¹ Davide wahlabela kuSimadze emagama alengoma ngalelinga lapho Simakadze amusindzisa ngalo esandleni setitsa takhe nasesandleni sa Sawula. ² Wathandaza, '' Simakadze ulidwvala lami, umpheme wami, loyo longisindzisako. ³ Nkulunkulu ulidwala lami. Ngibhaca kuye. Usihlangu sami, liphondvo lensindziso yam, mpheme wami, mgedze wami wekubalekela, loyo longsidzisa ebudlangdlanwini. ⁴ Ngitawukubita Siamakadze, wena lofanelwe tibongo, ngako ngitawivikelwa etitseni tami. ⁵ Ngoba emagagasi ekufa angigegeletele, emanti laphutfumako ekungikholisa ayangengama. ⁶ Tincabekekelwane taseShiyoli tingigegeletele; ligibe lekufa lingibambile. ⁷ Nangisenkingeni ngibita Simakadze; ngibita Nkulunkulu wami; wawuva umthandazo wami ethempelini lakhe, nekukhala kwami ngicela lusito kwaya etindlebeni takhe. ⁸ Wase umhlaba uyavevetela. Tisekelo temazulu tavevetela tatanyatanyiswa, ngoba Nkulunkulu abetfukutsele. ⁹ Kwaphuma simoko emakhaleni akhe, nemlilo lovutsa emalangabi waphuma emlonyeni wakhe.Emalahle aphindze avutsiseleka. ¹⁰ Wavula emehlo akhe wehlela phansi, nebumnyama lobicinile ngaphansi kwetinyawo takhe. ¹¹ Abegibele likherubi wandiza. Wabonakala etinsibeni temoyalohhushako. ¹² Wenta lithende lebumnyama lamugegeletela , lalibutsanise sibhakabhaka lesigucubele ngemvula. ¹³ Kulokubaneka lobekwakuphambikwakhe kwawa emalahle emlilo. ¹⁴ Simakadze wabhavumula emazulwini. Lophakeme kakhulu watsetsa. ¹⁵ Wadubula butjoki wacitsa titsa takhe ngekusangana ¹⁶ Kwase kubonakala tinhlelo telwandlwe; letisekelo talomhlaba tabekwa bhece tiphikisa Simakadze, ngekukhipha umphefulo ngetimbobo temphumulo. ¹⁷ Wefikela phansi abuya etilu; Wangibamba! wangidonsela ngaphandle kwemantini lalidzaka. ¹⁸ Wangisindzisa nasetitseni tam letinemandla, nakulabangitondzako, ngoba bebanemandla kakhulu kunami. ¹⁹ Baphambana nami ngelilanga le kukhatsateka kwami, Kepha Simakadze waba sisekelo sami. ²⁰ Waphindze wangikhiphela ebaleni. Wangisindzisa ngoba abejabula ngami. ²¹ Simakadze ungihlomise lesikali sekulunga kwami; Ungi buyiselise ngesikali sekuhloba kwetandla tami. ²² Ngoba ngitigcinile tindlela taSimakadze futsi angikatiphatsi kabi ngekumuhlubuka Nkulunkulu wami. ²³ Ngoba tonkhe tincumo takhe tekulunga utibeke phambi kwami; tithixo takhe tona angikatihlamuki. ²⁴ Bengingu longenasici phambi kwakhe, futsi ngatigcina nasekwenteni tono. ²⁵ Ngako ke Simakadze ungibuyisele kimi ngesikali sekulunga kwami, ngesikali sakhe sekulunga kwami emehlweni akhe. ²⁶ Kulotsembekile, utivete utsembekile; endvodzeni lengenasici kutiveta nawe ungenasici. ²⁷ kulongenasono utiveta ungena sona kepha uyaphoceleleka kugucuka. ²⁸ Usindzisa labahluphekile, kepha emehlo akho aphambene nalabatichenyako bese uyabahlaza. ²⁹ Ngoba usibane sami, Simakadze. Simakadze khanyisa bumnyama bami. ³⁰ Ngoba ngawengingakhona kugijima tukwetintfo ngaNkulunkulu wami ngingeca nelibondza. ³¹ NgekwaSimakadze indlela yakhe i lungile. Livi lasimakadze lihlobile. Yena usihlangu sawonkhe lobalekela kuye. ³² Ngoba ngubani Nkulunkulu ngaphandle kwa Simakadze, futsi ngubani lidwala ngaphandle kwaNkulunkulu wetfu? ³³ Nkulunkulu ngumgedze wami wekubalekela, futsi uhola labamsulwa endleleni yakhe. ³⁴ Wenta tinyawo tami njengetendluzela atibeke etindzaweni letiphakeme. ³⁵ Ulungisa tandla tami atilungiselele imphi, imikhono yami uyigobise kwelitfusi. ³⁶ Unginike lihawulensindziso yakho, nesihawu sakho sangenta ngaba mkhulu. ³⁷ wente indzawo levulekile ngaphansi kwetinyawo tami, ngako tinyawo tami atisheleli. ³⁸ Ngatengama titsa tami ngatincoba. Angigucukanga ngaze ngatincoba. ³⁹ Ngatibulala ngatificita; abakhoni nekuvuka. Bangaphansi kwetinyawo tami. ⁴⁰ Wanginika emandla emphi ; ubabeka ngaphansi kwami labo labavukelana nami. ⁴¹ Waninika imihlane yetitsa tami ;wahlula bonkhe labangitondzako. ⁴² Bakhalela lusito, kepha kute lowakhona kubasita ; bakhala kuSimakadze, kepha akabaphendvulanga. ⁴³ Ngibashaya babetincetu ngjenge lutfili emhlabatsini, ngabanyatsela njengeludzaka estaladini. ⁴⁴ Wangivikela etsiteni letibantfu bami. Ungente ngaba yinhloko yetive. sive lengingasati siyangikhotsama. Tihambi taguciswa kimi. Batsi nabeva loku ngekushesha bamhlonipha. ⁴⁵ Letihambi tephoceleleka kungikhotsamela. Ngekushesha batsi nabeva loku bahlonipha. ⁴⁶ Letihambi teta tidledletela. ⁴⁷ Simakadze uyaphila! Malidvunyiswe lidwala lami. Nkulunkulu akaphakanyiswe, lidvwala lensindziso yami. ⁴⁸ LoNkulunkulu longiphindziselela, lolongibekela bantfu ngaphansi kwetinyawo tami. ⁴⁹ Ungikhulula etitseni tami. Ngempela ungiphakamisele ngetulu kwalaba labalwa nami. Ungisindzisa kubantfu belidlame. ⁵⁰ Ngakoke ngitawukubonga, Simakadze , emkhatsini wetive; ngitawuhlabelela tibongo egameni lakho. ⁵¹ Nkulunkulu uniketa inkhosi yakhe kuphumelela, aphindze akhombe kwetsembeka kwesivumelwano kulogcotjiwe wakhe, ku Davide nasesitukulwaneni sakhe phakadze.''