¹ Emnyakeni welishumi nakutsatfu kwekubusa inkhosi Jehoyakimi yaka Juda, Nebukhadnezari inkhosi yase Bhabhuloni yeta eJerusalemu yagegeletela lelidolobha iyivimbetela. ² Inkhosi yaniketa Nebukhadnezari kuncoba esikhundleni senkhosi Jehoyakimi yakaJuda, waphindza wamniketa tintfo temisimeto endlini yaNkulunkulu. Wabaletsa eveni lase Bhabhiloni, endlini yankulunkulu wakhe, wabese ubeka tintfo takhe temisimeto kumucebo wankulunkulu wakhe. ³ Inkhosi yakhuluma kuAshpenaz, sikhulu sakhe, kutsi baletse incenye yebantfu baka-Israyeli, kanyekanye bemu mndeni wasebukhosini kanye nebantfu labase cophelweni lelisetulu- ⁴ emajaha lamancane labasengakase bone, ahawukeleka ngendlela labukeka ngayo, anelwati nekucondza konkhe, futsi lalungele kutsi asebente esigodlweni senkhosi. Abetobafundzisa lulwimi lemaBhabhiloni netincwadzi. ⁵ Inkhosi yababalela ngamunye etibilibocweni tayo tase mihleni kanye neliwayini labelinatsa. Lamajaha lamancane bekatawu ceceshwa iminyaka lemitsatfu, bese emvakwa loko, bebatawu sebentela inkhosi. ⁶ Emkhatsisini kwawo bekuna Danyela, Hananiya, Mishayeli, naHazariya, nalabanye bantfu bemaJuda. ⁷ Indvuna yabetsa emagama; Danyela yametsa yatsi nguBelteshasari, Hananiya yatsi nguShedrakhi, Mishayeli yatsi nguMeshakhi, naAzariya yatsi nguAbednigo. ⁸ Kodvwa Danyela watincumela kutsi angeke atingcolise ngekudla tibiliboco tenkhosi noma ngeliwayini lebeka linatsa. Ngako wacela imvumo endvuneni kutsi angatingcolisi. ⁹ Manje Nkulunkulu waniketa Danyela bubele kanye neluvelo ngenhlonipho indvuna beyimuniketa yona. ¹⁰ Indvuna yatsi kuDanyela, " Ngiyayesaba inkhosi yami. Usiyalele kutsi sidla ini siphindze sinatse ini. Leninje ufune akubone wondzile kunalamajaha labontsanga yenu? Inkhosi ingahle ingijube inhloko ngenca yakho." ¹¹ Danyela wase ukhuluma kulobeka bekwe ngulendvuna kutsi engamele boDanyela, Hananiya, Mishaki, naAzariya. ¹² Watsi, " Ngicela kutsi usilinge tsine, tisebenti takho, emalanga lalishumi. Sinikete tibhidvo kuphela kutsi sitidle kanye nemanti ekunatsa. ¹³ Bese-ke ucatsanisa kubukeka kwetfu nala majaha ladla tibiliboco tenkhosi, bese usiphatsisa njenge tisebenti takho ngendlela loyibonako." ¹⁴ Ngakoke lobeka singamele wavuma naye kutsi bente loku, wabalinga emalanga lalishumi. ¹⁵ Ekupheleni kwemalanga lalishumi babukeka baphilile kakhulu, futsi bondleke kancono kunawo onkhe lawalamanye emajaha labedla tibiliboco tenkhosi. ¹⁶ Ngakoke lobeka bengamele wasusa lokudla kanye neliwayini wase ubanika tibhindvo todvwa. ¹⁷ Kula majaha lamanane, Nkulunkulu wabanika inhlakanipho nekucondza kwato tonkhe tincwandzi nelwati, naDanyela abekhona kucondza lonkhe luhlobo lwemibono kanye nemaphupho. ¹⁸ Ekugcineni kwesikhatsi lesabekwa yinkhosi kutsi ibaletse ngaphakatsi, indvuna yabaletsa embikwa Nebukhadnezari. ¹⁹ Inkhosi yabakhulumisa yatsi, nase mukhatsisini wasonkhe lesigungu bekute lebekafana naDanyela, Hanani, Mishaki, naAzariya. Bema embikwe nkhosi, belungele kuyi sebentala. ²⁰ Kuyo yonkhe imibuto yekuhlakanipha neyekucondza inkhosi lebeyibabuta yona, yabakhandza bancono ngalokuphindvwe ngelishumi kunabo bonkhe bantfu bemilingo nalabo labatsi bangakhuluma nalabafile, nalabo lababe kuwowonkhe umbuso wakhe. ²¹ Danyela abekhona kwaze kwaba ngumnyaka wekucala wenkhosi yaseCyrus.