¹ Dziko lidagawanisiwa mutupo wawana waDjuda, zvinaenderana namadzinza yawo, yakhabudira kunyantsi kuswikira kumalire naEdomi, narusere laZimi nantsongwa yakukhundu lakunyantsi. ² Malire yatche yakunyantsi yakhaenda kubudira ntsongwa yabala Lamunyu, pantsuwa kuti ikhada khonera kunyantsi, ³ ikhadathasamuka kwendera kunyantsi kuswikira thuku laAkrabimi ese idaendera kumberi kwa Zimi; itchikwirira kunyantsi kwa Kadesi-Barenia, itchipinda napa Hezromi, futi itchikwira kuswika kuAdari ese itchizungunukira kuKarka. ⁴ Itchipinda kwendera kuAzimomi, itchiswika kumukulo waDjipita ese itchipezerera ku bala. Aya yakhali malire kukhundu lakunyantsi. ⁵ Malire yakumabudira dzuwa kuswikira ku bala Lakunyu kuswika pamatho yaDjorodani. Malire yakudzaulu yakhaenda kubudira pantsuwa yabala kuswikira pamatho yaDjorodani. ⁶ Ese ikhawira kuswika Bete-Hogla, itchipinda napakati pakudzaulu kwa Bete-Araba. Napenepo, idakwira kuswiira kumawuwe yaBoani, mwana warubeni. ⁷ Nadyali, malire yakhaswika kuDebiri, kuswikira mukolonga waAkori, ese ikhaenda kudzaulu, mhimha yaku Gilgali, kuti ikhali kumberi kwa mukolonga waAdumimi, kuti ikhagala kukhundu kwmukolonga wakunyantsi. Kubudapenepo, malire yakhaenderera kumberi paEn-Semesi ese ukhaenda kuswika En-Rogel. ⁸ Napenepo, malire yakhakwira kuswika kumukolonga wa Ben-Himon kukhundu lakunyantsi laluwani lawa Jebuzeu (kuti ndi Djerusalema), ese ikhakwira kuswika padzaulu pabango kuti likhali kumberi kwamukolonga waHinomi, kukhundu lakumadokera dzuwa, kumhera kwa mukolonga wa refainzi, kudzaulu. ⁹ Malire yakhatambarara kubudira pakati mamikolonga kuswikira mutchera waNeftoa ese, kubuda kweneko, yakhaenda kumaluwani yabango Efromi. Napenepo, malire yakhatambarara kuswikira kuBaala, izvi ndizvo, Kiriate-Djerimi. ¹⁰ Kubudapenepo, malire yakhazengulira kumadokeradzuwa kwa Baala kuBango Seiri, futi yakhapinda napakati pakukhudu kwa bango Djearimi kudaulu, izvi ndizvo, Kezalomi, yatchidzika kuBete-Semesi ese yatchipinda napakati paTimna. ¹¹ Malire yakhaenda kukhundu lakudzaulu kwa mukolonga waEkroni, ese napenepo yakhakhonera kuSikeromi futi yakhapida nakumberi kwa bango Baala, kwatche akhaenda Djabnel. Malire yakhaperera kubala. ¹² Malire yakumadokera dzuwa likhali bala Likulu futi na mherera yatche. Aya ndiyo malire mukhundu mwa mutuo waDjuda, dzinza na dzinza. ¹³ Ninga mutemo wa Yahweh kuna Djochuwa, Djochuwa adapasa Kalebe, mwana waDjefone, khundu linango lamataka pakati pamutupo waDjuda, Kiriate-Arba, kuti ndi Hebromi (Arba akhali baba waAnake). ¹⁴ Kalebe adathamangisa penepo wana watatu wa Anake: Sezai, Aimani naTalmai, dzinxza la Anake. ¹⁵ Iye adakwira kweneko sososo na walalami waDebiri (dzina la Debiri likhali Keriate-Seferi). ¹⁶ Kalebe adalanga: "munhu kuti anaphaya Kiriate-Sefer ese atchiritola, kuna uyu ndinadzamupasa Aksa, mwana wangu, ninga mukadzi". ¹⁷ Otinieli, mwana waKenazi, kulongoti wa Kalebe, adatola. Napenepo Kalebe adapasa kuna iye Aksa, mwana watche, ninga mukadzi. ¹⁸ Kumasure, patche