¹ Otcha Jesus na sai di kasa di djuntamentu , utru di si siguiduris falal: ''Mestri, djubi ki pedra bonitu ku ki tarbadjadur ! ''. ² Jesus ruspundi: '' Bo odja ki garandi tarbadju? e disa di pui pedra riba di pedra pa si tarbadju ka bim danadu. ³ I sinta na monti di oliveira na ladu akontrario di kasa di adjuntamento ,Pedro, Jon ku Andre e puntal aparti: ⁴ Falanu kal tenpu ku es kusas na akontisi? kal ku sinal pa ora ku es kusas na akontisi? ⁵ Jesus kunsa na fafa elis: " Bo sedu djiru pa ka ninguin ngana bos. ⁶ Manga delis na bim na nha nomi e na fala : Ami i Kristo, e na ngana manga di djintis. ⁷ Bo na obi ruidu di guera, ma ka bo perkupa, e kusas dibidi akontisi ma i ka sedu inda fin. ⁸ Pabia nason na lanta kontra nason, renu kontra renu. I na tem tirmidura na manga di lugaris ku fomi i kunsada di dur di parti. ⁹ Bo fika atentu. Pabia e na bin leba bos pa grupu di Judeus bo na sutadu na kasa di djuntamentu.E na pui bos dianti di governaduris ku reis pabia di nha nomi, suma tustumunhu pa elis. ¹⁰ Ma i pirsis purmeru pa nha palabra kontadu pa tudu nason. ¹¹ E na pindi bos e na leba bos pa julgamentu, ka bo perkupa ku ke ku bo na papia. Na ki ora pabia tudu ku bu dibidi papia bu na dadu el, i ka na sedu abos ku na papia mas spiritu Santu. ¹² Ermon na ntrega ngutru pa morti, pape na ntrega fidju. Fidju na lanta kontra si papes e na fasi pa e muri. ¹³ Bo na odiadu pa tudu djintis pabia di mi ma kil ku fika firmi te na fin el ku na salva. ¹⁴ Ora ku bo odja kusas nudjenti nunde ki ka dibidi sta(kin ku na lei pa intindi), kilis ku sta na Judeia pa e kuri pa montanha, ¹⁵ kil ku sta ba na kankra pa i ka ria pa kasa, nin pa ka pega kualker kusa ku el, ¹⁶ Kil ku staba na matu pa i riba pa pega si kamisa. ¹⁷ Ma ai di prenhada ku di kilis ku na mamanta na ki dias! ¹⁸ bo ora pa ka es akontisi na tempu di friu. ¹⁹ pabia i na bin garandi kansera, mas garandi suma nunka i tchiga di sedu desdi di kunsada, odja Deus kumou mundu ate gos, i nunka i ka na ten mas. ²⁰ Si sinhor ka rapati ki dias, ninguin ka na salva. Ma pabia di kilis ki kudji, pabia delis, e nkurta es dias. ²¹ N bom si alguin fala bos: ali Kristu li! " uo :" Ala la la! , ka bo seta. ²² Pabia falsu kristu ku falso profeta na bin e na bin fasi sinal ku milagri di manera pa ngana, si pusivel ate kilis ku kudjidu. ²³ Bo fika atentu pabia n konta bos tudu kusa antes di na bin akontisi. ²⁴ Tudu manera, dipus di kansera di ki dia sol na sukuru, lua ka na da si lus, ²⁵ strelas na kai di seu, poderis ku sta na seu e na sedu sakudidus. ²⁶ Nton i na odjadu fidju di omi ku na bin na nuvens ku si puder ku gloria. ²⁷ El i na manda si anjus i na djunta kilis ku i kudji na quatru kantus di tera ate na seu. ²⁸ Ntindi konparason di uva. Si si ramu na nansi i na odjadu padja, bu ta sibi kuma tchuba pertu. ²⁹ Tanbi, ora ku e kusas na akintisi bo ta sibi kuma el i sta pertu na portas. ³⁰ Na bardadi ami na fala, e djorson, ka na kaba ate ora ku tudu e kusas akontisi. ³¹ Seu kun tera na pasa ma nha palabra nunka ka na pasa. ³² Mas aserka di ki dia ou ora niguin ka na sibi, nin Anjus na seu, nin fidju di Deus, mas so Deus no pape. ³³ Bo fika atentu! bo bisia bo ora pabia bo ka sibi kal ku na bin sedu tenpu. ³⁴ I suma un omi ku na bai bias: i disa si kasa pa si tarbadjaduris djubil kasa, kada kin ku si tarbadju. I fala elis pa e sta senprin atentu sin diskuda. ³⁵ Pabia di kila bo sta atentu! pabia bo ka sibi kal dia ku dunu di kasa na bin, si i ditardi, na metadi di dinoiti,ora ku galu na kanta, ou parmanha. ³⁶ Si el i bin di repenti, pa i ka bin odja bos bo na durmi. ³⁷ Ki ku na bos, n na falal pa tudu: bo sta atentu.