¹ Lino ndyo litameko ya mbudi yaJesus Kristus, mona karunga. ² Yira momo vavitjanga mumbapira ya muporofete Jesaya ashi, ''Kenga, ame kuna kutuma ntumi yande kumeho yoye, ogho ngaya wapayiko ndjira yoye. ³ Liywi lyendi kuna kukugha mumburundu ashi, 'wapeka ndjira yahompa, lya lya kanita ndjira yendi yivyukilire.'' ⁴ Ntumi ogho atjangire Jesaya kwakalire Johanes, ogho kavayitanga ashi "Muyoyi," Johanes kwakalire mumburdundu; kayoghanga vantu nakuvatanntera vakushighure mposhi Karunga ngamudongwenenepo ndjo denu. ⁵ Shirongo mudima sha Judeya navantu navantje vamu Jerusalem kwayire kwendi. Kava va kushanga mumukuro wa Jorodani, vavo kuno kuna ku tongonona ndjo davo. ⁶ Johanes ka dwatanga shikovera shahuki daNgamero naruvya rwashipapa mumbunda yendi, ntani ghuye kalyanga shimbonde na ushi wampuka. ⁷ Ayuvitire ashi, ''Ghumwe ngayo kunyima yande a kara nankondo kumpitakana me, Ame kapi nawapera kunyongama ni shuture marughodi gha nkaku dakumpandi dendi. ⁸ Ame kunakumu yogha na mema, ene ngoli ghuye ngaya muyogha na mpepo yakupongoka.'' ⁹ Kwa shorokire muma yuvha ogho ayire Jesus atunde ku Nazaret muGalileya, makura amu yogho Johanes mumukuro wa Jordan. ¹⁰ Apa tupu a tuntukire Jesus atunde mumema, a mono liwiru lina kugaunuka aligharuka makura mpepo yaku pongoka ayi sheghumukiri papendi yira nkuti. ¹¹ Liywi, ali tundu muliwiru, ''Ove ve monande ogho nahora. ogho andjendo kumushima .'' ¹² Makura mpepo mupongoki ayi mupititiri nakumutwara mumamburundu. ¹³ Uye kwakakalire mumburunu mayuva dimurongo ne, muku musheteka Satana. Ghuye kwakakalire navikorama vya muwiya, ano ngoli va Engeli vamukungire. ¹⁴ Makura muruku rwapo vakwatire Johanes, Jesus aya mu Galileya kuno uye kunakuyuvita mbudi yaruhafo ya Karunga. ¹⁵ A ghamba ashi ''Shirugho shinatikimo, ntani untungi waKarunga pepi unakara. Kushighurenu mu pure ku Mbudi yaruhafo.'' ¹⁶ Apa ayendire kuntere ya lifuta lya Galileya, amono Simon na Andriyas mughunya Simon kuna kutegha likwe mulifuta, vavo kwaka lire vakwatintjwi. ¹⁷ Jesus a ghamba kwavo ashi, ''Yenu, nkwamenu, ame ngani mutura mukare vakwati vantu.'' ¹⁸ Mpopo avashuvu makwe ghavo naku mu kwama. ¹⁹ Opo ayendire Jesus kumeho kadidi, amono James mona Sebedeus na muunyendi Johanes , vavo kwa kalire muwato kunakuwapayika makwe. ²⁰ Ava yita makura vavo ava shuvu shavo Sebedeus muwato navaruwani, ava mukwama. ²¹ Makura ava ya mu Kaperinaghum, makura mu sabata, Jesus ayendi mu Sinagoge nakuronga. ²² Vavo va tetukire ku lirongo lyendi, ghuye kwava rongire yira umwe ogho aka lire na unankondo, kapishi yira varongi vamatjangwa. ²³ Nakadidishi makura murume wamu Sinagoge yavo ogho akaliro nampepo dadidona ayiyiri, ²⁴ Nakughamba ashi, ''Vinke tu vhura kuruwana nove, Jesus waku Nazareth? Kwa ya uya tu djonaure? Nakuyiva ashi overe. Ove mupongoki waKarunga!'' ²⁵ Jesus a tughumukiri demoni nakughamba ashi, ''Mwena ntani rupukamo mwendi!'' ²⁶ Mpepo dadidona ghadi muvhukuma nakumu ganda nakutunda mo mwendi uye kuna kuta kuma na liywi lya linene. ²⁷ Vantu navantje kwa tetukire, ava kupuraghere mukashi kavo, ''Vinke vino?'' Lirongo lyalipe lyankondo! Uye kurawira nampiri mpepo dadidona ntani dado ku mu limburukwa! ²⁸ ''Mbudi yakuhamena kwendi makura ayi kuhanene kehe kuno mu mudingonoko wa mukunda wa Galileya. ²⁹ Kunyima ya kurupa mu Sinagoge, ava ya mu mundi wava Simon na Andriyas kumwe na Jakobus na Johanes. ³⁰ Makura vangumweya Simon kwa ralire, vavo nakuvera uvera wa kupyapyara pyapyara, ava vi mutantere Jesus. ³¹ Makura aya, amu kwata kulighoko, nakumurambwita, uvera wakupyapyara pyapyara murutu aghumutundu a katameka kuva ruwanena ndya. ³² Ngurova yinya muruku rwaka dama liyuva, avamuyitiri vaveli navantje navo dakwata mpepo dakunyata. ³³ Doropa nayintjeya kwapongire kumwe pa livero. ³⁴ Ghuye averulire vavangi ovo vakaliro namaghuvera ghakuku shuva-shuva ntani nakutjida mpepo dakunyata, ngoli kapi apulitire mpepo dakunyata di ghambe morwa damuyiva. ³⁵ Ghuye makura aku vinduka kurambuka, kwako shimpe mundema, mpo atu ndirepo nakuyenda kuli vango lya maporeya aka raperere. ³⁶ Simon ntani nava akalire navo ava mushana. ³⁷ Apa vaka muwanine ava mutantere ashi, ''Kehe uno ove ana kushana.'' ³⁸ Ghuye aghamba ashi '' Tu yendenu tu rupuke kehe kuno, kudoropa da pepi, nako nka nika yuvitireko nka. Mukondashi mbyo nayerako kuno.'' ³⁹ Uye ayendi mu Galileya nayintje, nakuyuvita mu Sinangonge davo nakutjida mpepo dadi dona. ⁴⁰ Munavingondwe aya kwendi, nakumukanderera, atongamene nakughamba kukwendi ashi, ''Ntjene unavipanga, kughu ndenka nikene.'' ⁴¹ Jesus ayimuyere nkenda, makura aghonyonona lighoko lyendi nakumukwata, aghamba kwendi ashi , ''Navi panga kara una kene.'' ⁴² Mpopo tupu vingondwe avi mutundu ntani akene. ⁴³ Jesus amu rondora shankondo nkondo nakumu tantera atundepo. ⁴⁴ Uye aghamba kukwendi ashi, ''Nakadidishi uvi tantere kehe uno, ano ngoli yenda, ka kuneghede naghumoye kwamu pristeli, uka tape ndjapo yalikenito eyi amu tulirapo Moses, yikare umbangi kukwavo.'' ⁴⁵ Ano ngoli ghuye opo ayendire atameke kuhanita mwamunene mbudi yinya, ovyo vya renkitire Jesus apire kungena nka mudoropa anghureru, ano ngoli a kara tupu kumavango ghaku dimukunda. Ngoli vantu shimpe ava ya kukwendi kutunda naku ntjeya.