¹ Wavurukithe hakutape kwawapiterithi nohakamuragho, mukuwakutha, mukukara hanakuroghithera mukehe yirughana yoyiwa, ² mbadiko ghokushedhaghura, kadiko kughayara kurwa, kukara thiwana, kuneghedha ghunu kwakeheyu. ³ Parofotji kikwetu twathinda mbadi twakarire nokughayara no matawero. Hatutwarire mughupata noghupika muyinu yonyaranyara. Twaparire mughuhayidena no ghunore. Twakarire ghupata no twakunyengire twathinda. ⁴ Ene apa thiraro tha Nyambi mushuturi wetu no ruhakitho ro pawanu rwamonekire, ⁵ kadi yakarire payirughana yo ghuwa ghu twatenda, ene thinyeke thendi ghatukungire, kupitera mudiyoghero ghomushamurukero ghoghupya mwaMupepo gho Kupongoka. ⁶ Yidye Nyambi ghomuwa ghanotoremwaMushuturi Jesusi Kristusi, ⁷ podigho eshi makengwerero gho thinyeke,kukona mukare mwahana nokukara nomakurupero muyipara yokuroruheya. ⁸ Odhi mbudhi dhomakurupero. Nashana mutwikere kuyinuyi,podigho eshi kowa hatawa mwaNyambi hakone kutokomena mukukara muyirughana yoyiwa. ⁹ Ene mukukandana po dikanyi dyoghuyero no kungcenuna endi kupira makuyuvo gho muragho. Eyi yinu mbadi yareta mawedherero endi mbadiko mudyo. ¹⁰ Mushwene kehe yuno ghana kureta makuyakunuthero mukatji kenu, kunyima dho kumuthighererapo rofotji endi ruwadi, ¹¹ mukudimuka eshi munuyo ghana kutjindji kutunda mundhira dhodhiwa no ghana kuharura papendi. ¹² Apa natumine Artemas endi Tychicus kukwenu, mutambuke no mwiye kukwange kuNicopolis, oku natokora kakara pakufu. ¹³ Tende keheyino shokone mukutuma mundhira dhagho Zenas gho mupanguri naApollos, podigho kadi hanyande kehe thino. ¹⁴ Hanu wetu hakona kukuhonga kukupakerera hathinda muyirughana yoyiwa eyi yaghamwenanga yinyanda yowanguwangu, no kadi kukara hakakurambuto. ¹⁵ Wahe wa hadi nange hana mumorora. Mumorore wa hatuhaka no makurupero. Thinyeke thikare nenu.