¹ Ghuye aghamba kwavo ashi, ''Ushiri nakumu tantera, mpovali vamwe mukatji kenu, vana yimano pano ava ngava piro kumakera mfa kumeho ngava ka mone untungi waKarunga apa ngauya na nkondo.'' ² Kuruku rwa mayuva matano nalimwe, Jesus ahimbi vaPetrus na Jakobus na Johanes kumwe naye vakanduke kundundu yayire, pa pentjavo . ³ Makura Jesus akutjindji murupe rwa kumpayima kumeho yavo, lirwakani lyendi ali ku shintunuka ukenu wakupita kanena, wapitakana ukenu nauntje wapa ntunda ya livhu. ⁴ Makura Elijah na Moses ava vamonekere, nakughamba na Jesus. ⁵ Petrus alimburura kwa Jesus ashi, ''Rabbi, uwa unene kovyo tuna karapo natwe pano, renka turuwane ndjugho ntatu, yimwe yoye, yimwe ya Moses ntani yimwe ya Elijah.'' ⁶ (Kondashi uye kapi ayivire ashi vinke avura kughamba, morwashi vavo vatukukire unene.) ⁷ Liremo aliya va fikiliri. Makura liywi a litundu muliremo alighamba ashi, ''Oghu ndje mona nde na hora unene. Mu teghererenu.'' ⁸ Mpopo tupu, makura ava vemaura vakenge ashi are anakughambo, ngoli kundereko ogho vakengire ogho akaliro kumwe navo, nkwandi Jesus tupu. ⁹ Opa vaghurumuke vatunde kundundu, ava rawiri mukupira kuvitantera mmuntu keheuno ovyo vakamonine dogoro mona muntu ngaka vumbuke kuvafe. ¹⁰ Makura navo avavimwena, ngoli ava kupurayere mukatji kavo ashi, ''kuvumbuka kuvafe'' vinke vina kutanta nani. ¹¹ Vavo ava mupura ashi , ''Mukonda munke varongi vamatjangwa vaghamberanga ashi 'Elijah ngayo tanko muhovo?'' ¹² Ghuye avatantere ashi, ''Elijah Kwayire wakuhova aya wapayike vininke navintjeya. Makura mukonda munke va tjangera ashi mona muntu ngahepa mumarupe ghamangi ntani ngava mushwena? ¹³ Ano ngoli ame kuna kumu tantera Elijah aya, ntani ava muruwana navintje ovyo vashanine kumuruwana, yira momo tupu vavi tjanga kuhamena kwendi.'' ¹⁴ Opo vayire kuvarongwa, ava mono mbunga yayinene yina vakundurukida, valirongi vamatjangwa vavo kuna kukutatana navo. ¹⁵ Tupu vamonine Jesus, mbunga nayintje kwatetukire naku duka vaka mumorore. ¹⁶ Apura varongwa vendi ashi, ''Kuhamena kunke muna kuku kanana navo?'' ¹⁷ Umwe mumbunga amulimburura ashi, "Murongi, nayita monande wamumati koye. Akara nampepo yakumurenka adire kughamba. ¹⁸ Yayo kumukwata na kumuvukumina palivhu, kukara ntutu kukanwa, kukushera mayegho, nakukanyatera rutu rwendi. Na pura varongwa voye ndi vayitjidemo mpepo yino mwendi, ngoli kapi vanayivuru.'' ¹⁹ Ghuye ava limburura ashi, ''Muhoko wa kudira kupura anwe, shirugho sha kutika kuninko ngani kara nanwe? Ruvede rwa kutika kuninko ngani ku kudidimika kwenu ? Muyitenu kwande.'' ²⁰ Ava muyita mumati kwendi. Opo yamonine mpepo yayidona Jesus, mpopo ayi muvukuma nakumurenka andundane. mumati akugandere palivhu kuno ntutu kutunda mu kanwa. ²¹ Jesus a pura vashe ashi, ''Shirugho shakutika kuni akara weyo uno mwanuke?'' Vashe avaghamba ashi, ''Kutunda kuwanuke wendi. ²² vikando vyavingi kwa muvhukuminanga mumundiro ndi mu mema ntani kushana kumu djonaghura. Nange kuvura uruwaneko shintu, tufere nkenda ghutu vatere. ²³ Yesusa agahamba, ''Ntjene kughuvura? Vininke navintje kuvhura kushoroka kovo va puro.'' ²⁴ Mpopo ngoli vashe vamwanuke ava lili nakughamba, ''Napura! Mhvatere muku dira kupura kwande!'' ²⁵ Yesusa opo a monine mbunga kuna kuduka vaye kwavo, mpo afingire mpepo yayidona