¹ Loku ngunaku inkhosi Simakadze langikhombisa kona. Buka, ibhaskidi yetitselo tasehlobo! ² ''Watsi, ''ubonani, Amosi?'' Ngatsi, ''Ibhaskidi yetitselo tasehlobo.'' Wase Simakadze watsi kimi, ''Siphetfo sifikile kubantfu bami baka Israyeli; Angeke ngisabayekela. ³ Tingoma telithempeli titawuba yimisindvo ngalelo langa- lona ngumyalo weNkhosi Simakadze- tidvumbu letiningi tilahlwe yonkhe indzawo! Kuthula!'' ⁴ Lalela naku, wena lohlupha labadzingile futsi ususe labamphofu balendzawo. ⁵ Batsi, ''Itawuphela nini inkhanyeti, kuze sitsengise umbila futsi? Litawuphela nini lilanga leSabatha, kuze sitsengise koloyi? Sitawukwenta sikali lesincane futsi sikhulise linani, njengobe siganga ngetikali letimanga. ⁶ Loku kungobe singatsengisa koloyi lokabi, tsenga labamphofu ngesiliva, nalabadzingile tincabule tinye.'' ⁷ Simakadze wafunga ngekutichenya kwaJakobe, ''Ngempela angeke ngikhohlwe nomangangutiphi tento tabo.'' ⁸ Angeke yini lendzawo itamatame ngaloku, futsi wonkhe muntfu lohlala kuyo alile? Yona yokhe itawuphakama njengemfula i Nali, futsi itawujikwa futsi incwile phindze, njengemfula wase Gibhithe. ⁹ ''Kutawufika ngalelo langa-lona ngumyalo weNkhosi Simakadze-kutsi ngitawenta lilanga lishone entsambama, futsi ngitawehlisela bumnyama emhlabeni ekhatsi nelilanga. ¹⁰ Ngitawugucula imikhosi yenu ibe sililo futsi tonkhe tingoma takho ekubeni lusizi. Ngitawunenta nonkhe nigcoke timphahla temasaka futsi nihhule kuyoyonkhe inhloko. Ngitawukwenta ngatsi sililo sendvodzana yodvwa, futsi lilanga lelimunyu kufika emaphetselweni alo. ¹¹ Buka, lamalanga ayeta-lona ngumyalo weNkhosi Simakadze-Nangitfumela indlala kulelive, hhayi indlala yesinkhwa, hhayi neyekomela emanti, kodvwa yekuva emavi aSimakadze. ¹² Batawunhlanhlatseka lwandle nelwandle; bayawugijima kusuka enyakatfo kuya enshonalanga kufuna emavi aSimakadze, kodvwa angeke bawatfole. ¹³ Ngalelo langa ematjitji lamahle futsi nemajaha lamancane ayawuculeka ekomeni. ¹⁴ Labo labafunga ngesono sase Samariya futsi batsi,' Njengobe nkulunkulu wakho aphila, Deni; futsi, 'Njengendlela leya e Bhisheba ikhona'-batakuwa futsi bangaphindze bavuke.''