¹ Emnyakeni wesibili wekubusa kwa Nebukhedineza, waba nemaphupho. Ingcondvo yakhe beyihlukubetekile, futsi angakhoni kulala. ² Ngako inkhosi yabita basalamisi nalabo bebenta ngazutsi bakhuluma nalabafile. Waphindze futsi wabita batsakatsi nemadvodza lahlakaniphile. Abefuna kutsi bamutjele ngemaphupho akhe. Ngako bangena ngekhatsi befike bema ngephambi kwenkhosi. ³ Inkhosi yatsi kubo, ''Ngike ngaba neliphupho, futsi ingcondvo yami ifuna kwati kutsi leliphupho lisho kutsini.'' ⁴ Ngako lendvodza lehlakaniphile yakhuluma eNkhosini ngesiAramic,''Nkhosi, phila ngunaphakade! Shano leliphupho kitsi, tisebenti takho, sitakutjela inchazelo yalo'' ⁵ Inkhosi yaphendvula kulamadvodza lahlakaniphile, ''Lendzaba lena seyilungisiwe. Uma ungaveti leliphupho kimi bese uyalihlatiya, imitimba yenu itawudzabulwa emkhatsini futsi tindlu tenu titawentiwa incumbi yetibi. ⁶ Kepha uma nitangitjela lamaphupho nekutsi lichaza ini, nitawutfola tipho kimi, umhlomelo, kuhlonishwa lokukhulu. Ngako ke ngitjeleni leliphupho nenchazelo yalo. ⁷ Baphendvula phindze base batsi, 'Inkhosi ayisitjele, tsine tisebenti tayo, leliphupho tsine sitanitjela inchazelo yalo.'' ⁸ Inkhosi yaphendvula, ''Ngiyati ngicinisekile kutsi ufuna sikhatsi lesinengi ngoba uyabona kutsi sicine kanjani lesincumo ngaloku. ⁹ Kepha uma ungangitjeli mine leliphupho , ngine sigwebo sinye sakho. Ukhetse kutsi ulungise emanga kanye nemagama lakhohlisako lenivumelene ngawo kanyekanye kutsi niwasho kimi ngite ngishintje umcondvo wami. Ngakoke,ngitjeleni leliphupho, ngitawubese ngiyatikutsi ningangihlatiyela lona. ¹⁰ Lamadvodza lahlakaniphile aphendvula enkhosini, ''Kute indvodza emhlabeni lekhona kuhlangabetana nekufuna ngenkhani kwenkhosi. Ayikho inkhosi lephakeme nalenemandla leke yafuna intfo lenjena ngenkhani kumuntfu wemlingo, noma kunoma ngubani lowenta ngatsi ukhuluma nalabafile, noma endvodzeni lehlakaniphile. ¹¹ Loko lokufunwa inkhosi ngenkhani kulikhuni, futsi kute namunye longasho loku enkhosini ngaphandle kwabo nkulunkulwana, futsi abahlali nebantfu. ¹² Loku kwenta inkhosi yakwata futsi yafutsetelana, yase inika umyalo kutsi kubhujiswe bonkhe bebase Babylon labebatiwa ngenhlakanipho. ¹³ Ngako lesijubo saphuma kutsi bonkhe labo bebatiwa ngenhlakanipho bekumele babekwe ekufeni. Ngenca yalomutsetfo , bafuna Danyela kanye nebangani bakhe kute bato babulala. ¹⁴ Ngako Danyela waphendvula ngebuhlakaniphi nangesizotsa ku Arioch sishaya mtsetfo sabogadzi benkhosi, labebete kutobulala bonkhe base Babylon labebatiwa ngebuhlakaniphi babo. ¹⁵ Danyela wabuta sishaya mtsetfo senkhosi, ''Leni lomtsetfo wenkhosi uphutfume?'' Ngako Arioch watjela Danyela kutsi kwentekeni. ¹⁶ Ngako Danyela wangena ngekhatsi wase ucela kutsi abeke licembe nenkhosi khona atokhona kwetfula lokuhumusha enkhosini. ¹⁷ Ngako Danyela waya endlini yakhe wachaza kubakhaphi bakhe Hananiah, Mishael, kanye na