¹ Nyalo lawa ngamavi ekugcina aDavide- lenkholo wendvodzana yaDavide Jesse, lenkholo yendodza lephakeme lohloniphako, lona logcotje nguNkulunkulu waJacob, emahubo lamnadzi aIsrael. ² "Moya waSimakadze wakhuluma nami, emavi akhe abeselwimini lami. ³ Nkulunkulu wema Israel wakhuluma, litje laka Israel latsi kimi, 'Lona lobusa kulunga tukwe bantfu, lobusa ngekwesaba Nkulunkulu. ⁴ Utoba njenge kukhaya ekusena nakuphula lilanga, buseni lobungena mafu, umatjani buhluma emhlabatsini makuphuma lilanga emva kwemvula. ⁵ Ngempela, ngabe umndeni wami akasiko nje phambi kwaSimakadze? Akenti sivumelwano sengunaphakadze nami, lesihlelwe kahle kwacinisekwa ngato tonkhe tindlela? Akakukhulisi yini kusindziswa kwami agcwalise tonkhe tifiso tami. ⁶ Kodvwa bonkhe lababi bonkhe bafana nemanyeva lekumele alahlwe, ngoba ngeke abanjwe ngesandla. ⁷ Umuntfu lowatsintsako kumele asebentise insimbi, noba indviku yeskhali. Kumele ashiselwe lala khona khona.''' ⁸ Lawa ngemagama emadvodza lamakhulu aDavide: Josheb-Basshebeth umuTahkemoni, abengumholi webemtsetfo. wabulala emadvodza langemakhulu lasiphohlongo emphini yinye. ⁹ Emva kwakhe bekungu Eleazar indvodzana ya Dodia umAhohi, munye walabatsatfu labakhulu. Abena Davide uma basukela emaPhilisti lebeba butsisene ndzawonye batowenta imphi, uma emadvodza akaIsrael abaleka. ¹⁰ Eleazar wasukuma walwisa emaPhilisti wate sandla sakhe sadzinwa sase asisakhoni neku bamba inkema yakhe. Simakadze waletsa injabulo lenkhulu ngalelo langa. Lelibotfo lajika ngemva kwaEleazar, kuyo ngcunula lemitimba. ¹¹ Ngemva kwakhe bekungu Shammah indvodzana yaAgee, umHarari. Ema Philisti abutsisana ndzawonye labekulinywe emabhonjisi khona, lase lelibutfo liyabaleka. ¹² Kodvwa Shammah wema emkhatsini walensimu wayehlulekisa. Wawabulala emaPPhilisti, wase Simakadze uletsa injabulo lenkhulu. ¹³ Lamatsatfu emasotja kulangemashumi lamatsatfu aya kuDavide ngesikhatsi sekuvuna, emhomeni waAdullam. Libutfo lemaPhilisti belihleti esigodzini sema Raphaim. ¹⁴ Ngalesikhaatsi Davide asebambelele, umgedze, uma emaPhilisti sekakhe eBethlehem. ¹⁵ Davide abewomele emanti watsi, ''Uma munye angangipha emanti ekunatsa escotjeni sase Bethlehem, lesicobho lesingase sangweni!'' ¹⁶ Lamadvodza lamatsatfu lamakhulu adzabula ekhatsi kwelibutfo lema Philisti akha emati esicojeni seBethlehem, sicobho esangweni. Batsatsa lamanti baletsa kuDavide, wala kuwanatsa. Kepha, wawacitsela Simakadze. ¹⁷ Wase utsi, ''Simakadze, akasuke celeni kwami, leni ngikwente loku. Ngiyinatse yini ingati yemadvodza latifaka engotini?'' Ngako wala kunatsa. ¹⁸ Abishai, umnaka Joab nendvodzana yaZeruiah, abengumholi kulaba labatsatfu. Walwa kanye nesikhali wamelana netinkhulungwane letintsatfu temadvodza wawabulala. Abetiwa kanye nemasotja lamatsatfu. ¹⁹ Abengatiwa kwengca lalabatsatfu? Bamubeka waba ngumholi. Ngakulokunye, ludvumo lakhe alifanananga neludvumo lalamatsatfu emasotja. ²⁰ Benaiah wase kabzeel bekuyindvodzana yaJehoiada; bekuyyindvodza lenemandla lanta sidlo lesikhulu. Wabulala emadvodzana aAriel wase Moab. Wehla waya emgodzini wabulala libhubezi kusehla sitfwatfwa. ²¹ Wase ubulala umGibhithe lomkhulu. LoGibhithe abephatse sikhali esandleni sakhe, kodvwa Benaiah walwa naye ngelidvondvolo. Watsatsa lesikhali esandleni semGibithe wambulala ngalesikhali sakhe. ²² Benaiah indvodzana yaJehoiada wenta lesidlo, wase wetsiwa kanye nalamadvodza lamatsatfu. ²³ Beku ngumuntfu lowetsembekile kunalamasotja langemashumi lamatsatfu, kodvwa abengabukwa kancono kuna labatsatfu labakhulu. Kupha Davide wambeka waba ngulaba buke bogadzi. ²⁴ Laba ngemashumi lamatsatfu bangeta naba: Asahel umnaka Joab, Elhanan indvodzana yaDodo yase Bethlehem, ²⁵ Shammah umHarod, Elika umHarod, ²⁶ Helez umPalt, Ira indvodzana yaIkkesh umTekoit, ²⁷ Abiezer umAnathoth, Sibbekai umHushath, ²⁸ Zalmon umAhohite, Maharia umNetophath; ²⁹ Heled indvodzana yaBaanah umNetophath, Ithai indvodzana yaRibai waseGibeah wema Benjamin, ³⁰ Benaiah umPirathon, Hiddai indvodzana yasesigodzini saGaash. ³¹ Abi-Albon umArbath, Azmaveth umBarhum, ³² Eliahba umShaalbon, indvodzana yaJashen, Jonathan indvodzana yaseShammah umHarar, ³³ Ahiam indvodzana yase Sharar umHarar, ³⁴ Eliphelet indvodzana yase Ahasbai umMaakath, Eliam indvodzana yaAhithophel umGilon, ³⁵ Hezro umCarmel, Paarai umArb, ³⁶ Igal indvodzana yase Nathan wase Zobah, Bani waseveni leGad, ³⁷ Zelek umAmmon, Naharai umBeeroth, umvimbi Joab indvodzana yase Zeruiah, ³⁸ Ira umIthrit, Gareb umIthrit, ³⁹ Uriah umHitti-emashumi lamatsatfu neskhombisa seba bonkhe.