¹ Opo akavyukire muKaperinaghumu muruku rwamayuva ghamasheshu, aviyuviki ashi pamundi anakara. ² Vavangi kwapongire palivango linya dogoro kundereko nautipiroshi, napalivero mpopa, makura Jesus mpo aghambire nkango kukwavo. ³ Vakafumu vamwe kwayire kukwendi vayite shirema wamundambo, vantu vane vamudamunino. ⁴ Opo vapilire kuvhura kumu shweghena pepi naye morwa mbunga, avaghupupo mbando yandjugho opo akalilire Jesus, muruku rwa kutomona limpe, ava sheghumuna mbete oyo varangekire mukafumu washirema shamundambo. ⁵ Opo amonine mapuliro ghavo, Jesus aghamba kwamukafumu washijrema shamundambo ashi, ''Monande wamu mati, ndjo doye vana dikughupirepo.'' ⁶ Makura vamwe vavalirongi va matjangwa mpo vashungilire navo, makura ava kupura munda yadi mutjima davo ashi, ⁷ ''Weni avhura kughamba ngolighuno murume?'' Muvikupaki! Are wakuvhura kughupirapo ndjo nkwandi Karunga pentjendi?'' ⁸ Mpopo tupu Jesus aviyivire mumpepo yendi ashi vinke vana kughayara munda yadi mutjima davo. aghamba kukawavo ashi, ''Mukonda munke muna kughayarera vyaweno munda yadimutjima denu?'' ⁹ Vinke po vya ureru mukutantera mukafumu washirema shamundambo ashi ''ndjo doye vanadikughupirepo,'' ndi kughamba ashi, shapuka, damuna ghuro ghoye, yenda? ¹⁰ kurenkera ashi muyive ashi, mona muntu akara naghuna nkondo pantunda ya livhu, mukughupirapo ndjo. ghuye aghamba kwa mukafumu washirema shamundambo ashi, ¹¹ ''Ame kuna kukutantera, '' Shapuka, damuna ghuro ghoye, yenda kumundi ghoye.'' ¹² Ashapuka mpopo, waro adamuna ghuro wendi, arupuke mundjugho kumeho yakeheghuno, navantje vyava pire shitetu, Ava tanga unene waHompa Karunga ntani ava ghamba ashi, ''Ndatwakara tumone vininke vya kufana ngoli? ¹³ Arupuka nka ayende kuviha vya kulidiva, mbunga nayintje ayiya kukwendi, makura ghuye avarongo. ¹⁴ Opo ayapitire, amono Levi monarume wa Alfeus anashungiri kutende yavafutiti mutero makura amutantere ashi, ''Nkwame'' Ashapuka amukwama. ¹⁵ Jesus kwalire ndya mulipata lya Levi vafutiti mutero vavangi kumwe navaka ndjo kwalire kutafura kumwe naye ntani navarongwa vendi, vavangi ava mukwama. ¹⁶ Opo vamonine varongi matjangwa vaFariseyi, vamone Yesusa kuna kulya kumwe nava kandjo ntani nava futiti mutero, avaghamba navarongwa vendi, ''Mukonda munke alyera kumwe nava futiti mutero navakandjo?'' ¹⁷ opo aviyuvire Jesus agahamba kukwavo ashi, ''vantu va marutu ghandjewa-ndjewa kapi vapumbwa mupangi, nkwandi vaveli mbo vahepo ghumwe. ame kapi nayera mukuyayita vantu vavahungami, nani ngoli vanandjo.'' ¹⁸ Varongwa va Johanes nava vavaFariseyi kwakalire mulidiliro. Vantu vamwe avaya nakughamba kukwendi ashi, '' Mukonda munke varongwa va Johanes na varongwa vavaFariseyi vadililiranga, ngoli varongwa voye kapi vadiliranga"? ¹⁹ Jesus aghamba kukwavo ashi, ''Ngoli shiri vayenditi shilika sha nkwara vakare na lidiliro nangeshi mufuko shimpe navo anakarandi ? Nangeshi mufuko mpwali mukashi kavo, nakudilirashi. ²⁰ Ano ngoli mayuva ngaghaya opo ngava mughupamo mufuko mukashi kavo, makura mumayuva gho, ntani ngoli ngava dilira. ²¹ Kwato wa kuvhura kuhondjera shivando shashipe pashidwata shashikuru-kuru. shivando shashipe kuvura shitundepo nangeshi shitundepo, ghupe ghutunde kughukuru-kuru kutaghuka ngoli unene. ²² Kwato ghumwe wakuvhura kutura vinyu yayipe mushipapa shavinyu shashikuru-kuru. marovhu vinyu kuvura yitaure shipapa makura ngaghu kukombanita navintjeya, marovhu nashipapa. ngoli vinyu yayipe kuyitura mushipapa shavinyu shashipe.'' ²³ Muliyuva lyaSabata, Jesus kwayendire apite mumafuva gha rukokotwa ghamwe, makura varongwa vendi ava tameke kutjora domutwe da rukokotwa. ²⁴ VaFariseyi ava ghamba kukwendi ashi, ''Kengenu, mukonda munke vana kuruwanena vininke ovyo vapira kupulitira muliyuva lya Sabata?'' ²⁵ Ghuye aghamba ashi, ''Ndamwakara kuvarura ashi vinke aruwanine Ndafita opo akalire mumpumbwe na kumukwata ndjara - naye navakafumu ovo vakaliro naye - ²⁶ Omo ayendire mundjugho ya Karunga pashirugho sho Abiyatara ndje mupristeli kurona, alire mboroto da ndjambo, ntani apireko dimwe kovo akalire navo?'' ²⁷ Jesus aghamba ashi, ''Sabata kwayiruwanena vantu ngoli kapishi Sabata ndjo vakarerapo vantu. ²⁸ Mpo ngoli shi, Mona muntu Hompa, nampiri mu Sabata.