¹ Na anu ki Tibériu Sésar, kompleta kinze anus di si mandatu pôncio pilatu seduba guvernadur di Judeia, Erodis seduba tambi guvernadur di Galileia si ermos tchomadu Filipe eraba tan guvernadur di rizon di Itureia, Trakonitis ku Lisânias, tetrarca de Abilene, ² Na tempu di chefis di Deus bin pa Djon, fidju di Zakarias, na lala. ³ I Ianda tudu rizons ki staba pertu di riu Jurdon i na pregaba aserka di Batismu di aripindimentu pa purdon di pekadu. ⁴ Suma ki sta skritu na livru di profeta Isaías:"di kil ki na grita na lala:"Bo purpara kaminho di sinhor, bo filanta si kaminhu. ⁵ tudu tabelas fundus na intchidus i tudu montanhas ku kaus na basadu, stradas ku kurva-kurva na filantadu, kaminhus ki tchu=iu kobas na intchidu i na torna planu. ⁶ Dipus tudu djintis na odja salvason di Deus'" ⁷ Nton, Djon papia ku manga di djintis ki binba pa i batiza elis i fala:"Abos i djorson di kobras!kin ki ranha bos pa bo livra di raiba di Deus ki na kai riba di djintis mau? ⁸ Bu na padi frutas bon ki ta mostra kuma bo aripindi na bardadi, ka bo kunsa na fala entri bos:"No tene Abron suma no pape!", Pabia na konta bos kuma li propi nes pedras,Deus pudi tira fidjus pa Abron. ⁹ Mantchadu pudu dja na rais di arvuris. Pabia tudu arvuri ki ka padi bon fruta i na kortadu dipus i na botadu na fugu." ¹⁰ Manga di djintis ki na puntal ba e na fala:"Gos ke ki no dibidi fasi?" ¹¹ I rispundi i fala:" Si alguin tene dus kamisas, pa i pati kil ki ka tene utru, tambi kil ki tene di kume pa i fasi mesmu kusa". ¹² Utrus kobraduris di npustu ki bin ba tambi pa batizadu puntal:" Mestre ke ki no dibidi fasi? ¹³ Djon fala elis:"ka bo kobra mas di kil dinheru ke manda bos kobra". ¹⁴ Soldadus tambi puntal e falal:"Anos gora? ke ki no dibidi fasi?" I rispundi elis i fala:"ka bo toma dinheru di djintis a forsa, nin ka bo akusa alguin krimi ki ka fasi.Bo kontenti ku bo pagamentu". ¹⁵ Suma povu staba ku presa na kristu ki Deus pirmiti Israel, tudu na pensaba na se korson di kuma Djon dibidi seduba kristu. ¹⁶ Djon rispundi elis i fala:"Ami na batiza bos ku pagu, ma i na bin kil ki mas tene puder di ki mi, nin nka merisi dismantenha korda di si sandalia. I na batiza bos ku spiritu santu ku fugu. ¹⁷ I tene balai na si mon pa feki arus diritu, kil limpu i na djuntal i pul na si benba.Ma kil fofu i na djuntal i kemal ku fugu ki kata paga mas." ¹⁸ Ku manga di utrus konsidjus di palavra di Deus, Djon prega bon noba pa povu. ¹⁹ I riprindi Erodis, guvernadur, manera ki torna mindjer di si ermon, Erodis, i kasa, tambi pa manga di utrus kusas maus ki fasi, ²⁰ Ainda Erodis torna buri mas kil di prindi Djon i pul na prison. ²¹ I akontesi kuma nkuantu djintis na batizaduba pa Djon, Jesus tambi bai la pa i batizadu, ²² otcha ki na oraba, seu iabri; spiritu sntu ria riba del na forma di pumba.I obidu un vos di seu ki fala:"Abo i nha fidju ki nghama tchiu, nkontenti ku bo". ²³ Otcha Jesus kunsa si tarbadhu, na ki altura i teneba trinta aus di idadi. I eraba fidju di José(suma ki ta pensaduba), fidju di Eli, ²⁴ fidju di Matati, fidju di levi, fidju di Melki, fidju di Janai, fidju di josé, ²⁵ Fidju di Matatias, fidju di Amós, fidju di Naun, fidju di Esli, Fidju di Nagai, ²⁶ fidju di Maati, fidju di Matatias, fidju di Semei, fidju di Joseki, fidju di Jodá ²⁷ fidju di Joanan, fidju di Reza, fidju di Zorobabel, fidju di Salatiel, fidju di Neri, ²⁸ fidju di Melki, fidju di Adi, fidju kozan, fidju di Elmodan, fidju di Er, ²⁹ fidju di Josué, fidju di Eliezer, fidju di Jorn, fidju di Matati, fidju di levi, ³⁰ fidju di Simeon, fidju di Judá, fidju di josé, fidju di Jonan, fidju di Eliakin, ³¹ fidju di Meleá, fidju di Maná, fidju di Matatá, fidju di Natan, fidju di Davi, ³² Fidju di Jesé, fidju di Obedi, fidju di boas, fidju di Salá, fidju di Nason, ³³ Fidju di Aminadabi, fidju di Admin, fidju di Arni, fidju di Erron, fidju di Fares, fidju di Judá, ³⁴ fidju di Jako, fidju di Izaki, fidju di Abron, fidju di Terá, fidju di Naor, ³⁵ fidju di Seruki, Fidju di Ragaú, fidju di Faleki, Fidju di Eber, fidju di Salá, ³⁶ fidjus di Kanan, fidju di Arfasadi, Fidju di sen, fidju di Noé, fidju di Lameki, ³⁷ Fidju di Matusalen, fidju di Enoki,fidju di Jaredi, Fidju di Malelel, fidju di Kainan, ³⁸ fidju di Enos, fidju di Seti, fidju di Adon, fidju di Deus.