¹ Suma ki djintis tenta pui tudu es kusas ku pasa na no metadi na ordi- ² di akordu ku manera ku no kontadu pa kilis ki mati e obi e odja disna di kunsada, elis tambi i kontaduris di es palavra di Deus-, ³ ami tambi i pasin kuma i bon dimas pa n'buska sibi diritu, ku kuidadu garandi, kuma ku es kusas kunsa te nunde ki kaba, pa n'skribil konformi si ordi sertu, n'hu Teófilu, ⁴ pa bu pudi kunsi bardadi konpletu di tudu es kusas ki b sinadu. ⁵ Na tempu de erodis, rei de Judeia, i temba un saserdoti ku ta tchomadu Zakarias, di grupo di Abias.Si mindjer seduba di djorson Aron, ku ta tchamaduba Isabel. ⁶ Elis dus e ta iandaba diritu dianti di Deus, e ta kumpriba mandamentu ku utrus leis di sinhor. ⁷ Ma elis dus e ka teneba fidjus, pabia Isabel ka tene ba padi ou i sebaba, tambi elis dus e bedjuba dimas na ki tempu. ⁸ Zakarias staba dianti sinhor na kumpri ku si dia di tarbadju na kasa di Deus, ⁹ suma ki seduba kustumi di saserdotis, e ta kudjiba un son ku na entra na templu di sinhor pa pudi kema nsensu. ¹⁰ Tudu djintis fikaba na ladu di fora e na oraba na ki ora ku nsensu na kemadu. ¹¹ Un andju di sinhor bim parsi pa rel na templu i firmaba na ladu direita di altar di nsensu. ¹² Otcha Zakarias odjal, i fika pertuba i jumsa na medi. ¹³ Ma anju falal:"ka bu medi, Zakaria, pabia bu orason obidu. Bu mindjer, Isabel i na bin padi un fidju matchu, bu na bin pul nomi di Djon. ¹⁴ Bu na bin kontenti i manga di djintis tambi na bin kontenti manera ki padidu. ¹⁵ pabia i na sedu alguin garandi na udju di Deus; i ka na bin bibi binho nin bibida forti; mesmu na bariga di si mamee i na intchi di spiritu santu, ¹⁶ I manga di fidjus di Israel na bin riba pa sinhor se Deus. ¹⁷ I na bai dianti di sinhor na spiritu ku puder di Elias, pa ribanta korson di papes pa se fidjus, i pa leba kilis ku kata rispita lei pa e ianda konformi konhicimentu di djintis djustu.I na fasi es pa pudi forma un povu purparadu pa sinhor". ¹⁸ Zakarias fala anjus kuma ku pode tene provas des kusas? Pabia ami i un omi bedju nha mindjer tambi tene idade avansadu. ¹⁹ Anjus:"Ami i Gabriel nta sta dianti di Deus i el ku mandam pa papia ku bo pa ntisiu es bon noba. ²⁰ Gos bo na fika mudu bo ka na pudi papia te dia dia ke es kusas na kontisi pabia bu ka fia na ki ku kontau ki na bin kumpri na ora sertu. ²¹ djintis fika ba fora e na pera Jeremias e na pumta ke ku pui i tarde tchiu dentro de templu. ²² otcha i sai i ka pudiba papia ku elis, kila ku pui i na sina ba ku nom pa pudi konta elis ke ku pasa la dentro . N'ton i bin ntindi kuma i otcha un vison otcha staba la dentro de templu. ²³ Otcha se dia de tarbadju kaba na templu i riba pa si kasa. ²⁴ Dipus des dias si mindjer i bin sugundi duranti cinco mis: ²⁵ "Es i kil ku sinhor pa mi otcha ki djubin ke si fabur pa pudi tiram borgona dianti di djintis". ²⁶ Otcha bariga tchiga seis mis sinhor torna manda anju Gabriel pa un prasa di galileia tchomadu Nazaré, ²⁷ pa un badjuda kunsiba omi, di nome Maria, es badjuda sta pa bin kasa ku rapaz di nome José. José seduba fidju di fidjus di Davi. ²⁸ Anju parsi i falal:"Pa paz sta ku bo abo i mindjer ku odja fabur di Deus! Sinhor sta ku bo!". ²⁹ Ma Maria fika pertubadu ku palavras di anju i punta na sintidu ma es i kal tipu di mantenha ³⁰ Ma anju falal:"ka bu medi, Maria, pabia sinhor Deus mostra si fabur. ³¹ Bo na bin prenha, bu bin padi un fidju matchu. Bu na pul nome de Jesus. ³² El i na sedu alguin karande i tchomadu fidju di Deus Sinhor Deus na dal renansa di si pape Davi. ³³ I na bin sinta na turpesa de kasa de Jako pa rena pa tudu tempu i se renu nka na tene fim". ³⁴ Maria fala anju:"Kuma ku es kusas pudi sedu, ami nka tene omi i nim ka kunsi omi inda?" ³⁵ Anju ruspundi i falal:"spiritu santu na kubril, asim puder di sinhor Deus na toma konta di bo El ku manda kil ki santu na padidu i na tchomadu fidju di Deus. ³⁶ Isabel, bu primatambi i prenha na si bedjusa E ta falaba kuma i seba, si