¹ Wamile ikumi na yayili ponga awapa amaka ni nsambu pa kufumya imipasi yonsi iyiyipe nu kupozya amawulwale. ² Wawatumile ukuya pa kutanda umwene wakwe Leza nu kupozya aya lwale. ³ Watili kuli woliwo, ''mutasenda chimwi pa lwendo lwinu - insondo foo, ichola foo, umukata foo, impiya foo, nanti nkhanzo yakayazya. ⁴ Mung'anda yonsi yino mwinjila, mwikale mumokwene mpaka pano mulifuma. ⁵ Konsi kuno yatakuwapochelela, pano mukufuma mu musumba wuwo, kunthini ulukungu ukufuma ku matamba yinu ngati uwukamboni ukwiminkana nawo.'' ⁶ Apano ya katwike ukupitila mumizi, ukusimichila ilandwe lisuma nu kupozya konsi. ⁷ Nomba Helodi mwene wuvwile vyonsi vino vyawombwanga, vyamuzungusizye, pa mlandu chalandwanga na yamwi kuno Yoani azyusile ku yafwe, ⁸ yamwi yatili Eliya awino walolike, nukuti yawuzye wenga muli ya kasowela ayakali awino azyusile. ⁹ Helodi watili, ''namuputwile umutwe Yoani. Aweni wino nkhuvwa ivinthu vino?'' nukuti wezizye ukuti amulole. ¹⁰ Lino ayapositoli yawelela, ya munenyile vyonsi vino yawomvile. Apano wawasenzile ukuya nawo, nukuti yayile umwakongoloka ukuya ku musumba wuno wamwanga Betisaida. ¹¹ Kwene lino iwumba lyuvwa chino, yamukonsile. Wawapochelile nukuvwanga nawo ukuyana nu wumwene wakwe Leza, nukupozya wonsi yano yalonda ukupola. ¹² Nomba uwanda wali nukuya ku nsilo, apano ikumi na yayili yizile kuli weliwe yatili, ''wezya iwumba ukuti yangaya mu mizi iyiliwizizye ninsi zyamumbali ukuti yazane ukwakulala ni chakulya, pa mlandu tuli kuno kumasyo ya kumbali.'' ¹³ Kwene watili kuli woliwo, ''yapini chimwi ichakulya.'' Yatili, ''Tutakweti ivyakuchila imikate yisano ninswi zili -paka tuye tukakale ichakulya cha yanthu wonsi yano.'' ¹⁴ (Yali awonsi amazimbi yasano.) wavwanzile kuya Londezi yakwe, ''Lekini yikale pansi mutuwukutila amakumi yasano konga. ¹⁵ Apano yawonvile vivyo kwene, nukuwateka ayanthu apansi. ¹⁶ Ukusenda imikate yasanu ninswi zili, alola kwiyulu, avipepela nukumonyola tunonotunono, nukuwapa ayalondezi ukuti yayike piwumba. ¹⁷ Wonsi yalile nukwikuta, nukuti vino vyasyala yasozile - ivitundu ikumi na vili ivyavimonyolwe. ¹⁸ Kwizile insita pano Yesu wapepanga kuli wenga, aya Londezi yali nawe. Wawakolowozizye, ukuti, ''uzye iwumba likati neweni?'' ¹⁹ Yaswike, Yoani kawatizya. Kwene yamwi yakuti Eliya, na yawuze yakuti wenga wakwe ya kasowela yampiti azyusile.'' ²⁰ A[pano wavwanzile kuli woliwo, ''kweni mwemo mukati ne weni?'' Peteli waswike ''We kilisitu wakwe Leza.'' ²¹ Kweni wa wachenjezizye nu kuwachinyilizya kuno yatanena umunthu wumwi ukuyana na chii, ²² Ukuvwanga, '' umwana wa munthu afwile achule ivinthu ivivule nukukanwa na yakalamba naya Simapepo ayakalamba na yakawalika; nukukomwa nukuti pa wanda wakwe chitatu alazyuka.'' ²³ Apano wavwanzile kuli wonsi, ''ndichakuti wumwi akulonda ukwiza kunondi, afwile ayikane wenga nukusenda umuti uwuchingame chilawanda nukunkhonka ²⁴ Wensi wino angasunga uwumi wakwe aliwusumba, kweni wensi wino akusumba uwumi wakwe mlandu na nene aliwusunga. ²⁵ Uwuzimachi wuno umuthu angazana pakukwata insi yonsi nukusumba uwumi wakwe? ²⁶ Wensi wino akuvwa insonyi na nene na mazwi yane, kuli weliwe umwana wa munthu aluvwa insonyi pano aliza muwuchindame wakwe nu muwuchindame wakwe Tata nuwa yangeli ayatiswe. ²⁷ Kweni nkhuvwanga ichumi kuli mwemwe pali yamwi yano yimilile pano yano yataliwonja imfwa pano yataniyalole umwene wakwe Leza.'' ²⁸ Nomba lino papita amanda yasano na yatatu pano Yesu wavwanzile amazwi yano, wamusenzile Peteli na Yoai na Yakobe nukuya nawo pa mwamba pakupepa. ²⁹ Lino akupepa, imilelechele ya pa chinso chakwe kwapitwike, nukuti ivizwalo vwakwe vwawazile uwutiswe. ³⁰ Lola, ayanthu yayili yakuvwanga nawe, Mozesi na Eliya, ³¹ Yano yabolike mu wuchindame, ukulanda