¹ Mazuba a mana iyanza ni limwina chinga amana Jesu chahinda Pitorosi ni Jakobo, ni Joani mwa chakwe, mi caba ntwala he lundu li nyemukite abo bene. ² Ca sanduka ha hasu bwabo. Vuluvi bwakwe cibwa sanduka ku benya sina izuba, zizwato zakwe cizasanduka sina iboni. ³ Mubone, chikwa boneka Mushe ni Elija niba wambola naye. ⁴ Pitorosi che taba nati kwa Jesu, "Simwine, kulotu kwetu ku bahanu. Heba usaka, ka nitende zitomba zo tatwe chimwi chibe chako, chimwi cha Mushe, ni chimwi cha Elija." ⁵ Ha ba kwete kusi wamba, hamulole, muzunde we kope licena ciweza kuba wumba cikwa zwa izwi libali kuzwila mwikope ci, lyati. " Uzu nji Mwanangu inisuni kuhitiliza, ini kantwa, Mu muzuwe." ⁶ Balutwana bazuwa, ciba suha nikuwa ca bulubi. ⁷ Linu Jesu ceza ni kuba kwata cati, "Mubuke musiye kutiya." ⁸ Linu ci ba buka kono kena baba boni mutu konji Jesu yeke. ⁹ Haba bali kusuka hansi kuzwa he ilundu, Jesu chaba layela, nati " Kanzi mubihili muntu nanga yeke iyi impono i mwa bona konji Mwana wa Muntu chaka buka kuba fwile." ¹⁰ Balutwana chiba mubuza, nibati, "Chi nzi bañoli habata kuti Elija uyelele kwiza intazi?" ¹¹ Jesu abetabi imi nati, "Elija luli keze imi zaboze zintu zonse muzi be kalile. ¹² Linu ni mita, Elija cha bezi kale, kono kana ba ba mulemuhi. Lyahanu, ni bapanga zonse ziba bali kusaka kwali. Mwi inzila iswana, Mwana wa Muntu mwa sukululwe mu mayaza abo". ¹³ Balutwana bakwe chiba lemuha kuti uwamba Johani mukolobezi. ¹⁴ Cinga vasika hakunganine batu, muntu ceza kwali, ca fukama havusu vwakwe, naco kuti, ¹⁵ "Simwine, fwile mwanangu inse, ulwala vutuku vwa kuzuminina unyanda maswe. Hamwi uwilinga mu mulilo kapa mu mezi. ¹⁶ Niva muletete kuva lutwana vako, niva kangwa ku muhoza." ¹⁷ Jesu cetava cati, "Murahi usa zumini utenda zi fosahele, Kani kale nanwe inako ikumahi? Mulete kunu kwangu." ¹⁸ Jesu cakalimela luhuho lubilala. Muhwile cahola mwi nako yeyo. ¹⁹ Balutwana ba Jesu chiveza kaku liwungula ku vamwi niku vuza, "cizi hatwa kangwa ku zwisa luhuho luvilala?" ²⁰ Jesu ca wamba kuvali, "kakuli mwina itumelo inini. Ni mi wambila vuniti vwizwile, hamuva nitumelo sina itanga yamasitete, muwola kuwambila ilundu, "zwaho uyende kuna," muliyende ka kwina cense cili kanise. ²¹ Kono ulu luhuho lubilala kalu zwi feela haisi ca kulapela wa kuli nyima zilyo." ²² Niva sina mwa Galilea, Jesu ca wambila va lutwana vakwe, "Mwana muntu mwa tambikwe muma yaza abatu. ²³ Mi muva mwi haye, mi mwi zuba lyabutatu mwa vuswe kuba fwile." Mi ikulo zaba lutwana vakwe ciza coka luli. ²⁴ Chinga bakeza mwa Kapenaumi, bakwame ba telisa ichika lya masheleñi a mutelo chiba buza Pitorosi chibati, ''Kana mane muluti wenu ulihanga ichika lya masheleñi a mutelo? ²⁵ Chati, "Eee.'' Kono Pitorosi ha yenda mwi inzubo, Jesu cha wamba lwetanzi imi nati, "Iwe uhupula bule Simoni? Ba simwine be inkanda ba tambula mutelo kapa kuwela kwani? Kubazwa kule kapa kubatu bena mwikonde lyabo?" ²⁶ Pitorosi chinge taba kuti, kubatu "bazwakule," Jesu cha mucho kuti "batu be chinsi kaba zumininwe kuliha mutelo. ²⁷ Kanji tuleteli yo lola zamitelo chivi, Yende kwi wate, kasohele kashuto kako mu mezi, Hinde iswi ye tazi wi yalule mulomo wayo mowane isheleni,uka itambike yobona zamitelo muchisa changu ni chako."