¹ Bekunendvodza letsite yaseRamathayimu yema Sufi, welive leliyintsaba yaseEfrayemu; libito lakhe bekungu Elkhana indvodzana yaJerohamu indvodzana yaElihu indvodzana yaThohu indvodzana yaSufi, umEfrayemu. ² Abenebafati lababili; lomfati wekucala bekungu Hana, bese libito lalowesibili bekungu Penina. Penina abenebantfwana, kepha Hana bekete. ³ Lendvodza lena yahamba emvakwemnyaka kusuka edolobheni lakhe kuyodvumisa nekuyonikela kuSimakadze wekwemukela eShilo. Lamadvodzana lamabili a-Eli, Hofni na Finehasi, baphristi kuSimakadze, bebalapho. ⁴ Uma lelilanga lifikela Elkhana kuyonikela ngemnyaka, bekahlale anikela incenye yenyama kuPhenina umkakhe, nakuwo onkhe emadvodzana nemadvodzakati akhe. ⁵ Kepha kuHana wahlale aletsa incenye lephindzene, ngobe bekamtsandza Hana, noko ke Simakadze abesivalile sibeletfo sakhe. ⁶ Zakwabo abemchwebeleta kabuhlungu kutomcansula, ngobe Simakadze abevale sibeletfo sakhe. ⁷ Ngako umnyaka emvakwemnyaka; uma enyukela etulu kulendlu yaSimakadze nemndeni wakhe, zakwabo abemchwebeleta njalo. Ngako ke abehlala akhala futsi angadli lutfo. ⁸ Elkhana umyeni wakhe abehlale atsi kuye, "Hana, ukhalelani? Awudli ngani? Inhlitiyo yakho ikhatsatekeleni? Angisincono yini kuwe kunemadvodzana lalishumi?" ⁹ Kulinye lalamadzili lawa, Hana wasukuma emvakwekube bacedze kudla nekunatsa eShilo. Manje Eli umphristi abehleli etulu esihlalweni sakhe ngasemnyango ethempelini laSimakadze. ¹⁰ Abekhatsatekile kakhulu; wathandaza kuSimakadze futsi wakhala kabuhlungu. ¹¹ Wenta sifungo watsi, ''Simakadze wekwemukela, uma ungabuka lusizi kwesikhonti sakho bese awusikhohlwa, futsi ungasikhohlwa sikhonti sakho, kepha nika sisebenti sakho indvodzana, ngitawubese ngimletsa kuSimakadze emalanga onkhe emphilo yakhe, futsi kute insingo letawuke itsintse inhloko yakhe.'' ¹² Asachubeka nekuthandaza phambi kwaSimakadze, Eli wawubuka umlomo wakhe. ¹³ Hana wakhuluma enhlitiyweni yakhe. Tindzebe takhe tanyakata, kepha liphimbo lakhe alivakalanga. Ngako ke Eli wacabanga kutsi udzakiwe. ¹⁴ Eli watsi kuye, ''Ungadzakwa sikhatsi lesinganani? Lahla liwayini lakho.'' ¹⁵ Hana waphendvula, ''Cha, nkhosi yami, ngingumfati wemoya lolusizi. Angikalinatsi ngisho liwayini nome sinatfo lesidzakanako, kepha bengisolo ngitfululela moya wami phambi kwaSimakadze. ¹⁶ Ungasitsatsi sisebenti sakho kutsi sibe ngumfati lohlazekile; Bengikukhuluma ngaphandle kwalentfo lenkhulu yekukhatsateka kwami nekuchwebeleteka.'' ¹⁷ Eli waphendvula futsi watsi, ''Hamba ngekuthula; shangatsi loNkulunkulu wa Israyeli asivume lesicelo losicelile kuye.'' ¹⁸ Watsi, ''Sisebenti sakho asitfole umusa emehlweni akho.'' Wabese lomfati wahamba indlela bese wadla; buso bakhe abuphindzange bakhatsateka. ¹⁹ Bavuka lokwa ekuseni badvudmisa phambi kwaSimakadze, babese babuyela futsi endlini yabo eRama, Elkhana wamati Hana umkakhe, naSimakadze wamkhumbula. ²⁰ Uma sikhatsi sifika, Hana wakhulelwa wabeleka indvodzana. Wambita libito lakhe Samuweli, atsi, ''Ngobe ngimucele kuSimakadze.'' ²¹ Kanye futsi, Elkhana nendl yakhe yonkhe benyukela etulu kuyonikela kuSimakadze lomhlatjelo wemnyaka futsi abhadale sifungo sakhe. ²² Kepha Hana akazange aya; abeshilo kumyeni wakhe, ''Angeke ngiye ate lomtfwana ayekele kumunya; tobese ngiyamletsa, khona angavela phambi kwaSimakadze futsi aphile lapho phakadze.'' ²³ Elkhana umyeni wakhe watsi kuye, ''Yenta loku lokubonakala kukuhle kuwe. Lindza ute umyekelise kumunya; kuphela, shangatsi Simakadze angacinisekisa livi lakhe.'' Ngako lomfati wahlala bese wanakekela indvodzana yakhe wate wamyekelisa kumunya. ²⁴ Uma sekamyekelisile kumunya, wamtsatsa naye, kanye nenkunzi leneminyaka lemitsatfu, neli efa linye lemphuphu, nelibhodlela leliwayini, bese wamletsa kulendlu yaSimakadze eShilo. Manje lomntfwana abesolo amncane. ²⁵ Bayibulala lenkunzi, futsi baletsa lomntfwana ku Eli. ²⁶ Watsi, ''Awu, nkhosi yami! Njengobe uphila, nkhosi yami, ngingulomfati lowema lana eceleni kwakho athandaza kuSimakadze. ²⁷ Ngobe lomntfwana lona ngamthandazela Simakadze sewungnikile sicelo sami lengasicela kuye. ²⁸ Ngimnikele kuSimakadze, yingci nje aphila ubolekwa kuSimakadze.'' Wabese udvumisa Simakadze lapho.