Aksa adaenda kuna Otinieli, iye adamukumbira kuti akumbire munda ubodzi kuna baba watche. Patche iye adathatha padonki watche, Kalebe adamubvunzisa: "Ntchanyi tchako ukuda?". ¹⁹ Aksa adamudaira: "Ndibongererewo. Ninga kuti iwe wandipasa dziko laNeguebe, ndipewo mitchera inango yamadzi". Ese Kalebe adamupasa mitchera mikulu na midoko. ²⁰ Iyi ndiyo nhaka yamutupo wadjuda, ninga madzinza yawo. ²¹ Maluwani kuti ngamitupo yaDjuda kukhundu lakunyantsi kwendera kumalire na Edomi, yakhali: Kabizeli, Ederi, Djagari, ²² Kina, Dimona, Adada, ²³ Kedesi, Hazor, Itinani, ²⁴ Zife, Telemi, Bealoti. ²⁵ Hazor-Hadada, Keriote-Hezrom (inadziwikawo basi ninga Hazor), ²⁶ Amani, Sema, Molada, ²⁷ Hazar-Gada, Hesmoni, Bete-Pelete, ²⁸ Hazar-Suwal, Berseba, Biziotia. ²⁹ Balani, Limi, Ezemi, ³⁰ Eltolade, Kezil, Horma, ³¹ Ziclague, Madmana, Sansana, ³² Leboate, Silimi, Aimi, na Rimomi. Yakhali, paentse, makhumi mamairi na mapfemba yamaluwani, kukhanhiza natinango timavi. ³³ Ku mutunhu wamabango yakudzikadzika yakumadokera dzuwa, kukhana Estaoli, Zora, Asna, ³⁴ Zanowa, En-Ganimi, Tapuwa, Ena, ³⁵ Jarmute, Adulawo, Soko, Azeka, ³⁶ Saraimi, Aditaimi, Djedera (kuti ndi, Djederotaimi). Yakhali maluwani khumi namanai, kukhanhiza namavila yawo. ³⁷ Zena, Hadaza, Midgali-Gade, ³⁸ Dileani, Misipa, Djokteli, ³⁹ Lakisi, Bozikate, Eglomi. ⁴⁰ Kabomi, Lamasi, Kitilisi, ⁴¹ Djederote, Bete-Dagomi, Namani na Makeda. Yakhali maluwani khumi namatanhatukukhamhiza namavkila. ⁴² Libna, Eteri, Asani, ⁴³ Iftani, Asina, Nezibe, ⁴⁴ Keila, Akzibe na Maresa. Yakhali maluwani mapfemba, kukhanhiza na mavi yatche. ⁴⁵ Akromi, namaluwani yatche na timavila mukhundu, ⁴⁶ mwa Akromi kubala likulu, wentse watchikhalisano watche kuti wakhali paduze na Azdode, kukhaniza natimavila tatche. ⁴⁷ Azdode, na maluwani na natimavila mukhundu, Gaza, namaluwani yatche natimavila, mumukulo waDgipita, ese bala likulu namherera yatche. ⁴⁸ Kumutunhu wamabango, Samir, Djatiri, Soko, ⁴⁹ Danani, Kiriate-Sanani (Izvi mdzivo, Debiri), ⁵⁰ Anabe, Estemo, Animi, ⁵¹ Gozeni, Holomi na Gilo. Aya yakhali maluwani khumi nalibodzi, kukhanhiza, natimavila tatche. ⁵² Arabe, Duma, Ezani, ⁵³ Djanimi, Bete-Tapuwa, Afeka, ⁵⁴ Hunta, Kiriate-Arba (izvi ndizvo, Hebromi) na Zior. Aya yakhali maluwani mafpemba, kukhanhiza natimavila tache. ⁵⁵ Mawomi, Kermelo, Zife, Djuta, ⁵⁶ Djeziraeli, Djokdeawo, Zanowa, ⁵⁷ Kaimi, Gibeani na Timina. Aya yakhali maluwani khumi, kukhanhiza natimavila tatche ⁵⁸ Haluli, Bete-Zuri, Gedori, ⁵⁹ Marate, Bete-Anote na Eltokomi. Aya yakhaki maluwani manhatu, kukhanhiza natimavila tawo. ⁶⁰ Kiriate-Baali (kuti ndi, Kiriate-Djerimi), na Rabani. Yakhali maluwani mairi, kukhanhiza na vila yawo. ⁶¹ Murusere, yakhali Bete-Arabani, Midimi, Sekaka, ⁶² Nibsani, luwani lamunyu, na En-Gedi. Yakhali maluwani matanhatu, kukhanhiza namavila yawo. ⁶³ Napenepo, kumitupo yajebuzewu, walalami waDjerusalema, mutupo wadjuda hawaiti kuti awabudise. Nadyali, wa jebuzewu wadalalama namutupo wa Djud kuswikira ntsiku yanyamuntsi.