¹ Nalimo bushe tamwaishiba, mweba munyinane(pantu Ndelanda ubaishiba ifyo amafunde yaba), ukuti npanshita iyo umuntu acili umutuntulu elyo akonka amafunde? ² Pantu kuti twamwena ku mafunde ya mwanakashi uwaupwa ekuti opwe ku mwaume umbi ulo umulume wakwe ali no mweo, nomba nga cakuti afwa, ninshi alekelelwa kwi fundem lya cupo. ³ Eico kanshi, ulo umwaume acili no mweo, nga cakuti aupwa ku mwaume umbi, bala mukuta ati mucende. Nomba nga cakutiumulume afwa, ninshi akakulwa kifunde lya cupo, ninshi tabakamukute umucende nga cakuti aupwa ku mwaume umbi. ⁴ Eico kanshi, mweba munyinane, mwebo nomba muli fiulndwa fyakwa kristu. Neci ifyo cabela ifi nipakuti mwebo nomba bantu ba uyu Kristu uo Lesa abushishe ku bafwa, pakuti, nafwe tubomble Lesa ifyabune. ⁵ Pantu uluntu twali nobuntunse, ulunkumbwa lubi, ulwalengelwe na mafunde yakwa Mose, yalitulengele ukuti tulekubomba fye ifya kutuletela imfwa. ⁶ Lelo nomba fwebo twalikakulwa ku mafunde yakwa Mose. Calipwlilila fye twalisha icatutekele ubusha. Neci ni mukutim lelo tulekonka umusango upya uwakwa Mupashi wa Mushilo, elo tatulebombela Lesa mukukonka amfunde aya lembelwe akale. ⁷ Nindo twingalanda kanshi? Bushe amafunde yakwa Mose emasambi yene? Tekuti cibe ifyo iyo. Lelo kwena, nga nshaishibile amasambi , ukwabula amafunde yakwa Mose. Pantu nga nshaishibile ulunkumbwa ukwakuba amafunde yakwa Mose ukulanda ati, ''Wilakukumbwa.'' ⁸ Nomba ni muli ici cebo emo amashiwi yalembwa nokundetela ulunkumbwa ulwakulekana lekana.Pantu ukwakubula amafunde yakwa Mose, tekuti kube amasambi. ⁹ Panshita imo nebo nali no mweo ukwakubula amfunde yakwa Mose, nomba uluntu amafunde yaishile kubako, amasambi yalitubukile, elo nebo nalifwile. ¹⁰ Kanshi icebo ico cine nebo icali nokumpela umweo ecandetela imfwa. ¹¹ Pantu amasambi yalibomfeshe icebo elo nokumbepaika. Kanshi ukupitila mu mafunde yalinjipaya. ¹² Eico kanshi amafunde yakwa Mose ya mushilo, elo necebo naco cine ca mushilo, icakulungama elo icabune. ¹³ Bushe ninshi calola mukuti icintu icabune ecandetela imfwa? Tekuti cibe ifyo. Nomba amasambi,eyanjipaya yabomfya icintu icabune,elo icbo citulanga ifyo amasmbi yabipisha. ¹⁴ Pantu bonse twalishiba ukuti amafunde yakwa Mose yakwa Lesa, nomba Nebo ndi muntu fye.Nalitekwa ubusha ku masambi. ¹⁵ Pantu fyo ncita, nteshiba nefyo nficitila. Pantu ifyo mfwaya ukucita, ntaficita, elo ifyo napata, efyo ncita. ¹⁶ Nomba nga cakuti nacita ntalefwaya, ndesumina ukuti amafunde yakwa Mose yabune. ¹⁷ Nomba kwene uuleficita, lelo amasambi ayaba mulinebo eyaficita. ¹⁸ Pantu Nalishiba ukuti mu buntunse bwandi, tekuti ncite icintu icabune. Pantu nebo nagu nafwaya ukucita ifintu ifyabune, nomba ndafilwa ukuficita. ¹⁹ Pantu ifintu ifyabune ifyo mfwaya ukucita, ntaficita, nomba ifyabubi ifyo ntafwaya efyo ncita. ²⁰ Nomba nga nacita ifintu ifyo ntalefwaya ukucita,ninshi ntali uuleficita, nomba amasambi ayekala muli ne eyalecita ifi. ²¹ Kanshi, lyonse ificitika nifi, lyonse ulo mfwaya ukucita ifyabune, nsangana ndecita icabbi. ²² Nalitemwisha amafunde yakwa Lesa mu mutima wandi. ²³ Nomba umubili wandi unkoselesha ifyakupusana. ici ecalenga ukuti amashiwi ayaba muli nebo yalinteka ubusha. ²⁴ Nebo ndi mulanda winewine! Ninani ukampokololako kuli uyu mubili uulentwala mu mkufwa? ²⁵ Nomba ndetotela Lesa muli Yesu Kristu Shikulwifwe. Eico kanshi, Nebo nemwine ndabomba amfunde yakwa Lesa mu mano yandi. Nangu line muli bu muntu bwandi bufwaya ndekubomba na mafund yamasambi.