Kunza 16
1
Dziko lidagawanisiwa mutupo waZuze lidatambarara kubudira Djorodani kuswikira Djeriko, kumabudiradzuwa kw Djeriko, napa rusare kuti lirikukwira Djeriko, kumabudiradzuwa kudabalirha Djeriko, naparusare kuti lirikukwira kuDjeriko napamusana wamutunhu wabango laBeteli.
2
Kubudira Beteli kuswikira Tchiezera ese yakhapinda namutunhu wa arkita kuswikira Atarote.
3
Napenepo, yakhadzika kwendera kumadokera dzuwa kuswikira dziko lawa djafletita, kuswikira dziko laBete-Horomi mudoko, kuswikira Gezer, yatchienda kaperera kubala.
4
Nadyali, mitupo yaZuze, Manase na Efraimi wadatambira nhaka zawo.
5
Mutunhu wamutupo waEfraimi udagawanisiwa zvinapindirana na madzinza yawo ninga zvinatewera: malire yanhaka yatche kumabudira dzuwa yakhaenda kubuda Atarote-Adar kuswika Bete-Horomi mukulu,
6
ese, kubuda penepo, yadaenderera kuswika ku bala. Kubuda Mikimeta, kudzaulu, yakhazungunuka kumabudira dzuwa kuswika Tanate-Silo ese, yatchipinda panaiye, kumabudira dzuwa kwa Djanowa;
7
Ese kubuda Djanowa yakhadzika kuswika Atarate na Narata, futi yakhaswika kuDjeriko, yatchigumira Djorodani.
8
Kubuda Tapuwa, malire yakhathasamuka kwenda kumadokera dzuwa kuswika kumukulo waKhenani ese utchigumira mu bala. Iyi ndiyo nhaka yamutupo waEfraimi, ninga zvinaenderana na dzinza lawo,
9
pabodzipo namaluwani kuti yadasankhuliwa kuna mutupo waEfraimi kuti ukhali pakati panhaka yamutupo waManase, yense maluwani, nadyali ninga mavila yawo.
10
Iwo hawalibe kuthamangisa wakhenani kuti wakhalalama kuGezer; napenepo, wakhenani wadagala watchilalama pakati pawa efraimi kuswikira ntsiku yanyamuntsi; nazvinezvo, watchibatiska basa lantsimba.