nakughamba, Ove mpepo ya kumwena na yakupira kuyuva, na kuku rawira, tundamo mwendi, mutunde, ntani kapi ngaungenemo nka mwendi.'' ²⁶ Mpepo yayidona ayi liri nakurenkita mumati akughandumune unene makura ayirupukamo mwendi. Mumati kwa monekire yira anafa, vavangi ava ghamba ashi , ''Ana fu'' ²⁷ Ano Jesus amu kwata kulighoko nakumuyerura, mumati makura ashapuka. ²⁸ Opo ayire Jesus mundjugho, Varongwa vendi ava mupura kumpenge ashi, ''Konda munke tuna pirili kuvuru kuyitjidamo twe?'' ²⁹ Ghuye aghamba kwavo nakuva limburura ashi, ''Dino mpepo dakufana weno nakuditjidamoshi tupu ngoli nkwandi na ndapero.'' ³⁰ Makura avatundupo palivango linya nakupita mu Galileya. Kapi a shanine kehe ghuno ayive ashi kuni vanakara. ³¹ Ghuye kwa shongire varongwa vendi. nakughamba kukwavo ashi, ''Mona muntu ngava mutapa mumaghoko gha vantu, ntani vavo ngava mu dipaya. Apa ngava mudipaya, kuruku ya mayuvha matatu nga vhumbuka nka.'' ³² Ano ngoli kapi va kwatire lighano nkango dendi, ntani vakutjililire kumupura. ³³ Makura avaya ku Capernaum. Kuruku apa va ngenine mudjugho ava pura ashi, ''vinke muna timwitiri mundjira?'' ³⁴ ngoli vavo ava mwena teete. Kondashi vavo kwakukananine mukatji kavo mundjira ashi are munenepo mukatji kavo. ³⁵ Opo vashungilire, avayita mughu murongo nauviri wavo navantje kumwe nakughamba kwavo ashi, ''Ntjene umwe mukatji kenu ana horo kukara wakuhova, ana kona kukara wakuhulilira kunavantje naku kara mupika ku navantje.'' ³⁶ Aghupu mwanuke wa mudidi nakumutura mukatji kavo. Amu tura mumaghoko ghendi nakughamba kukwavo ashi, ³⁷ ''Kehe ghuno wa kutambura mwanuke waweno mulidina lyande ghuye kuntambura ame; Kehe ghuno wakuntambura ame kapishi ame anatambura ngoli kutambura ogho antumo ame.'' ³⁸ Johanes aghamba kwendi ashi, ''Mushongi, twa monine umwe kuna kutjida mpepo dadidona mulidina lyoye atwe mbyo twamukavire, kondashi ghuye kapi umwe wavakwami voye. ³⁹ Ngoli Jesus aghamba ashi, ''Mwasha mushweneka, kondashi kundereko wakuruwana vitetu vyavinene mulidina lyande ntani ghuye aghambe vyavidona vyakuhamena kwande mpopo. ⁴⁰ Kehe uno adirango kukulimba natwe ogho wetu. ⁴¹ Kehe ghuno wakumupa nkinda ya mema mulidina lyande morave wahamena kwa Kristusa, ushiri naku mutantera anwe, ogho kapi nga kombanita ndjapo yendi. ⁴² Kehe uno waku pukita umwe wa vano vavadidi ogho apuro mwande, hasha nange avamu mangerere limuwe lyalinenen muntingo yendi, naku mu tupika mulifuta. ⁴³ Nangeshi lighoko lyoye kukupukita, liteteko. Hasha kuka ngena muliparu lyanaruntje kupikana kukara namaghoko maviri ngoli uyende mumundiro, mumundiro wakudira kudima. ^{44 45} Nange lighuru lyoye kukurenkita undjone ,liteteko. Hasha koye mukangena muliparu lyanaruntje ove shirema, kupitakana kukara namaghuru maviri makura vaka kuvhukumine mumundiro ^{46 47} Nange lintjo lyoye kukurenkita undjone ,liteteko . hasha mukungena mughuntungi waKarunga nalintjolimwe kupitakana kukar namantjo maviri nakuka kuvhukumina mulivango lyavanandjo. ⁴⁸ Mulivango omo va diranga kufa mavinyo ntani mundiro kapi vaghudimitangamo. ⁴⁹ Kehe uno ngava mutova mungwan namundiro, ⁵⁰ Mungwa ghuwa, ano ngoli nange mungwa una copokwa, weni mwaku ghughuruwana ghukare nka mungwa? Karenu vamungwa mukatji kenu, ntani mukare nambili navaunyenu.''