¹ Na ki tempu, imperadur Sesar Agustu scrivi un lei ku ta obriga tudu djintis ki na viviba na si renu pa e resensiadu. ² Es resensiamentu fasidu purmeru bias, otcha un omi tchomadu Kirinu seduba guvernadur di Síria. ³ Nton, tudu djintis bai pa se sidadi pa pudi resensia. ⁴ José tambi sai di Nazaré, areia di Galileia, pa Belem di Judeia ku ta tchomadu sidadi di Davi, pabia el i seduba de djorson di Rei Davi. ⁵ José baiba tambi ku si noiba Maria pa pudiba resensia kila staba ku bariga. ⁶ Otcha ke tchiga na Belem, ieraba tempu di MAria padi, ⁷ nton, i bin padi si purmeru fidju matchu i buldjal na panus. Dipus i pul na kau ki animas ta kume, pabia i ka temba kau de fika na kasa ke ta kasidjanta djintis. ⁸ Na ki mesmu rijon utrus bakiaduris staba na matu na kuida di se limarias di noiti. ⁹ Un anju di sinhor bin parsi pa relis, gloria di Deus numia a volta delis e fika tudu ku medu garandi. ¹⁰ Anjus fala elis:"Ka bo medi, pabia ntisi bos bon noba ki na kontenta tudu povu. ¹¹ I padidu aos na sidadi di Davi, un salvadur. El i kristu, i sinhor! ¹² Bo na bin rapadal pabia des sinal: I mbuldjadu ku panus, i ditandadu na kau ku limarias ta kume". ¹³ Di repenti, manga di anjus ki bin di seu, parsi elis, e djunta ku kil utru ki papiaba ku elis, e ngaba Deus e fala: ¹⁴ "Gloria pa Deus ku povu ku Deus i misti se ben". ¹⁵ Dipus di ki anjus riba pa seu, bakiaduris papia entri elis e fala:"No bai gos gos pa Belem pa no bai djubi bon kusas ki kontesi ki sinhor pirmitinu sibi." ¹⁶ E bai dipresa e odja José ku Maria na un koral di limaria.E odja bebe ditaba na kau ku limaria ta kume nel. ¹⁷ Otcha ke odja e konta djintis ke ki anju fala elis aserka di mininu. ¹⁸ Tudu kilis ki staba ku bakiaduris fika adimiradu ku kusas ke obi aserka di mininus. ¹⁹ Ma Maria guardaba tudu ki na obiba na si korson. ²⁰ Bakiaduris riba pa se kau e na ngaba e na da gloria pa Deus, pabia tudu ki e obi, tambi ku kil ke odja seduba kuma ku anju konta elis propi. ²¹ Otcha ki mininu fasi oitu dias i tchiga tempu di i sirkunsidadu. E pul nomi di Jesus, pabia i asin ki anju tchomaba dja entri i prenhadu. ²² otcha ki si dias di purifikason pasa, suma ki lei di Moisés manda, José ku Maria leba bebe pa templu, na sidadi di Jerusalem, pa pudi apresental pa sinhor. ²³ Pabia i skribidu na lei di sinhor:"Tudu purmeru fidju matchu dibidi separadu pa sinhor". ²⁴ Di akorda ku lei di Deus, e dibidi fasiba tambi oferta" di dus pumbas"suma sakrifisiu. ²⁵ Staba na Jerusalen un omi tchomadu Simion. I eraba djustu i ta iandaba na lei di sinhor. I na peraba konsolason di Israel, spiritu santu staba nel. ²⁶ Spirutu Santu papiaba dja ku el kuma i ka na muri temmenti i ka odja kristu ku Deus i pirmiti pa si povu. ²⁷ I orientadu pa spiritu di Deus, Simion entra na kasa di djuntamentu. José ku Maria tisi bebe, ki sedu Jesus, pa pudi kumpri ku kustumi ki lei manda. ²⁸ Simion lambu Jesus na si mon i ngaba Deus i fala: ²⁹ "Sinhor, gos bu pudi disa bu servu pa i muri na pas, papia bu promesa kumpridu dja. ³⁰ Pabia nha udjus odja dja bu salvason, ³¹ bu purpara dianti di tudu povu; ³² I na sedu luz pa mostra kilis ki ka kunsi Deus, tambi pa gloria bu povu di Israel". ³³ Si papes fikaba adimiradu ku kusas ke obiba djintis na papia aserka del. ³⁴ Simion abensoa elis i fala Maria si mame:"Es bebe distinadu pa kaida di djintis, suma tambi pa lantanda manga delis li na Israel i na tisi kontradison entri djintis ³⁵ (tambi spada na korta si alma propi), di manera ki pensamentu di manga di korson na bin odjadu. ³⁶ Un mindjer ki ta anunsiaba rekadu di Deus tchomadu Ana staba la tambi. Ieraba fidju di Fanuel, di djonson di Aser. I tenba idadi avansadu, i vivi ku si maridu so sete anu, ³⁷ dipus di si omi muri i bin fika viuva te oitennta i kuatru anu. Nunka mas i kata lundju templu, i ta ngababa Deus tambi i ta fasiba orason di ndjundjun di noiti ku di dia ³⁸ Na ki mumentu i kunsa na gardisi Deus i konta aserka di mininu pa tudu djintis ki na peraba libertason di Jerusalém. ³⁹ Otcha e kaba fasi tudu ke dibidi fasiba konformi lei di sinhor, e riba pa Galileia pa se tera, Nazaré. ⁴⁰ I mininu na kirsiba na altura, i na tornaba forti, intchidu di sabedoria, fabur di Deus staba kuel. ⁴¹ Tudu anus si papes ta bai mati di paskua. ⁴² Otcha Jesus konpleta dozi anus,i bai elis, pabia i seduba kustumi. ⁴³ otcha dias di paskua kaba,José ku Maria riba pa Nazaré, ma Jesus fika na Jerusalem, nin e ka sibi. ⁴⁴ Pabia e pensaba ke na riba ba ku elis, dimultidon di djintis ke na riba ba ku elis, dipus di e fasi un dia di bias sin odjal, e kunsa na buskal na metadi di se familia ku amihus. ⁴⁵ Otcha ke ka odjal, e riba pa Jerusalém e kunsa na buska buskal la. ⁴⁶ Dipus di tris dia na buskal ke bin odjal na templu,i sinta ku pursoris di lei i na obi elis asin suma ki na obilba ta fasiba elis perguntas. ⁴⁷ Tudu kilis ki na obilba ta fikaba adimiradu ku si djiresa ku resposta ki ta daba. ⁴⁸ Otcha ke odja Jesus e fika adimiradus dimas. Nton si mame falal :"ke ku manda bu fasinu asin? Bu ka odja kuma ami ku bu pape no sta prekupadu na buska." ⁴⁹ Nton Jesus ruspundil:"ke ku manda bo na buskan? Bo ka sibi kuma Ami ndibidi sta na kasa di nha pape?". ⁵⁰ Ma e ka ntindiba ke ki jesus mistiba fala ku es palavra. ⁵¹ Nton, Jesus riba ku elis pa Nazaré, i ta obedisiba elis, si mame ta guardaba tudu es kusas na si korson. ⁵² Ma Jesus kontinuaba na kirsi na sabedoria na altura tambi fabur di Deus na distindiba pa djintis pabia del.