¹ Ngemuva kwaloku Davide wacela Simakadze watsi, Ngisuke ngihambe yini nginyukele kulinye lemadolobha lase Juda?''Simakadze wamuphendvula watsi, ''Hamba etulu.'' Davide watsi, '' ngihambe ngiye kuliphi lidolobha?'' Simakadze waphendvula, '' Uye e Hebroni'' ² Ngakoke Davide wanyuka ahamba neba fati bakhe lababili, Ahinomi wase Jezreel, kanye na Abhigeli wase Khameli, umufelokati wa Nabhali. ³ Davide waletsa lamadvodza lebeka naye, laletsa imindeni yayo ngayinye ngayinye, emadolobheni ase Hebroni, lapho bacale bahlala khona. ⁴ Lamadvodza ase Juda afika agcoba Davide inkhosi yendlu yaka Juda. Batjela Davide. '' Emadvodza ase Jabeshi Giledi seka mungcwabile Sawula.'' ⁵ Ngakoke Davide watfumela balayeti emadvodzeni ase Jabeshi Giledi watsi kibo, '' Nibususekile ngu Simakadze, ngoba nikhombise loku kwetsembeka ku muphatsi wenu Sawula namu ngccwaba. ⁶ Nyalo shengatsi Simakadze angaku khombisa lutsandvo lolukhulako nekwetsembeka. Nami ngitawu phindze nginikhombise lomusa ngoba senente loku. ⁷ Nyaloke, tandla tenu aticine, nikhutsateke ngoba Sawula umuphatsi wenu ushonile, nendlu ya Juda seyibeke mine inkhosi etukwabo.'' ⁸ Kepha Abhineri indvodzana ya Neri, umuholi welibutfo la Sawula, watsatsa Ishiboshethi indvodzana ya Sawula wamuletsa ku Mahanayimi. ⁹ Wenta Ishiboshethi inkhosi yase Giledi, Asheri, Jezireli, Ephrayemi, Benjamini, nakuye wonkhe Israyeli. ¹⁰ Ishiboshethi indvodzana ya Sawula, yayine minyaka lelishumi lamane uma icala ibusa ka Israyeli, wabusa iminyaka lemibili. Kepha indlu ya Juda yalandzela Davide. ¹¹ Lesikhatsi lapho Davide abeyi nkhosi eHebroni tukwendlu ya Juda kwakuyi minyaka lesikhombisa netinyanga letisitfupha. ¹² Abhineri indvodzana ya Neri, kanye netisebenti ta Ishiboshethi indvodzana ya Sawula, baphuma e Mahanami baya e Gibheyoni. ¹³ Jowabi indvodzana ya Zeruya kanye neti sebenti ta Davide baphuma bayo hlangana nabo ngase mufuleni wase Gibheyoni. Lapho bafike bahlala phasi, lesinye sicuku ngakulinye lihlangotsi lemufula nalesinye sahlala ngenhlanye. ¹⁴ Abhineri watsi ku Jowabe, '' atisukume tinsizwa ticudzelane embikwetfu.'' Jowabe wabese utsi, '' Abasukume.'' ¹⁵ Laphoke tinsizwa tasukuma tahlangana ndzawonye, labali shumi nakubili ba Bhenjamini kanye na Ishiboshethi indvodzana ya Sawula, kanye nalaba lishumi nakubili etisebentini ta Davide. ^{16 17} Yonkhe indvodza yabamba litfuba ngenhloko yajika inkemba ehlangotsini lesitsa sayo, babese bawa phasi ndzawonye. Kungakoke lendzawo yetsiwa ngekutsi kuse '' Helikhathi Hazurimi,'' noma ínsimi yetinkemba,'' lendzawo ise Gibheyoni. Imphi yayi yibi kakhulu ngalelo langa futsi Abheneri kanye nemadvodza aka Israyeli bahlulekiswa embikwe tisebenti ta Davide. ¹⁸ Emadvodzana lamatsatfu a Zeruya bekakhona lapha: Jowabi, kanye na Abhishayi, kanye na Asaheli. Asaheli abekhona kugijima ngelitubane lelise tulu. ¹⁹ Asaheli wagijimisa Abhineri madvute wabese uyamulandzela ngaphandle kwekugucukela kulenye indzawo. ²⁰ Abhineri wabuka ngemuva kwakhe wabese utsi, '' ngabe nguwe loyo Asaheli?'' Waphendvula, '' Ngimi lo.'' ²¹ Abhineri watsi kuye, '' Gucukela ngesekudla noma sencele sakho, bese ubamba yinye yaletinsizwa utsatse lihawu lakhe.'' Kepha Asaheli bekanga gucukeli eceleni. ²² Ngakoke Abhineri waphindze watsi ku Asaheli, ''Yekela kungi landzela. Ngikushaye leni phasi? Ngingabese ngibu phakamisa kanjani buso bami ku Jowabi, umnakenu? ²³ Kepha Asaheli wancaba kugucukela eceleni, ngakoke Abhineri wamugwaza emutimbeni ngencenye yesikhali lenga khaliphi, saze saphumela ehlangotsini lelinye lesikhali. Asaheli wawela phasi washona khona lapho. Ngakoke kwafika kuwo wonkhe umuntfu lowafika kulendzawo kutsi Asaheli wawela phasi wabese uyashona, wema waphindze wanga nyakati. ²⁴ Kepha Jowabi na Abhishari bamulandzela Abhineri. Uma lilanga selishona, befikela entsabeni yase Amahi, lese dvute nase Giya ngase ndleleni leya ehlane lase Gibheyoni. ²⁵ Emadvodza a Bhenjamini atibutsabisa ngemuva kwa Abhineri bema esicongweni sentsaba. ²⁶ Laphoke Abhineri wamemeta ku Jowabi watsi, ''Ngabe inkemba kufanele ibulale inguna phakadze? Ngabe awati yini kutsi kutawuba munyu ekugcineni? Kutawuze kube kunini ngaphambi kwekutsi utjele emadvodza akho kutsi ayekele kucosha bomunakabo?'' ²⁷ Jowabi waphendvula, '' Njengobe Nkulunkulu aphila, kube awukakusho loko, emasotja ami bekatawu cosha banakabo kute kube sekuseni!'' ²⁸ Ngakoke Jowabi washaya impalampala, abese onkhe emadvodza akhe ayema angasamu coshi Israyeli gemuva kwaloku, baphindze bangasalwi. ²⁹ Abhineri nemadvodza akhe bahamba busuku bonkhe endzaweni yase Arabahi. Bewela li Jodani, bahamba nanga kusasa ekuseni, bate befika e Mahanayimi. ³⁰ Jowabi wajika ekucosheni Abhineri. Wahlanganisa onkhe ema dvodza akhe, labeba shoda bekungu Asaheli kanye nemasotja a Davide lalishumi nemfica. ³¹ Kepha emadvodza a Davide abe bulele 360 kwemadvodza a Bhenjamini na Abhineri. ³² Babese batsatsa Asaheli bamungcwaba etthuneni leyise, lebeli se Bhethlehema. Jowabi nemadvodza akhe bahamba busuku bonkhe, nelilanga laba velela e Hebroni.