¹ Mwawo mazuba Joani mukolobezi chakeza na kutaza mwi halaupa lya Judea nata kuti, ² ''Mubake, kakuti mubuso wa kwiwulu chiwina hafuhi.'' ³ Kakuti uzu njiyena ya bawambiwa cha muporofita Isaya, nati, ''Linzwi lya zumwi yo huweleza kuzwilila mwi halaupa, 'Mulukise inzila ya Simwine, mupange inzila ziwotolokete.''' ⁴ Lyahanu Joani ubakuzwata zizwabato zaboza bwe kamele ni lutunga lwedalo mu muunda yakwe. Zilyo za kwe ibali inziye ni buchi bwa mukanda. ⁵ Linu Jerusalema, Judea yonse, ni chilalo chonse chiba zimbulukite Lwizi lwa Jordani chi bazwila kwali ⁶ Ba bakolobezwa kwali mu Lwizwi lwa Jordani, haba bali kuliwaba zibi zabo. ⁷ Linu habona bungi bwa bafalisi ni Masaduki nibwiza kwali kuku kolobezwa, cha wamba kubali, ´´Inwe mubana be nzoka zina chifanu, njeni wa mizibisa kutiya kubukali bukezite? ⁸ Mubike zihantu ziyelele kubaka. ⁹ Mi muleke kuzeza kuli wambila mukati kenu,´Twina Abrahama kuba ishetu.' Linu ni milwila kuti Ireeza u wola kuletela Abrahama bana nanga kuzwa ha a mabwe. ¹⁰ Hanu imbezo ibikililwekale ne ku mihisi ya masamu. Chikuti chisamu chonse sabiki chihantu cilotu mu chitemwene hansi ni ku sohelwa mu mulilo. ¹¹ Ni mi mikolobeza ni mezi akubaka. Kono iye unikeza mu masule uni hita, ka ni yelele nanga ku hinda insangu zakwe. Mwa mi kolozebe ni Luhuho lu Jolola ni mulilo. ¹² Chikabiso chakwe china mwi yanza lyakwe kujoloza nenza lubuwa mi nikukunganya buloto muchishete. Linu kahise luungu cha mulilo usa zimiwa.'' ¹³ Linu Jesu cheza kuzwa mwa Galileya kuya ku Lwizi lwa Jordani ku kukolobezwa kwa Joani. ¹⁴ Kono Joani abakulika kumukanina tundamena kumu kanina, nati, "Ni saka ku kolobezwa kwako, mi ukeza kwa ngu?'' ¹⁵ Jesu chamwitaba nikuti kwali, "Uchi zuminine hahanu, kakuti chilukite kwetu kwizuziliza kuluka konse.'' Linu Joani cha muzuminina. ¹⁶ Hamana ku kolobezwa, Jesu chazwa haho mumenzi, mi mubone, mawulu chiamwi yalukila. Chabona Luhuho lwa Ireeza lukeza hansi luswana sina inkuba ni kwiza ku kwikala hewulu lyakwe. ¹⁷ Mubone, linzwi, nilyazwa mumawulu niliti, "Uzu nji Mwanangu inisaka. Ini sangite chakwe."