¹ I faltaba dus dias pa paskua festa di pon sin feramenta. Sefis di saserdoti ku pursoris di lei na yandaba pa buska Jesus pa pudi pridil na sigridu pa matal. ² E fala: I ka na ora di paskua, pa ka i ten barudju na metadi di povu.'' ³ Jesus staba na Betania na kasa di Simom, ku tene ba inpintchu, i staba na mesa um mindjer tchiga ku un zaru di pedra branku ku teneba purfumi di balur, di naru puru. El i kebra jaru i darma purfumi riba di kabesa di Jesus, ⁴ Mas utrus panha raiba. Ena fala ngutru: pabia di ke ku es na bota es purfumu? ⁵ E purfumi pudi ba bindidu mas trinsentus mueda di prata i ta dadu pa pobris.E papia duru ku mindjer. ⁶ Ma Jesus falal:'' bo disal ku pas. Pabia di ke ku bo inkomodal? ele i fasi bom kusa pa mi. ⁷ Na bo metadi bo tene sempri pobris ora ku bo misti bo pudi fasi bem pa elis, ma ami bo ka an tenen sempri. ⁸ El i fasi ke ki pudi, i undji nha kurpu antis pa nha inteiru. ⁹ Na bardadi na konta bos nunde ku bon noba kontadu nel ke ku e mindjer fasi i na lembrantadu el. ^{11 10} Asin Judas Iskariotis un di dosi e bai pa sefis di saserdotis pan ntrega elis Jesus.v 11 Odja ki saserdotis obi ba ki kusa i pirmiti pa dal dinheru. El i kunsa ku buska, kuma ki pudi ntrega elis pa Jesus. ¹² Na purmeru dia di festa di pon sin fermentu otcha ke sakrifika karnel di paskua si disipulu falal: Nunde ku bu misti pa no purpara e sia di paskua. ¹³ El i manda un di si dus disipuus i fala elis bo bai pa prasa un omi karga un puti di yagu bo na odja la e bai: ¹⁴ nunde ki ientra bo bai si tras bo falal dunu di kasa: Mestri fala: Nunde ki sala sta ki na bin kumesia paskua ku nha disipulus. ¹⁵ I na mostra bos un garandi sala ku tene mobilias ku sta pruntu. Pa no purpara no kusa la. 16 ¹⁶ Disipulus sai e bai pa prasa, e odja ba tudu suma ke faladu e purpara sia di paskua. ¹⁷ Odja ku sol noiti, i bin ku si dosi disipulus. ¹⁸ Otcha ke kume ba na mesa, Jesus fala: na bardadi na ami na fala bos, un di bos, ku na kume kumi na mesa, i na bin train .'' ¹⁹ Elis tudu staba tristi la kin ku puntal anta i ami ?'' ²⁰ Jesus ruspundi i fala elis:'' I um di bos kil ku na modja pon djuntu kumi na tigela.v ²¹ Pabia fidju di omi na bai manera ku palabra di Deus fala del, ma ai di kil ku na atrail! i ta sedu mindjor i ka padidu.'' ²² Otcha ke na kume, Jesus pega pon i kebral i rapatil i da elis. Asin i fala bo toma es i nha kurpu'' ²³ . i pega un kopu, i ngaba Deus i da elis i tudu bibi. ²⁴ asin i fala elis: es i nha sangui, ma i sangui di kurpu ku na darma pa tudu djintis. ²⁵ Na bardadi na fala bos, amim n ka na bibi mas binhu di niagu ate ku dia kin na bibil ku bos na renu di Deus.'' ²⁶ Dipus e kanta un kantiga, e bai pa monti oliveira. ²⁷ Jesus fala elis:'' abos tudu bo na bin bandonan, pabia i sta skritu: na fasi pastors tudu ku karnelis pa espadja. ²⁸ Ma dipus kun lanta di mortu ami na bai bo dianti pa galileia.'' ²⁹ Pedru falal:'' Mestri ninsi tudu bandonau, ami n ka na bandonau.'' ³⁰ Jesus falal:'' na bardadi na kontau, es noiti, antis di galu kanta dus bias, bu na negan tris bias.'' ³¹ Ma Pedru fala:'' ninsi pa muru, ku bo n ka na negau.'' Elis tudu e fasi ba e papia mesmu kusa. ³² E bai pa un kau tchomadu getisima, Jesus fala si disipulus:'' bo sinta li ami na bai ora''. ³³ Jesus leba pedru i Tiagu ku Djon asin i kunsaba na tene medu ku tristesa na korson. ³⁴ Jesus fala elis:'' nha alma sta ku tristesa, pa mortu. bo fika li bo bisia. ³⁵ Jesus bai ba un bokadu lundju, i mborka i na ora, pa i sedu pusivel, pa e ora pasaba del. ³⁶ El i fala:'' Aba pai tudu kusa sedu pusivel pa bo, tira e