¹ Kel ki ta kre ma Jizus Kristu e nasidu di Deus. I tudu kenha ki ta ama kenha ki jeral, ta ama tanbe kes ki del e nasidu. ² Nu sabi ma nu ta ama fidju di Deus atrabés disu: oras ki nu ta ama a Deus i nu ta kumpri se mandamentus. ³ Pamodi keli e amor di Deus: ki nu guarda se mandamentus. I se mandamentus ka e fastentu di kumpri. ⁴ pamodi tudu kel ki nasi di Deus ta vensi mundu. I keli e vitoria ki ta vensi mundu: nos fe. ⁵ Kenha ki ta vensi mundu, sinou kel ki ta kre ma Jizus e Fidju di Deus? ⁶ Keli e kel ki bem pa agu i pa sangi, Jizus Kristu. El ka bem so pamodi agu, ma pa agu i pa sangi. I kenha ki ta tistifika e Spiritu. ⁷ Pamodi Spiritu e verdadi. Pamodi es e tres ki ta testifika:[ Pai, Palavra, i Spiritu Santu; i es tres e un so.] ⁸ Spiritu, agua i sangi. Es tres ta konkorda entre es. ⁹ Si nu ta resebi testemunhu d-omis, testemunhu di Deus i mas grandi. Pamodi keli e testemunhu di Deus, kel da aserka di Se Fidju. ¹⁰ Kel ki kre na Fidju di Deus ten a el mesmu es testemunhu. Kel ki ka ta kre na Deus ta fazel mintrosu, pamodi el ka kridita na testimunhu ki Deus ten dadu aserka di se Fidju. ¹¹ I testimunhu e keli: ki Deus danu vida iternu, i kel vida li sta na Se Fidju. ¹² Kenha ki ten se Fidju ten vida. Kenha ki ka ten Fidju di Deus ka ten vida. ¹³ Kes kuzas li n ten skritu nhos pa ki nhos sabi ma nhos ten vida iternu, nhos ki kre na nomi di Fidju di Deus. ¹⁴ Keli e kunfiansa ki nu ten dianti Del: Si nu pidi kualker kuza sigundi Se vontadi, E ta obinu. ¹⁵ I, si nu sabi me ta obinu, sobri kuza ki nu pidil, nu sabi ma nu ten kuza ki nu pidil. ¹⁶ Si algén odja se irmon ta kumeti pekadu ki ka seja pa morti, el debi ora, i Deus ta dal vida. N sta fala sobri kes pekadus ki ka e pa morti. Ten pekadu pa morti; ka e a respetu di kela ki n sta fla pa ora. ¹⁷ Tudu injustisa e pekadu, ma existi pekadu ke ka pa morti. ¹⁸ Nu sabi ma tudu kel ki nasi di Deus ka ta peka tudu ora. Ma Kel ki foi jeradu di Deus ta guarda kel algén la, i maliginu ka ta tocal. ¹⁹ Nu sabi ma nos e di Deus i ma mundu sta mortu na maliginu. ²⁰ Mas nu sabi ma Fidju di Deus ben i ten dadu nos intendimentu, pa nu konxi Kel verdaderu i ki nu sta Nel, ki e Verdadi, na Se Fidju, Jizus Kristu. Keli e verdaderu Deus i vida iternu. ²¹ Fidjinhus, ka nhos sigi idulus.