¹ Napenepo, wanyakwaw wamitupo walevi wadaenda kuna Eleazari, nyantsembe, na Djochuwa, mwana waNumi, ese na kuna wanyakwawa wamadzinza yatchinyakale mukati mwambumba yaIziraeli. ² Ese wadawabvunza kuSilomi, dziko laKenani: Yahweh atibvunza, naboko laMozisi, kuti Mozisi akhangatipase maluwani kuti mwenemo tillame, futi tiuswe n'gombe zathu". ³ Napenepo, na mutemo waYahweh, mbumba yaIziraeli idapasa nhaka kuna walevi maluwani aya na mitunhu yatche. ⁴ Dzinza la kowatita lidapasiwa. Nadyali, wanyantsembe, dzinza laAroni, kuit akhali walevi, wadatambira maluwani khumi namatatu yamutupo waDjuda, yamutupo waSimiyawu, na mutupo waBenjemani. ⁵ Yenango madzinza yamutupo wakowatita wadatambira, nakuda kwasoloti, maluwani khumi yamadzinza yamutupo waEfraimi, Dani na hafu yamutpo waManase. ⁶ Ese dzinza la Gerisoni, na soloti, wadatambira maluwani khumi namatatu yadzinza yamutupo waIsakari, Aseri, Naftali na hafu ya mutupo waManase ku Bazani. ⁷ Mbumba kuti ikhali dzinza la Merari, dzinza na dzinza, wadatambira maluwani khumi namairi yamutupo waRubeni, Gade na Zebulomi. ⁸ Nadyali, mbumba yaIziraeli idapereka maluwani aya, kukhanhiza namitunhu yatche, kuna walevi, nakuda kwa soloti, ninga Yahweh akhadalanga pamusana paboko laMozisi. ⁹ Pa mitupo waDjuda na Simiyawu, iwo wadadaidza yenango maluwani yapadziko, pano idanembiwa na madzina. ¹⁰ Iyo yadapasiwa dzinza laAroni, kuti wakhali pakati dzinza kowatita, kuti akhali wamutupo waLevi. Thangwe iwo ndiwo wadatanga kupasiwa. ¹¹ Waiziraeli wadawapasa Kiriate-Arba (Arba akhali baba waAnake), kuiti ndi mbuto ibodzibodziyo na Hebromi, mutunhu wamabango yaDjuda, na kwauswira mukhundu mwatche. ¹² Apo mamainda yamuluwani na timavilatatche nangaperekiwa kuna Kalebe, mwana waDjefone, ninga upfumi. ^{13 14 15 16} Kuna dzinza laAroni, nyantsembe, wadamupasa Hebromi nakwauswira kwatche, kuti likhali luwani lakuwalira kuna weneule kuti anaulaya nyauyatche nkhabe mulandu, ese Libna nakwaku uswira kwatche, Djatiri nakwaku uswira kwatche futi Estemowa nakwaku uswira kwatche.