kalis na Mi, pa i ka sedu nha vontadi, ma di bo''. ³⁷ Jesus riba i odja elis na durmi, i fala Pedru:'' Sinon abo bu sta na durmi? bo ka pudi bisia nin un ora? ³⁸ Bo bisia bo ora pa ka bo kai na tentason. Spiritu sta purparadu, ma karni fraku,'' ³⁹ Di nobu i lundjusi pa ora, i usa mesmu palabra. ⁴⁰ Utru bias Jesus tchiga pertu di si disipulus i odja elis na durmi; se udju staba muitu pisadu elis e ka sibiba ke ke na falal. ⁴¹ Pa tirseru bias i fala elis:'' Bo na durmi i bo diskansa inda i djusta? ora tchiga. Pa fidju di omi sedu intergadu na mon di pekaduris. ⁴² Bo lanta no bai! kil ku na falsian sta dja pertu. ⁴³ Na ki ora ki na papia ba inda, Judas un di si dosi disipulus tchiga ku manga di djintis ku sta ku el e tene ba spada ku padas di po, manga di djintis garandi ku saserdotis manda. ⁴⁴ Traidur da elis un sinal i fala i na sedu kil kun beja. Bo prindil bo lebal pa gaurdas. ⁴⁵ Odja ku Judas tchiga na ki ora i bin te nunde Jesus i falal:'' Rabi'' i bejal. ⁴⁶ Asin e pegal e prindil. ⁴⁷ Un di kilis ku staba la e tira spada e korta oredja di servu di garandi saserdoti. Jesus fala elis: ⁴⁸ Bo sai pa bin prindin suma un ladron ku spadas ku po? ⁴⁹ Odja kun staba ku bos na insinaba tudu dia na kasa di sinhor bo ka prindin. Es i fasidu asin pa skritura padi kunpri. '' ⁵⁰ Tudu kis ku staba ku Jesus e disal e kuri. ⁵¹ Un joven na sigil ba kubridu di lensol di linha finu, elis e panhal mas. ⁵² Ki joven disa pa tras ki lensol i kuri nun. ⁵³ E leba Jesus pa garandi saserdoti. Runi ba ku garndi saserdoti ku garandis. ⁵⁴ Na ki ora,Pedru kumpanha elis di lundju te baranda di tras di garandi saserdoti. El i sinta ku guardas ku staba pertu di fugu, pa kenta. ⁵⁵ Garandi saserdotis ku tudu Sinedrus na buska ba testumunhus kontra Jesus, pa pudi ba mata. Ma i ka konsigi, ⁵⁶ Dipus manga di elis tisi ba falsus testemunhus kontra Jesus, ma se testunhus ka fila ba. ⁵⁷ Utrus lanta e konta falsu testemunhu kontra el, elis e fala: ⁵⁸ No obi bu fala: bu na dana e tempulu bu kumpu pa mon di omis i na tris dias bu na kunpu utru ku ka kumpunu na mon di omi''. ⁵⁹ ma nin ku es se testumunhu ka fila. ^{61 60} Asin garandis di saserdoti i lanta na se metadi i punta Jesus:'' abo bu ka ta ruspundi nada? ke ku es omis na fala kontra bo?''61 Ma el i staba kaladu sin ruspundi nada. Utru bias garandi di saserdoti punta:'' abo i kristo fidju di Deus ku meresi ngabadu?'' ⁶² Jesus falal: ami nsedu bo na odja fidju di omi sintadu na direita di si pape i na riba na nuven di seu.'' ⁶³ Dianti des garandi di saserdoti rumpu si ropa i fala:'' Ainda na pirsisa di testununhu? ⁶⁴ Bo obi kuma ki na lebisi Deus. Kal ku bo disison? '' E kondena Jesus suma kin ku meresi muru. ⁶⁵ Utrus kunsaba na kuspil e kubri si rostu, e na dal e na falal:'' Profetisa'' guardas ku lebal ba e sutal. ⁶⁶ Pedru staba na parti di bas di baranda, tarbadjadur di garandi di saserdoti e ba te nunde ki sta ba nel. ⁶⁷ I odja ba Pedru pertu fugu, na kenta i djubi diritu i fala:'' Abo bu sta ku Jesus di Nazare. ⁶⁸ Ma i nega i fala elis:'' ami nka sibi nin n ka intindi ke ku bu na fala''. Asin sai pa bardadi. ⁶⁹ Mla kriadu, pdjal mas kunsa na konta djintis ku sta ba la: E omi i un delis? '' ⁷⁰ Ma el i nega mas. Kilis ku sta ba la: Na bardadi abo i un delis, pabia abo i di Galileia.'' ^{72 71} Ma i kunsa na maldisua si kabesa i jura:'' Ami n ka kunsi e omi ku bo na fala del. v 72 Asin ki ora galu kanta na segundu bias. Asin Pedru lenbra di palabra ku Jesus falal ba:'' Antis di galu na kanta dus bias, tris bias bu na nega sta abatidu ku tristesa i kunsa na tchora.