¹ Ngako ke Abram wahamba wasuka eGibhithe wabheka eveni leNegev, ahamba nemfati wakhe, nako konkhe labekanako. Lothi bekahamba nabo. ² Waba ngulocebile Abram ngemfuyo, ngelisiliva, kanye neligolide. ³ Wachubeka neluhambo lwakhe lwekusuka eNegev aya eBethel, kulendzawo labekakhe lithende lakhe ngaphambili, emkhatsini weBethel neAi. ⁴ Waya kulendzawo labekakhe khona liAltari ngaphambili . Lapha wase ubita ligama laSimakadze. ⁵ Ngaleso sikhatsi Lothi, ahamba naAbram, naye bekanetimvu, imihlambi nemathende. ⁶ Lendzawo beyingasiyo leyanele kutsi bebangahlala ndzawonye ngobe tintfo tabo tatitinengi kakhulu, kute bangakhoni kuhlalisana. ⁷ Phindze, kwase kuba nekucabana emkhatsini webelusi baAbram nebelusi baLothi. Emakhenani nemaPheresi bekahlala kuleyo ndzawo ngaleso sikhatsi. ⁸ Abram wase utsi kuLothi, "Akungabi nekucabana emkhatsini wami nawe, nasemkhatsini webelusi bakho nebelusi bami; ekugcineni kwako konkhe , tsine singumndeni. ⁹ Akusiyo yini indzawo yonkhe lena lelambikwakho? Chubeka utehlukanise kimi. Uma uya ngesencele, mine ke ngitawuya ngesekudla. Noma uma uya ngesekudla , ngitawuya ngesencele." ¹⁰ Wase Lothi ubuka indzawo yonkhe, wase ubona kutsi yonkhe lendzawo lebekile yase Jordan beyiniseleke kahle yonkhe indzawo kufika eZoar, njengengadze yaSimakadze, njengendzawo yaseGibhithe. Loku bekungemuva kwekutsi Simakadze abhubhise iSodom neGomorra. ¹¹ Ngako Lothi watikhetsela yena yonkhe indzawo lebekile yaseJordan wase uhamba ubheka emphumalanga, tase letihlobo tiyehlukana. ¹² Abram wahlala kulendzawo yaseKhenani, wase Lothi uhlala ngakulamadolobha alendzawo lebekile. Wabeka emathende akhe khashane njenge Sodom. ¹³ Emadvodza aseSodom besekatoni letinkhulu kuSimakadze. ¹⁴ Simakadze wakhuluma ku Abram emvakwekutsi Lothi asuke kuye watsi, "buka kusuka kulendzawo lome kuyo ubuke eNingizimu, eNyakatfo, eMphumalanga naseNshonalanga. ¹⁵ Yonkhe lendzawo loyibonako, ngitayinika wena kanye nesitukulwane sakho ngunaphakadze. ¹⁶ Ngitakwenta situkulwane sakho sibe ngangelutfuli lwemhlabatsi, kute noma umuntfu angabala lutfuli lwemhlabatsi, naso ke lesitukulwane sakho singabalwa. ¹⁷ Sukuma, uhambe uyidzabule ekhatsi ngebudze nangebubanti bayo lendzawo, ngobe ngitakunika yona." ¹⁸ Ngako Abrahama wabutsa lithende lakhe, wase sewuyeta uhlala nema okhini aseMamre, laseHebron, wase wakha nendzawo yekutihlambulula khona lapho.