Azariya loku lokwakwentekile. ¹⁸ Wababonisa kutsi bacela kucolelwa kuNkulunkulu wasemazulwini mayelana nalena mfihlakalo khona yena futsi bangetowubulawa kanye nalalamanye emadvodza ase Babylon labekadze atiwa ngenhlakanipho. ¹⁹ Lobo busuku lemfihlakalo yavetwa ku Danyela ngeliphupho. Ngako Danyela wadvumisa loNkulunkulu wasemazulwini ²⁰ futsi watsi, ''Malidvunyiswe ligama laNkulunkulu phakadze naphakadze, ngenhlakanipho kanye nemandla kwakhe. ²¹ Washintja tikhatsi netikhatsi teminyaka; wasusa emakhosi kanye netindzawo temakhosi etihlalweni tawo. Wanika inhlakanipho kulabo bebahlakaniphile kanye nelwati kulabo bebanekucondza. ²² Waveta lokusekhatsi netintfo letatifihlakele ngoba bekati loku bekuse bumnyameni, kanye nekukhanya lokuhlala naye. ²³ Nkulunkulu wemadloti ami, Ngiyakubonga wena futsi ngiyakudvumisa ngalenhlakanipho kanye nemandla longinike wona. Nyalo ukwente ngakwati lesikucelako kuwe; ukwente kutsi sitati tindzaba letifaka inkhosi.'' ²⁴ Ngako Danyela wahamba wayobona Arioch (lona bekunguye inkhosi beyimubekile kutsi abulale wonkhe umuntfu lobekahlakaniphile eBabylon). Wahamba wase utsi kuye, ''Úngabulali lamadvodza lahlakaniphile eBabylon. Ngitsatse ungiyise enkhosini futsi ngitawukhombisa inkhosi inchazelo yaleliphupho.'' ²⁵ Wase Arioch ngekuphutfuma uletsa Danyela ngephambi kwenkhosi watsi, ''Ngitfolile emkhatsini webatfunjwa bemaJuda indvodza letawuveta inchazelo yeliphupho lenkhosi.'' ²⁶ Inkhosi yatsi kuDanyela (Lobekabitwa Belteshazzar), ''Uyakhona yini kungitjela leliphupho lengilibonile kanye nenchazelo yalo?'' ²⁷ Danyela waphendvula inkhosi watsi, ''Lemfihlakalo lena inkhosi lebute ngayo angeke ivetwe ngulabo labanenhlakanipho, hhayi nalaba labenta ngatsi bakhuluma nalabafile, hhayi ngemilingo, hhayi ngetanusi. ²⁸ Nomakunjalo, kuna Nkulunkulu lohlala emazulwini, loveta timfihlakalo, lotente tatiwa kuwe, Inkhosi Nebukhedineza, lokutawenteka emalangeni latako. Lawa bekungemaphupho akho kanye nemibonakaliso emcondvweni wakho usalele emubhedzeni. ²⁹ Njengakuwe, nkhosi, imicabango yakho embhedzeni wakho beyingetintfo letisetawukuta, futsi lalabaveta letimfihlakalo bakwente wakwati wena kutsi kutakwentekalani. ³⁰ Njengami, lemfihlakalo ayikavetwa kimi ngenca yenhlakanipho lenginayo kwengca wonkhe umuntfu lophilako. Lemfihlakalo yavetwa kimi khona wena, nkhosi, utocondza inchazelo, utobese uyati imicabango ngekhatsi kwakho. ³¹ Nkhosi, ubuke etulu, wase ubona umfanekiso lomkhulu. Lona mfanekiso, lobewunemandla futsi ukhanya, ume ngephambi kwakho. Kukhanya kwawo bewutfusa. ³² Inhloko yalomfanekiso bewentiwe ngeligolide lelicosakele. Emabele kanye nemikhono bewa elisiliva. Umkhatsi kanye nematsanga awo bewentiwe ngelitfusi, ³³ kanye nemibala bewentiwe ngensimbi. Tinyawo betentiwe incenye ngensimbi kanye nencenye ngelibumba. ³⁴ Ubuke etulu, futsi litje lajutjwa ngephandle, kepha hhayi ngetandla