¹ Nyalo bekunemphi phakatsi kwendlu ya Sawula kanye nendlu ya Davide. Davide wandlondlobala ,wandlondlobala, kepha indlu ya Sawula yancipha yancipha. ² Emadvodzana atalelwa Davide e Hebroni. Litubulo lakhe bekungu Aminoni, atelwe ngu Ahinowami wase Jezireli. ³ Indvodzana yakhe yesibili, Khilebhu, watalwa ngu Abhigeli, umufelokati wa Nabhali wase Khameli. Wesitsatfu, Abusalomu, bekayi ndvodzana ya Mkhahi, indvodzakati ya Talimayi, inkhosi yase Geshure. ⁴ Indvodzana yesine ya Davide, Adonija, bekayi ndvodzana ya Hagithi. Indvodzana yakhe yesihlanu bekungu Shephathiya indvodzana ya Abhitali, ⁵ bese iye sitfupha, Ithrima, bekuyi ndvodzana yenkhosikati ya Davide. Lawa madvodzana atalelwa Davide e Hebroni. ⁶ Kwafika ngesikhatsi semphi emukhatsisini kwendlu ya Sawula nendlu ya Davide kutsi Abhineri atente lonemandla endlini ya Sawula. ⁷ Sawula bekane liphovela libito lalo kungu Rizipha, indvodzakati ya Ayiya. Ishiboshethi watsi ku Abhineri, '' Leni kutsi ulale neliphovela leyise wami?'' ⁸ Laphoke Abhineri watfukutseliswa mavi a Ishibhoshethi wabese watsi, '' Ngabe ngiyi nhlomo yenja yase Juda? Namuhla khombisa kwetsembeka endlini ya Sawula, uyise wakho, kubanakenu, kanye naku bangani bakhe, ngeku ngakuletsi esandleni sa Davide. Kepha nyalo ungisola ngelicala leliphatselene nalona wesifazane? ⁹ Shengatsi Simakadze angenta njalo kimi, Abhineri, naloku ngetulu phindze, uma ngingenteli Davide njengobe Simakadze asa fungile kuye, ¹⁰ kumikisa umubuso usuka endlini ya Sawula wakhe sihlalo sa Davide ngetulu kwa Israyeli nangetulu kwa Juda kusuka ku Dani kuya ku Bhesheba.'' ¹¹ Ishiboshethi wehluleka kuphendvula Abhineri lelinye ligama, ngoba bekamusaba. ¹² Laphoke Abhineri wetfumela balayeti ku Davide kutokhuluma naye batsi, '' Wabani lomhlaba? Yakha sivumelwano nami, utabese uyabona kutsi sandla sami sinawe, kukuletsela Israyeli kuwe.'' ¹³ Davide waphendvula, '' Kuhle, ngitawenta sivumelwano nawe. Kepha ngidzinga yinye intfo kuwe kutsi ungaboni buso bami ungaka letsi kimi Mikhali, indvodzakati ya Sawula, uma uta kutongibona.'' ¹⁴ Laphoke Davide watfumela balayeti ku Ishiboshethi, indvodzana ya Sawula, '' Nginikete umufati wami Mikhali lengamu bhadalela imbhadalo yemajwabu lalikhulu.'' ¹⁵ Ngakoke Ishibhoshethi watfumelela Mikhali waphindze wamutsatsa kundvodza yakhe, Phalitheli indvodzana ya Layishi. ¹⁶ Indvodza yakhe yahamba naye, abelila asahamba, wamulandzelabaya e Bhahurimi. Laphoke Abhineri watsi kuyee, '' Buyela ekhaya nyalo.'' Ngakoke wabuyela. ¹⁷ Abhineri wakhuluma nalabadzala baka Israyeli watsi, '' kadzeni benizama kubeka inkhosi tukwenu. ¹⁸ Nyalo kwenteni. Ngoba Simakadze wakhuluma na Davide watsi, '' Ngesandla sesisebenti sami Davide ngitawu sindzisa bantfu bami baka Israyeli, esandleni sema Philisti, phindze nase sandleni sato tonkhe titsa tami.'' ¹⁹ Abhineri waphindze wakhuluma matfupha nebantfu baka Bhenjamini. Lapho Abhineri wahamba wayokhuluma na Davide eHebroni kuto chaza yonkhe intfo Israyeli nayo yonkhe indlu ya Bhenjamini bebafise kuyitfola. Uma ²⁰ Abhineri nemadvodza akhe lalishumi afika e Hebroni kutobona Davide, Davide wenta sidlo balungiselwe. ²¹ Abhineri wachaza