¹ Weciya kusilya kuyakine kwa cimana, ku malo oitiwa Gelasenesi. ² Nipo Yeso penzofuma mu wato pamene apo, kwewela munthu kuli eve ofumila mu mitumbila munalume naviwanda va lunsa. ³ Uyu mwanalume enzonkhala mu mitumbila. Kwenzeve eka umo angamumange, inde chukanga na linjelenjende. ⁴ Kanyinji enzomangiwa na nsinga na njelenjende. Etenda njelenjende na nsinga zitalamuka. Kwenzeve eka umo enze na vizo vomulamulila eve. ⁵ Usiku uli onse na mu zuwa mu mitumbila na mu ma lupili, elila nozitendatenda na myala yonola. ⁶ Peona Yeso patali, eutukila kuli eve nowelama kunthanzi kwake. ⁷ Elila na lizu yapamulu, "Ko nicinji cati nicite naweo, Yeso, Mwana wa Mulunmgu wapamulu ngako? Nukupapatila pamo Na mulungu mwine wake, musaninzuzye neo." ⁸ Pakuti enzolawila kwa eve, "Fuma mu munthu, weo ciwanda calunsa.'' ⁹ Emukonsha, ''Niwewani zina?'' Nipo eyasuka, "Zina yangu nine Legia, pakuti nise anyinji.'' ¹⁰ Emupapatila mowelezya welezya kuti asawatume kufuma mu citwa. ¹¹ Nomba liumba ya nkhumba yenzolyela pa lupili, ¹² nakuti emupapatila, nonena, "Titumizyeni mu nkhumba; tilowe muli zeve." ¹³ Tetyo ewazomezya; viwanda calunsa vifuma nolowa mu nkhumba, nipo zisondokela pansi pa lupili kuyolowa mu cimana, nipo miyanda makumi awili, zicemwa na manzi nakufwa. ¹⁴ Nipo wala oziwetela eutuka nipo ewilizya mu manzi na mu minda. Nipo wanthu wanyinji ecizowona cecitika. ¹⁵ Nakuti eciza kwa Yeso nakuti eona okula mwa viwanda-enze na legiya- enze nkhezi pansi, ovwala, nipo paweme na usilu wasila, nipo weyopa. ¹⁶ Wala eona vicitika kuli mwanalume-waviwanda ewauzya vicitika mofyikapo nakuti ewauzya soti zya nkhumba. ¹⁷ Nipo weyamba kumupapatila kuti afumemo mu malo wao. ¹⁸ Nipo enzolowa mu wato, mwanalume-waviwanda epapata kuti akuya naye. ¹⁹ Koma Yeso aliyo muvomelezye, koma emuuzya kuti, "Nkhoya ku nanda yanu na ku wanthu wako, nipo ukawauzye vakucitila Mulungu, na mwakulangizyila lusungu lwake.'' ²⁰ Nipo eluta patali noyamba kulawila ma lizu pali vinthu viweme vecimucitila Mulungu mu Dekapoli , nipo aliyense edabwa. ²¹ Nipo Yeso peciya soti kusilya kwa cimana, mu wato, liumba ikulu imuzunguluka, penze ku mbali kwa cimana. ²² Nipo umo wacitangulila wamu cipupilo, oitwa Yailo, ewela, nipo pecimuona, epona pa malwayo wake. ²³ Epapata mowelezya welezya, nonena, " Mwana wangu mtontho ali pafupi kufwa. Nakupapatila, wela nipo uzaike manja wako pali eve payake angankhale paweme na moyo. " ²⁴ Eciya naye, na liumba ikulu imukonkha nomulumba pafupi na eve. ²⁵ Nomba enzepo mwanakazi enzofuma milopa zyaka twelufu. ²⁶ Evutika kanyinji mu ma ng'anga anyinji navonse venzenavo vesila, koma mu malo mwakuti amvweko paweme ulwele wepitilila. ²⁷ Ecimvwa mbila iweme ya Yeso. Nipo ewela kuvuli kwake penzoyenda mu liumba. nipo ekata mukhanjo wake. ²⁸ Pakuti elawila, nikakata tyala nyula yake, nipole." ²⁹ Nipo pemukata, kufuma mulopa kwileka, nipo ecimvwa muwili wake kuti wapola mu ulwele wake. ³⁰ Yeso pamene apo ecimvwa kuti mphamvu zafumamo muli eve. Nipo ecunguluka mu liumba nonena, ''Niwani wakata mkanjo wangu?'' ³¹ Asambili wake eyasuka kuti, "Muona lini wanthu akuzengulukani, Mukonshelanji kuti, 'Niwani wakukatani?''' ³² Koma Yeso epitilizya kulolesha-lolesha kuti aone ecita tetyo. ³³ Mwanakazi, peciona vimucitikila, etutumila na mwezo. Ewela nofukama pafupi na Yeso nipo nomuuzya vyendi. ³⁴ Yeso emuuzya kuti,"Mwana wangu, cicetekelo cako cakupozya. Nkhoya mu paweme nipo ulwele wako wasila.'' ³⁵ Akalulawila tetyo Yeso, kwiwela wanthu ofumila ku cipupilo, nowauzya kuti, '' Mwana wako wafwa. Nicingi kuwatamanisha asambizyi na nomba?'' ³⁶ Koma Yeso pecimvwa ma lizu wenzonena, elawila kuli citangulila waku cipupilo, ''Osacita mwezo. Nkhala tyala na cicetekelo. ³⁷ Tetyo aliyozomezya alionse kuya naye, koma tyala Petulo,Yakobe na Yohane mkwawo Yakobe. ³⁸ Pecifwika ku nanda ya Yailo, Yeso eona winji wa wanthu wenzopanga zungo; wenzolila nipo mowilikizya. ³⁹ Pecilowa mu nanda, ewakonsha, "Ko mwakalipanji nipo nicinji mulila? Uyu mwana aliyokufwa koma wangoyona.'' ⁴⁰ Wala wanthu etatika kumuseka. Tetyo Yeso ewafumya wonse notola awisi na anyina wa wala mwana pamo na asambili wake wala atatu nakuya nawo ku cipinda kwenze lele wala mwana. ⁴¹ Ekata kwanja kwa mwana nomuuzya kuti, " Talitha Koum" kulawila kuti, ''Mwanawe, nukuuzya, uka.'' ⁴² Pamene apo mwana wala euka noyenda (enze na vyaka kumi na viwili). Nipo pivicitika ivi, wanthu ekanganishiwa ngako. ⁴³ Nipo Yeso elamula apo notatika kuti osauzya munthu aliyense pali izi, nowauzya kuti mupeni vakulya alye.