temuntfu, futsi lashaya lomfanekiso etinyaweni tensimbi kanye nelibumba, lase liyabavala. ³⁵ Ngako lensimbi, libumba, litfusi, lisiliva kanye neligolide ngesikhatsi sinye kwacetuka kwaba tincetu kwase kufana netimphepheleti lebutsene esiyilweni ngeluhlobo. Lomoya wabatsatsa wabalahlela khashane kwababete ngisho luhala labo lelisele. Kepha lelitje lelashaya lomfanekiso laba intsaba lenkhulu futsi lagcwalisa wonkhe lomhlaba. ³⁶ Leli bekuliphupho lakho. Nyalo sitawutjela inkhosi lenchazelo. ³⁷ Wena, nkhosi, uyinkhosi yemakhosi le Nkulunkulu wemazulu ayinikete umbuso, emandla, kanye nekuhlonipheka. ³⁸ Ukunike esandleni indzawo lapho bantfu bahlala khona. Unike tilwane tasemasimini kanye netinyoni temazulu esandleni sakho, futsi ukwente wabusa etukwabo bonkhe. Ungumfanekiso wenhloko yeligolide. ³⁹ Emvakwakho, lomunye umbuso utawuvuka lomuncane kuwe, futsi kepha umbuso wesitsatfu welitfusi utawubusa kuwo wonkhe lomhlaba. ⁴⁰ Kutawuba nembuso wesine, locine njenge nsimbi, ngoba insimbi iphula letinye tintfo tibe tincetu bese kuvala yonkhe intfo. Kutawuvala tonkhe leti tintfo kutifihlite. ⁴¹ Njengoba ubonile, letinyawo nabocikilicane bekwentiwe ngencenye lebhakwe ngelibumba nencenye leyentiwe ngetinsimbi,khona kutowuba ngumbuso lohlukene; lamanye emandla ensimbi atowubanje kuyo, njengobe wabona tinsimbi tihlanganiswe kanje nelibumba lelicosakele. ⁴² Njengobe letitsendze taletinyawo incenye beyentiwe ngensimbi kanye nencenye ngellibumba, kungako lombuso incenye utocina nencenye itatsamba. ⁴³ Njengoba ubona insimbi ihlanganiswe nelibumba lelicosakele , ngako nebantfu bahlangana; angeke bahlale kanyekanye, njengoba insimbi ingahlangani nelibumba. ⁴⁴ Emalangeni alawo makhosi, loNkulunkulu wemazulu utawuhlela umbuso longeke ubhidlitwe, nalongeke uncobwe ngulabanye bantfu. Utawuphula leleminye imibuso ibetincetu bese ucedza ngabo bonkhe, kutawuma kube phakadze. ⁴⁵ Njengobe ubonile, litje lijutjiwe entsabeni, kepha hhayi ngetandla tebantfu. liphule lensimbi, litfusi ,libumba nesiliva kanye neligolide laba tincetu. LoNkulunkulu ukwente kwatiwa kuwe, nkhosi, lokutawenteka emvakwaloku. Leliphupho liliciniso kanye nenchazelo yalo yetsembekile. ⁴⁶ Inkhosi Nebukhedineza yaw ngebuso embikwa Danyela yase iyamkhotsama; wabatjela kutsi umnikelo awentiwe futsi nemphepho anikelelwe yona. ⁴⁷ Inkhosi yatsi kuDanyela,' ''Ngeliciniso loNkulunkulu wakho ungu Nkulunkulu wabo nkulunkulwana , Inkhosi yemakhosi, kanye nalona loveta timfihlakalo, ngoba wena ukhonile kuveta lena mfihlo. ⁴⁸ Ngako inkhosi yenta Danyela waba ngumhlonishwa lophakeme yase imunika tipho letinhle letinengi. Wamenta wabusa esifundzeni sonkhe sase Bhabiloni.Danyela bamubeka wabasikhulu sawo onkhe madvodza lahlakaniphile ⁴⁹ Danyela wenta sicelo enkhosini, nenkhosi yabeka Shadrach, Meshach na Abednego kutsi babukete sifundza sase Babylon. Kepha Danyela wasala ebaleni lenkhosi.