ku Davide, '' Ngitaku sukuma ngibutsanise wonkhe Israyeli kuwe, muphatsi wami inkhosi, kute kutsi bakhe sivumelwano nabo, kute kutsi utobusa kuko konkhe loku fisile.'' Ngakoke Davide wacosha Abhineri, wabese uyahamba Abhineri ngekuthula. ²² Laphoke emasotja a Davide na Jowabi bachamuka baletse lukunyenti labakutsetse etitseni. Kepha Abhineri bekangekho na Davide e eHebroni. Davide bekamutfumele kashane, na Abhineri wahamba ngekuthula. ²³ Uma Jowabi nawo onkhe emabutfo lebekanaye afikile, batjela Jowabi, '' Abhineri indvodzana ya Neri yeta enkhosini, nenkhosi beyimu coshile, kani na Abhineri wahamba ngekuthula.'' ²⁴ Laphoke Jowabi weta enkhosini wefike watsi, ''Ngabe sewenteni? Buka, Abhineri weta kuwe! Umucosheleni, nyalo sohambile yini? ²⁵ Awati yini kutsi Abhineri indvodzana ya Neri itele kutoku khohliswa nekutowati emacebo akho aphindze afundze yonkhe intfo loyentako?'' ²⁶ Uma ahamba Jowabi watfumela balayeti ngemuva kwa Abhineri, bamubuyisa eicojeni sase Sira, kepha Davide bekanga kwati loku. ²⁷ Uma Abhineri abuyela e Hebroni, Jowabi wamu beka eceleni emukhatsini kwelisango atokhulumela naye phasi. Lapho Jowabi wamugwaza esisweni wamu bulala. Ngalendlela, Jowabi waphindzisela ingati ya Asaheli umnakabo. ²⁸ Uma Davide eva ngaloku watsi, '' Mine nemubuso wami simusulwa embikwa Simakadze mayelana nengati ya Abhineri indvodzana ya Neri. ²⁹ Shengatsi ingati yakhe ingawela enhloko ya Jowabi natukwendlu yeyise wakhe! Shengatsi indlu ya Jowabi ingahlali ibe bete umuntfu lonesilodza lesigijimako, noma sifo sesikhumba noma umuntfu losishosha lohamba ngelubhoko noma lobulawa ngenkemba noma abebete kudla lokwanele. ³⁰ Ngakoke Jowabi nemu nakabo Abhishayi babulala Abhineri, ngoba wabulala umnakabo Asaheli emphini e eGhibheyoni. ³¹ Davide watsi kiu Jowabi nakubo bonkhe bebanaye, '' Dzabulani timphahla tenu nigcoke emasaka, nizile embikwe sidvumbu sa Abhineri.'' Nyalo Davide wahamba ngemuva kwesidvumbu kusachubeka umungcwabo. ³² Bamungcwaba Abhineri e Hebroni. Inkhosi yalila yakhala kakhulu etuneni la Abhineri, nabo bomkhe bantfu balila. ³³ Inkhosi yahlabela ingoma yelusizi ihlabelela Abhineri, Ngabe Abhineri kufanele afe njenge silima nasifa? ³⁴ Tandla takho betingaka khungwa. Tinyawo takho tingaka faswa. Njenge ndvodza iwa phambi kwendvodzana yekungalungi, nawe uwile.'' Phindze futsi bonkhe labantfu bamulilela. ³⁵ Bonkhe bantfu beta kutowenta Davide adle kusese mini, kepha Davide wafunga, '' Shengatsi Nkulunkulu angenta kimi, naloku ngetulu kunaloku, uma ngingadla sinkhwa noma yini lounye uma lilanga lingaka shoni. ³⁶ Bonkhe bantfu banaka kutila kwa Davide, kwabachaza, ngoba konkhe lobekwentiwa yinkhosi bekuba chaza. ³⁷ Ngako bonkhe bantfu na Israyeli wacondza ngalelo langa kutsi bekunga siso sifiso senkhosi kutsi kubulawe Abhineri indvodzana ya Neri. ³⁸ Inkhosi yatsi kutisebenti tayo, '' Niyati yini kutsi lizinyane nedvodza lelungile iwile ngalelilanga ka Israyeli? ³⁹ Nyalo ngibutsakatsaka, naloku ngibekwe inkhosi. Lamadvodza lawa, emadvodzana a Zeruya, anelunya kimi. Shengatsi Simakadze angabhadala lomenti walokubi ngekumu jezisa ngeku khohlakala kwakhe, njengobe kumufanele.''