¹ Bushe kanshi findo twingalanda?Bushe tukonkanyepo fye ukulekucita amasambi pakuti Icikuuku cakwa Lesa cibeko pamulu? ² Awe tekuti cibe ifyo fwebo fwebali abakufwa ku masambi,Bushe kuti twatwalilila shani ukwikala mulibo? ³ Bushe tamwa ishiba ukweba ati fwebo fwebabatishiwa muli kristu yesu twalifwa naye pamo mulubatisho? ⁴ Twalishibikilwe,eluntu nokufwa naye pamo mulubatisho.Ala cacitikile pakuti filyafine kristu bamubushishe kubafwa nobukata bwakwa Wishi, efyo nafwe tuleenda nomweo uupya. ⁵ Apo twalyampana na Kristu mukfwa pamo naye, ifi fine efyo tukampana naye mukushikuka nga filya fine naye ashikukile. ⁶ Twalishiba ukuti ubuntu bwesu ubwale bwalitanikwa pamo na Yesu pa musalaba epakuti ubuntu bwesu ubwatekwa namasambi bonaike.Nefi fyali citikile pakuti twiba abasha bamasambi nakabili: ⁷ Pantu umuntu nga afwa nishi alubuka kubusha bwa masambi. ⁸ Nomba apo twalifwa na Kristu, twalisumina nokuti kanshi nafwebo tukaba abomi pamo pene naye. ⁹ Twalishiba nokuti apo Kristu alishikuka kubafwa , takatale akafwe nakabili ; imfwa tayakwata amaka pali ye. ¹⁰ Ulo afwile afwilile pamasambi yesu, afwa fye umuku umo calipwa nokupwa. Nomba, aba uwabumi, Ni Lesa ewa mulenga ukubo uwabumi. ¹¹ Mumusango umo wine , efyo namwebo bene muleimwena ukuti mwalifwa kulubali lwesambi, nomba, mwalekwikala abomi kuli Lesa mukaba pamo na Kristu Yesu. ¹² Eico kanshi mwilakuleka amasambi yalekuteka imibili yenu iyinakufwa elo kabili mwila kukonkelela ulunkumbwa ulubi ulwa mibili yenu. ¹³ Mwilakuleka icilundwa nangu cimo icamumubili wenu ukuya mukulufyanya ukucicita icibombelo camasambi. Nomba mulekwiitula kulu Lesa nokulaimona nga bantu abo Lesa abusha kubafwa nokubapela umweo , elo mulekutula ifilundwa fyonse ifya mibili yenu ukuba ifibombelo fyakulekucitilako fyonse ifyo Lesa afwaya. ¹⁴ Mwileka amasambi yamiteke imfine. Pantu mwebo tamutekwa na mafunde yakwa Mose iyo. Nomba icikuku cakwa Lesa ecimiteka. ¹⁵ Bushe kanshi tucite shani ? bushe pantu tatutekwa namafunde yakwa Mose, nomba tutekwa necikuku cakwa Lesa bushe eco twingalekucitila amasambi ? Awe tekuti cibe ifyo. ¹⁶ Bushe uluntu mwaipele ukubombela umuntu nga abasha , ninshi muli basha bauyo muntu mulenakila ?Limbi kuti mule nacila isambi , ilikamitwala kumfwa , nangu ukuba abasha bacumfwila , ico icitwala mukucita ico Lesa fwaya . ¹⁷ Nomba kanshi natotela Lesa! Pantu mwali abasha ba masambi, nomba mwalikonka mu mitma yenu amashiwi yakwa Lesa ayantu bamisambilishe. ¹⁸ Mwe nomba mwalipusuka kumasambi, elo nomba muli basha bakucita ubulungami. ¹⁹ Nalanda amashiwi yakubuntunse pantu muli bu muntu bwenu mucili abakunaka. Pantu filya fine mwaipele imibili yenu kubusha bwakulekucita ifyakubipa elo nefya bubi, ifyo fine efyo mupele imibili yenu kukulekucita ifyabune pakuti mube aba mushilo. ²⁰ Pantu uluntu mwali abasha bamasambi, tamwalikusakamana ukucita ifyo Lesa afwaya. ²¹ Pali ilya inshita, bushe nga findo mwalikumonamo mukucita ifyo fintu ifyalikumiletela insoni? Pantu ifitumbuka mukucita ifyo fintu nimfwa. ²² Nomba pantu mwalipusukako kucta amasambi elo nomba muli basha bakwa Lesa, mwebo mwalishuka ukuitula kuli Lesa nokuba abamushilo. Nefya tumbuka muli ifi mweo wa muyayaya. ²³ Pantu icilambu ca masambi nimfwa, nomba icabupe ica kwa Lesa mweo wa muyayaya muli Kristu Yesu Shikulwifwe.