¹ Kwefika emalanga Amraphel, inkosi yase Shina, Ariyokho, inkhosi yase Elasa, Kedorlaomer, inkosi yase Elami, kanye neTidali, inkosi yase Goyimi, ² lebebabumbe imphi kuBera, inkosi yase Sodom, Birsha, inkosi yase Gomora, Shiniba, inkosi yase Adima,Shemeba, inkosi yase Zeboyima, kanye nenkosi yase Bela (lebeyibitwa ngaZoar). ³ Lawo makhosi lasihlanu ekugcina abumbana esigodzini sase Siddim (lesasibitwa ngeLwandle Lwaswayi). ⁴ Basebentela Kedorlaome iminyaka lelishumi nakubili, kwatsi ngemyaka welishumi nakutsatfu bamphendvukela. ⁵ Kwatsi emnyakeni welishumi nakune, Kedorlaomar kanye nalamanye emakhosi lebekanaye bahamba bayohlasela sive sema Rephaim laseAshteroth Karnaim, emaZuzites laseHam, emaEmites aseShave Kiriathaim, ⁶ kanye nemaHorites egcumeni leveni laseSeir, khashane njenge El Paran, dvute nelihlane. ⁷ Base bayagucuka befika eEn Mishpat (lebeliphindze libitwa ngeKadesh), base bahlulekisa lonke live leAmalekites, kanye nelemaAmorites lebekahlala eHazezon Tamar. ⁸ Kwase inkosi yase Sodoma, inkosi yase Gomora, inkhosi yase Admah, inkhosi yase Zeboyim, kanye ne nkhosi yase Bhela (lebeyibitwa ngeZoar) baphuma balungisela imphi esigodzini sase Siddim ⁹ kumelana naKedorlaomer, inkhosi yase Elami, Tidali, inkhosi yase Goyimi, Amraphel, inkhosi yase Shina, Ariyokho, inkhosi yase Elasa; letine tinkhosi talwa naletisihlanu. ¹⁰ Sigodzi sase Siddim lesigcwele tigodzi tesikontela, kanye nemankhosi ase Sodoma kanye neGomora abaleka, bawa lapho. Labo lebebasele babalekela etintsabeni. ¹¹ Ngako lamankhosi atsatsa tintfo tase Sodom nase Gomorrah nakokhonke lebebanako, bahamba balibhekisa endzaweni yabo. ¹² Nasebahamba, batsatsa Lot, umtfwanemnakabo Abram, lebekahlala eSodom, kanye nakokonke wakhe. ¹³ Lomunye lowaphunyula weta wabikela Abram umHebheru. Lobekahlala ngasetihlahleni tem-okhi taMamre, Amorite, lobeka ngumnakabo Eshkol naAner, lebebakunye naAbram. ¹⁴ Abram weva kutsi titsatakhe tibambe tihlobo takhe, wakhipha emadvodza lamakhulu lamatsatfu lishuni nesiphohlongo lebeka lolongiwe labekatelwe endlini yakhe, wabachuba wayobabeka ngase Dan. ¹⁵ Wawahlukanisa lamadvodza akhe amelana nabo ebusuku wase uyawahlasela, babacosha bayofika eHobah, eningindzimu yase Damascus. ¹⁶ Babuyisa konkhe lebebakutsetse kanye nesihlobo sakhe Loti netimphahla takhe, kanye nebafati nalabanye bantfu. ¹⁷ Emvakwekubuya Abram ekwehlulekiseni Kedorlaomer nemakhosi lebekahamba nawo, inkhosi yase Sodom yaphuma yayomhlangabeta esigodzini sase Shaveh (lesibitwa ngesigodzi senkhosi). ¹⁸ Melchizedek, inkhosi yase Salem, yakhokha sinkwa kanye neliwayini. Bekangumpristi waNkulunkulu lophakeme. ¹⁹ Wambusisa watsi, ''Abram akabusiswe nguNkulunkulu losetukwako konke, uMdali welizulu nemhlaba. ²⁰ Ubusisiwe Nkulunkulu lotikwako konke, lonikele titsa takho esandleni sakho. ''Wase Abram umnika kweshumi kwako konke. ²¹ Inkhosi yase Sodoma yatsi kuAbram, ''Nginike labantfu, utitsatsele letimphahla.'' ²² Abram watsi enkhosini yase Sodoma, ''Ngiphakamisele tandla tami kuSimakadze, Nkulunkulu lophakeme, Umdali welizulu nemhlaba, ²³ kutsi angeke ngitsatse licotfo nome umchilo weticatfulo, nome yini leyakho, ungatokusho kutsi, ''ngimcebisile Abram.'' ²⁴ Kute lengitakutsatsa ngaphandle kwalokudliwe nesabelo salamadvodza lebengihambe nawo. Akatsatse Aner, Eshkol, kanye naMamre incenye yabo.''