¹ Mafalisi ni Masadduki chibeza ni kulika Jesu ka kumubuza kuti aba tondeze chisupo chizwa kwiwuli. ² Mi na betaba kuti "chiminemine chezuba ha chisika mu wamba kuti bwikalo bwe wulu mubube hande, kakuti iwulu chili subilile. ³ Imi chimeneko mu wamba kuti, "Mazimo ewulu mwabe mabi kakuti kwiwulu busubile." Mwizi kutoloka zintu zitondezwa mwiwulu, kono ka mwizi kutalusa zitondeza inako. ⁴ Mulahi wa chive ni busangu u saka chitondeza, mi kakwina chitondeza konji Joani." Linu Jesu cha katuka ku yenda ni kuba siya. ⁵ Balutwana chibakeza kwi ishilya limwi, kono chibazibala kuhinda zinkwe. ⁶ Jesu cha wamba kuti, "mu mamele mulungo wa Mafalisi ni Masadduki". ⁷ Balutwana chiba kopanya mihupulo ni ku wamba kuti, "kakuti kena tweza ni zinkwa". ⁸ Jesu chaba lemuhite zoose mi chawamba kuti "Inwe be ntumelo inini, cinzi hazeza bulyo mukati kanu ni kutakuti kakuti kena mwahinda zinkwa? ⁹ Kana muzeza za zinkwa zibali kupanga iyanza, zibakwani bantu bena 5.000, mi zitanda zongayi zi mube zuzi? ¹⁰ Kapa zinkwa zibena iyanza ni zobele ku bantu ba bena 4.000, mi zongayi zitanda zi mu bahindi? ¹¹ Ha mu sazuwisisi chinzi kuti kani wamba nanwe za zinkwa? Mukole ni ku mamela za mulungo wa Mafalisi ni Masadduki." ¹² Linu chiba muzuwisisa kuti kena a talusa za mulungo, kono kumamela intuto ya Mafasi ni Masadduki. ¹³ Haho Jesu cha keza ku chilalo china hafuhi ni Sesariya Filipi, ababuzi balutwana bakwe, nati, "Bantu ibata kuti Mwana wa Muntu njeni?" ¹⁴ Chi bati, "Bamwi ba wamba kuti nji Johani mukolobezi; bamwi, Elija, imi bamwi Jeremiya, kapa zumwi wa baporofita." ¹⁵ Chati ku bali, "Linu inwe muti Njemeni?" ¹⁶ Cha kwitaba Simone Pitorosi chati, "Njewe Kreste, Mwana wa Ireeza yohala." ¹⁷ Jesu chetaba ni ku muta kuti, "Intohonolo nji yako Simoni Mwana Jona, mukuti kahena inyama ni malaha za ku patulwila ichi kwako, kono nji Itayo yo wina mwiwulu. ¹⁸ Imi name ni wamba kwako kuti njewe Pitorosi, imi heli ibwe kani zake inkeleke yangu. Milyango ye Hele kete ni wole kwizunde. ¹⁹ Ka ni kuhe inkiyi za mubuso we wulu. Chonse chete no sumine hansi ni kwiwulu kachi suminwe, imi chonse chete no sumunune hansi ni kwiwulu kachi sumununwe." ²⁰ Linu Jesu chalaela balutwana kuti kanji bawambili ni haike umwina kuti abali njeye Kreste. ²¹ Kuzwa heyo inako Jesu, chatanga ku wambila balutwana bakwe kuti cho kutameha kuyenda kwa Jerusalema, mi kusukuluka kakube kungi mu manza a bentanzi, bañoli, ni bakulwana ba mapulisita, kwi haiwe, ni kubuswa kubola ku kuhala mwizuba lya butatu. ²² Linu Pitorosi na mukungwila kwimbali na munyasa nati, "Ichi chintu chibe kule nawe, Simwine, sanzi chitendahali kwako". ²³ Kono Jesu cha chebuka ni kuta Pitorosi, kuti "zwe kwangu, Satani! U chi sitataliso kwangu. Iwe kobilaela ni zintu ze Reeza, kono zintu za buntu." ²⁴ Linu Jesu cha wamba ku balutwana bakwe, "Heba kwina usaka kuni chilila, uswanela ku lisungula, a hinde chifapano chakwe, ni kuni chilila. ²⁵ Muntu yense usaka buhalo bwakwe mwa bu mayiba, kono yo sinyehelwa buhalo bwakwe ke baka lyangu mwa buwane. ²⁶ Ka chi muhenzi muntu kuti a mune inkanda yonse kono umaninwa buhalo bwakwe? Chinzi muntu cawola kuha kuti a wane buhalo bwa kwe? ²⁷ Mwan' a Muntu mwe ze mwinkanya Yesi ni mañiloyi a kwe. Linu njente ahe muntu ni muntu impo kakuya ka zintu za batendi. ²⁸ Ikumbya ni mi wambile buniti, kwina bamwi bazimene hanu, kense ni ba bone bakane lufu konji chi ba bona Mwan´a Muntu neza mu mubuso wakwe.