunesigatjana kuhamba ufike eEphrath. Ngamungcwaba lapho endleleni leya eEphrath'' (leyo, yiBethlehem). ⁸ Uma Israyeli abona emadvodzana aJosefa, watsi, ''Bobani laba?'' ⁹ Josefa watsi kubabe wakhe, ''Bangemadvodzana ami, le Nkulunkulu anginike wona lana.'' Israyeli watsi, ' Baletse lapha kimi, khona ngitebabusisa, ¹⁰ Nyalo emehlo aIsrayeli abesahluleka ngenca yeminyaka yakhe ngako abengasaboni. Ngako Josefa wabasondzeta edvute naye, wabacabuza wase uyabanga. ¹¹ Israyeli watsi ku Josefa, ''Bengingaka lindzeli kuphindze ngibone buso bakho, kepha Nkulunkulu sewungivumele kutsi ngibone bantfwana bakho.'' ¹² Josefa wabasusa emkhatsini wemadvolo aIsrael, wase uyakhotsama ubukisa buso bakhe emhlabatsini. ¹³ Josefa wabatsatsa bobabili, Ephraim esandleni sakhe sangasekudla macondzana nesandla saIsrael sanga sencele, naManasseh esandleni sakhe sangasencele macondzana nesandla sanga sekudla saIsrael, waba sondzeta edvute naye. ¹⁴ Israel waphakamisa sandla sakhe sangasekudla wasibeka enhloko yaEphraim, lobeka ngulolomncane, nesandla sakhe sangesencele wasibeka enhloko yaManasseh. Waphambatisa tandla takhe, ngoba Manasseh abe litubulo. ¹⁵ Israyeli wabusisa Josefa, watsi, '' Shangatsi Nkulunkulu wabobabe, lebekakhontwa bo Abraham naIsaac bamusebentela, lo Nkulunkulu lowangi nakekela kute kube ngulelilanga, ¹⁶ lengilozi lengivikele kuko konkhe kulimala, akabusise labafana laba. Libito alikhunjulwe ngabo, nemabito abobabe bami Abraham naIsaac. Abakhule babe banyenti emhlabeni.'' ¹⁷ Uma Josefa abona babe wakhe abeka sandla sakhe sangasekudla enhloko yaEphraim, akumtfokotisanga. Watsatsa sandla sababe wakhe kusikhweshisa enhloko yaEphraim kusibeka enhloko yaManasseh. ¹⁸ Josefa watsi kubabe wakhe, ''Hhay kanjalo, babe wami; ngoba lona litubulo. Beka sandla sakho sangasekudla.'' ¹⁹ Babe wakhe wala wase utsi, ''Ngiyati, ndvodzana yami, ngiyati. Nanaye utawuba sive, futsi utawuba mukhulu. Noko umnakabo lomncane utawuba mkhulu kunaye, futsi situkulwane sakhe sitawuba bunyenti betive.'' ²⁰ Israel wababusisa ngalelo langa ngalamagama lawa, ''Bantfu baka Israel bayowehlisa tibusiso ngemabito enu batsi, 'Nkulunkulu akanente nifane naEphraim kanye naManasseh'. ''Ngalendlela lena, Israel wabeka Ephraim ngembikwa Manasseh. ²¹ Israel watsi ku Josefa, ''Buka, sengitawufa, kepha Nkulunkulu utawuba nani, futsi utawu nibuyisela eveni labobabe benu. ²² Kuwe, njenga longetulu kubo mnakenu, ngikuniketa umehlela wentsaba lengayitsatsa kuma Amorites ngenkemba yami nebutjoki.''