¹ Ngabona iNkhosi ime ngase Lathini, futsi yatsi, ''Yephula tinsika khona tisekelo titotamatama. Tephule ticucu kuto tonkhe tinhloko tato, futsi ngitawubulala yekugcina yato ngenkemba. Kute noma munye loyosindza. ² Noma bangagubha befike eShewoli, lapho sandla sami sitabatsatsa. Noma bangancanca befike etulu eZulwini, lapho ngitabehlisela phansi. ³ Noma bangabhaca etulu kuCarmel, lapho ngiyawubafuna ngibatsatse. Noma babhacisiwe emehlweni ami ngaphansi kwelwandle, Lapho ngiyawunika imiyalo enyokeni, futsi itawubaluma. ⁴ Noma baya ekutfunjweni, bahanjiswa titsa tabo embi kwabo, ngulapho ngiyawunika imiyalo enkembeni, phindze itababulala Ngiyawubeka emehlo ami kubo kubalimata futsi hhayi kahle''. ⁵ Inkhosi Simakadze wemabandla utsintsa umhlaba bese uyancibilika; bonkhe labaphila kuwo bayalila; wonkhe uyawuphakama njengeMfula, phindze ubohle njengemfula wase Gibhithe. ⁶ Nguye lowakha titebhisi emazulwini, futsi wakhile sibhakabhaka sakhe etu kwemhlaba. Ubita emanti ase Lwandle, awatsele etukwemhlaba, ngu Simakadze libito lakhe. ⁷ '' Anisinjengabo yini bantfu base Kushi, bantfu baka Israyeli- nangu umlayeto waSimakadze- angizange yini ngikhiphe Israyeli ngaphandle kwelive laseGibhithe, Emafilisti eKherete, nema Arameyani eKiri? ⁸ Buka, emehlo eNkhosi Simakadze aseveni lelonako, futsi ngitayibhubhisa ebusweni bemhlaba, ngaphandle kwekutsi angeke ngibhubhise yonkhe indlu ya Jakobhe- lona ngumlayeto waSimakadze ⁹ Buka, Ngitawukhokha umtsetfo, futsi ngitawutamatamisa indlu yaka Israyeli emkhatsini wetive tonkhe, njengemuntfu lowela kolo esisefeni, khona ngisho nelitje lelincane lingawela phansi emhlabatsini. ¹⁰ Tonkhe toni tebantfu bami titawufa ngenkemba, labo labatsi, tehlakalo ngeke tisengcelele nobe tisivelele. ¹¹ Ngalelolanga ngiyawuvusa lithende laDavide leliwile, phindze ngivale tindvonga talo. Ngiyawuvusa tindzala talo, phindze ngilakhe kabusha njengasemihleni yakudzala. ¹² kutsi tibe netinsalela ta Edomu, kanye nato tonkhe tive letibitwa ngelibito lami- lona ngumlayeto waSimakadze- wenta loku. ¹³ Buka, emalnga atawufika- lona ngumlayeto waSimakadze- umlimi nakatawengcelela umvuni, futsi nemhluti wemagelebisi utawengcelela loyo lohlanyela inhlanyelo. Tintsaba titawugeleta liwayini lelinongotelako, futsi tonkhe tintsaba tiyawugeleta lona. ¹⁴ Ngiyawubuyisela emuva ekutfunjweni bantfu bami Israyeli. Batawukwakha lidolobha lelibhidlitiwe phindze bahlale kulo, batawukwakha imivini baphindze banatse liwayini labo, batawukwakha tingadze phindze badle titselo tabo. ¹⁵ Ngitawubahlanyela eveni labo, phindze angeke nakanjani bakhishwe eveni lengibanike lona'', Kusho Simakadze Nkulunkulu wenu.