bariga sta dja na seis mis. ³⁷ Pabia i ka ten ke ku sinhor ka pudi fasi." ³⁸ Maria fala:"Asim li, servu di sinhor. pa i fasidu diacordo ku bo palavra.De la anju dixal i bai. ³⁹ Na ki dias, Maria bai kintikinti ki tene ba montanha na un prasa di judeia. ⁴⁰ I entra na zakarias i odja Isabel. ⁴¹ Odja ku Isabel obi mantenha di Maria bebé djukuta na si bariga, Isabel fika intchido ku spiritu santu. ⁴² Isabel grita ku vos altu i fala:"Abo bu sortiadu mas di ki tudu, mindjeris frutu di bu bariga tambi i sortidu. ⁴³ Kuma ki pudi sedu, pa mame di nha sinhor bin visitan? ⁴⁴ Otcha ki nghobi bu na falan mantenha, mininu ki sta na nha bariga salta ku kontentamentu. ⁴⁵ sortiadu garandi i kil ki fia, pabia tudu kusas ki i kontadu aserka di sinhor na kumpri na si vida". ⁴⁶ Maria ruspundil i fala:"Nha alma ta ngaba sinhor, ⁴⁷ nha spiritu ta kontenti tchiu ku Deus, mha salvadur. ⁴⁸ Pabia i djubi nha umildadi ku nha vida di servu simplis. Apartir des ora tudu djintis na bin tchoman sortiadu, ⁴⁹ Pabia sinhor ki tene tudu puder fasi kusas garandi pa mi, si nomi i santu. ⁵⁰ Ma e ka ntindiba ke ki jesus mistiba fala ku es palavra. 51 Nton Jesus riba ku elis pa Nazaré, i ta obedisiba elis, si mame ta guardaba tudu es kusas na si korson. ⁵¹ Ma Jesus kontinuaba na kirsi na sabedoria, na altura tambi fabur di Deus na distindiba pa djintis pabia del. ⁵² I kaba ku reis ku se turpesas di renansas ialsa djintis unidus. ⁵³ I intchi kilis ki teneba fomi ku rikesa, i dispi reis i ka disa ekis ku nada. ⁵⁴ I djuda Israel si servu otcha ki lembra di si bondadi garandi ⁵⁵ -suma ki falaba no papes antigus-di kuma si fabur na sta ku Abron ku si fidjus tambi ku fidjus pa tudu tempu!". ⁵⁶ Maria fika ku Isabel serka di tris mis, dipus i bin riba pa si kasa. ⁵⁷ I bin tchiga tempu Isabel padi un fidju matchu. ⁵⁸ Si vizinhus ku si parentis bin obi kuma sinhor omenta fabur na si vida e fika kontenti tchiu ku el. ⁵⁹ Otcha ku mininu fasi oitu dias e lebal pa sirkunsidal. E mistiba tchomal Zakarias suma si pape. ⁶⁰ Ma si mame toma palavra i fala:"Nau, i na tchomadu Djon". ⁶¹ E falal:" I ka ten ninguin di bo familia ku ta tchomadu es nome". ⁶² Ma kilis ki staba la fasi gestu pa pape di mininu pa pudiba sibi kuma ki misti pa i tchomadu. ⁶³ Zakarias toma un tagua i skrivi la"si nomi i Djon".Tudu djintis fika adimiradu ku ki kusa. ⁶⁴ Nin i ka tarda boka di mininu iabri, si lingua torna lebi i kunsa papia i na ngaba Deus. ⁶⁵ Pabia di kila, tudu djintis ki staba pertu fika ku medu garandi, i tudu kusas ku pasa bin laga pa tudu ladu di montanha di Judeia. ⁶⁶ Tudu kilis ki obiba kil noticiae ta fikaba adimiradu na se korson, e fal:"ke ki es mininu na bin sedu?"Pabia mon di sinhor staba ku el. ⁶⁷ Si pape Zakarias staba intchidu di spiritu santu i anunsia i fala: ⁶⁸ "Pa nomi di sinhor ngabadu, Deus di Israel, papia i visita si povu i liberta elis. ⁶⁹ Pabia i lantanda un tchifri di salvason na kasa di Deus, si tarbadjdur, ⁷⁰ suma ki pirmitiba dja na tempu pasadu , na boka di santus amunsiaduris. ⁷¹ Di kuma i na salvamu di no inimigus, tambi na mon di kilis ku odanu. ⁷² I na fasi es pa mostra si bondadi garandi pa no papes tambi pa i lembra di si santu kontratu ku elis. ⁷³ Es kontratu i juramentu ki fasi no pape. ⁷⁴ Pa libertanu na mon di nominimigus tambi pa no pudi ianda na si vontadi sin medu, ⁷⁵ na pureza ku justisa, si dianti dia di vida na tera. ⁷⁶ Sin, abo mininu, bu na bin tchomadu anunsiadur di Deus garandi, pabia bu na bai dianti di sinhor, pa purpara djintis pa si vinda, ⁷⁷ pa i fasi si povu kunsi kaminhu di salvason pabia di purdon di se pekadus ⁷⁸ Es na bin kontentici pabia di bondadi garandi di no Deus, pabia através del ki klaridadi di bu luz na bin pa nos, ⁷⁹ pa i pudi munia riba di kilis ku sta na susu ku na sombra di mortu, i na fasil pa guia no pasus na kaminhu di pas". ⁸⁰ Nton, mininu kirsi i fika forti na spiritu i vivi na lala toki povo di Israel bin odjal publikamenti.