nawe ukuyana nu kufuma kwakwe, kuno kwali nukuleta uqumalilo mu Yelusalemu. ³³ Nomba Peteli na yano yali nawe yakaswile sana, kweni lino yazyuka, ya weni uwuchindame wakwe na yanthu yayili yano yimilile nawe. ³² Ngalino yafuma kuli Yesu, Peteli wavwanzile kuli weliwe, ''mukalamba, ichisuma kuli sweswe ukuya pano. Ndini tuzenge ya tuma yatatu, wenga uwakwako, wenga wakwe Mozesi na wenga wakwe Eliya. '' (Atamanyile chino wavwanganga.) ³⁴ 3 Pan 3o wavwanganga chii, iwingo lizile nukuwakupika, nukuti yatinyile lino yinjilanga mwi wingo. ³⁵ Izwi lyafumile mwi wingo, ukuti, ''wino umwanane, wino umusolwe; wuvwini kuli weliwe.'' ³⁶ Lino izwi lyavwanga, Yesu wazanyile wenga. Yzile ayamyalala nukuti ya tanenyile nanthi wumwi mu manda yaya chonsi chino yzweni. ³⁷ Nomba uwanda wakukonkha, lino yika ukufuma kumwamba, iwumba ilikulu lyakomenkhine nawe. ³⁸ Lola, umunthu ukufuma mwiwumba walizile, ati, ''musambilizyi, nkhukulenga ukulola pa mwanane, pano umwanane wenga. ³⁹ Walola, umupansi wamupingwile umwakuchenuchizya walizile; chapanjisizye ichizilisi nukufumya itotofula mumulomo. chitamulechezizye zuwa nukuti wachisike uwuyi. ⁴⁰ Nawalenzile aya londezi yako ukuwupingula ukuti wufume, kweni yatawufumizye.'' ⁴¹ Yesu waswike watili, ''mweyano mutasuwila na yazambale uwutalichi wuno fwile inje namwe nukulala ponga namwe? mulete umwanako kuno.'' ⁴² Lino umulumendo akwiza, umupasi uwuyipe wamusumvile pansi nukumutensya ni chizilisi. Kweni Yesu wapingwile umupansi uwuyipe nu kumupozya umulumendo, nu kumuwezya nupya yisi. ⁴³ Apano wonsi yazungwike pa ukulu wakwe Leza. Lino wonsi yachili yakuzunguka pali vyonsi vino wa wombanga, wavwanzile kuya Londezi yakwe, ⁴⁴ ''Lekini amazwi yano yinjile mukasi mu matwi yinu: Umwana wa munthu alilemekwa mu makasa ya wanthu.'' ⁴⁵ Lelo yatuvwichisisye izwi lino. Chafisile kuli woliwo, nukuti yakweti intete pa kukolowazya ukuyana nizwi lino. ⁴⁶ Lyeni ukwiminkana kwatalike pakasi pali woliwo nukuti weni umukalamba muli woliwo. ⁴⁷ Kweni Yesu, pakumanya vino yelenganyanga mu myenzo yawo, wasenzile akana akanono nuku kayika pambali ⁴⁸ Ati kuli woliwo, '' wensi wino akupochelela akana kaa mwizina lyane, akumpochelela nene; na wino akumpochelela nene, akumupochelela wino wanthumile pakuti wensi wino umunono pakasi pali mwemwe mwensi ali mukalamba. ⁴⁹ Yoani waswike, ''mukalamba, twaweni wumwi akufumya imipasi iyiyipre mwizina linu nukuti twamukanyizye, pakuti asipita naswe.'' ⁵⁰ ''Mutati mumukanye,'' Yesu wavwanzile, '' mlandu wensi wino asikwiminkana namwe uwinu.'' ⁵¹ Lino amanda yapalama ukuti asendwe ukuya kupela walozizye ichinso chakwe ukuya ku Yelusalemu. ⁵² Atuma ya kapitawo kunkolelo kwakwe, nukuti yaye yakinjile mumuzi wa Samaliya ukuti yakapekanye vyonsi ivyakwe. ⁵³ Kweni antu kuku yatamupochelile pa mlandu walozizye ichinso chakwe ukuya ku Yelusalemu. ⁵⁴ Lino ayalondezi Yakobe na Yoani yalola chii, yatili, ''Mwene, ukulonda tupingule umoto ukufuma mwiyulu ukuti wu wonone?'' ⁵⁵ Wasenwike awakalipila, ⁵⁶ Apano yayile mu muzi wuze. ⁵⁷ Lino yakupita mumusewo, wumwi wavwanzile, ''Nandi mbakonke konsi kuno mukuya.'' ⁵⁸ Yesu watili kuli weliwe, ''Yankhusa yali niviwina, ni vyuni vya mupela vili nivisalanzo kweni umwana wa munthu asi pakweyemikapo umutwe wakwe.'' ⁵⁹ Apano watili kuli muze, ''nkonkha.'' Kweni watili, '' Mwene, lekini tasi kazike tata.'' ⁶⁰ Kweni watili kuli weliwe, ''watini ayafwe yazikane ayafwe yatupu. Kweni ukuyana na wewe, uye ukusimichile ukutali nu mupapatane umwene wakwe Leza.'' ⁶¹ Apano wumwi muze watili, ''nandi nkukonkhe, mwene, kwene lekini nkhalaye kuya mung'anda yane.'' ⁶² Yese wamwaswike, ''Nawumwi wino akayika amakasa yakwe pa ichilimilo nukulola ichisila uwakufika po kumwene wakwe Leza.