¹ Cali ulo Apoilos ali mu Korinti, Paulo apitile mumisansama ya calo no kufika mu Efeso, elo asangile abasambi kulya. ² Na Paulo alandile kulibo ati, ''Bushe mwalipokelele mupashi wamushilo uluntu mwasumine?'' Nabo balandile kuli yee, ''iyo , tatwabala atumfwa palwa mupashi wamushilo .'' ³ Paulo alandile, ''Nimunshi umo mwabatishiwilwemo?'' Nabo balandile ati, '' Mulubatisho lwakwa Yoani.'' ⁴ Elo Paulo abebele ati, '' Yoani amubatishe mulubatisho lwakulapila . Aebele abantu ukusumina uleisa kumukonka panuma yakwe, noyo ni Yesu .'' ⁵ Ulo abantu baumfwile ifi, balibatishiwe mwishina lya mfumu Yesu. ⁶ Nomba ulo Paulo atambalikile amaboko palibo, umupashi wamushilo waishile palibo kabili batampile ukulanda indimi shimbi elo no kusesema. ⁷ Nabonse pamo bali nakalimo abaume ikumi limo na babili. ⁸ Paulo aile mwisunagoge aalikulanda na bantu mukushipa pamyeshi itatu, Alikufwaya banakile ubufumu bwa kwa Lesa. ⁹ Lelo bali abakosa imitima bakana no kusumina, batampile ukulanda ifyamusalula pamenso yamabumba.Awe Paulo alibashile no kuya nabasambi, alelanshanya nabo cilakasuba mwi sukulu lya turani. ¹⁰ Neci casendele imyaka bili, pakuti bonse abekashi ba mu Asia bomfwe icebo cakwa Shikulu, aba Yuda naba Griki. ¹¹ Lesa alikucita muminwe yakwa Paulo ifisungusho fyakupapa, ¹² elo pabalwele balwele ifitambala nensalu shakumine kumubili wakwe na balwele balipolele nemipashi yakowela yalifumine mulibo. ¹³ Lelo ibumba lyaba Yuda bakasukula wafibanda lyali kupita cilamush. Balikwita pe shina ilyakwa Yesu pakuti ''bakwate amaka yakutamfishamo imipashi ya kukowela uuntu Paulo alikulanda no kweba ukufuma'' ¹⁴ Shimapepo mukalamba wa ci Yuda shina lya Sceva, aalikwete abana cine lubali abalikucita ifi. ¹⁵ Umupashi wakowela walibasukile , ''Yesu nalimwishiba, elo Paulo nalimwishiba, iwe niwe nani?'' ¹⁶ No muntu umwali umupashi wakowela alibemine elo alibacimfishe nokubapuma basuka bafulumuka abwamba mung'anda elo abacenwa. ¹⁷ Calishibikwe kuli bonse , abekashi bamu Efeso nakuba Yuda naba Griki. Nomwenso walibekete, elo elo neshina lyakwa shikulu Yesu lyalicindamikwe. ¹⁸ Nabengi, bamusumine baleyako baletumbula elo no nokulumbula imicitile yabubi. ¹⁹ Nabengi abalekucita amalele batwele ifitabo no kufyoca pamenso ya bantu. Elo bapendele umutengo wayako , no kusanga ulupiya amakana amakumi yasano. ²⁰ Efyo icebo cakwa Lesa casalanganine monse mumaka. ²¹ Awe panuma Paulo apwishishe imilimo mu Efeso, apangile mumupashi ukupila ku makedonia na Achaia ukulola ku Yerusalemu, alandile ati, '' panuma yakuba kulya mfwile nayabona Roma.'' ²² Paulo atumine babili abalemupyungila ku Macedonia, Timote elo Erastus. Nomba aikele mu Asia panshita inono. ²³ Awe panshita ilya kwaponene icimfulunganya tecinono pamulandu wanshila. ²⁴ Pantu kafula wafiifere inshina lyakwe Demetrius, uwalekupanga utulubi twa sifere utwa ku Artemis aletele amakwebo ayengi kuli bakfula. ²⁵ Nomba alonganike ababomfi bakafula bamuli ilya cende elo alandile, '' Mwebaume namwishiba ukutila muma kwebo aya tulapanga indalama ishingi. ²⁶ Namubona elo nokumfwa ukuti, temu Efeso mweka, nicikangafye ukushinguluka Asia, uyu Paulo nanasha elo nokusangula abantu abengi. Alelanda ati imilungu yapangwa neminwe temilungu iyoo. ²⁷ Nomba iciletinya nici cakuti, umulimo wesu abantu bakausuula. Elo ne tempele lya mulungu wesu uwanakashi Atemi bakausuula, nobu cindami bwakwe bukasaulwa. untu bonse abena Asia nesonde lyonse bapepa.'' ²⁸ Uluntu baumfwile ifi baiswilwemo ubukali, elo balapunda ati, '' Atemi mukulu wabena Efeso.'' ²⁹ Umusumba onse waiswilwemo icimflunganya, elo nabantu bonse babutukile netontonkanyo ku ng'anda yafyangalo. Baikata abana kwe Galus na Aristarchus abaleenda na Paulo abafumine ku Macedonia. ³⁰ Paulo alikufwaya ukwingila mwibumba lya bantu, lelo abasambi bamukanya. ³¹ Kabili abakalamba bamutumina amashiwi yakumupapata ukuti eyaingila mung'anda ya fyangalo. ³² Bamo abantu balikupunda icintu cimo , bambi nabo fimbi. Ico amabumba yali mucimfulunganya. Nabamo tabaishibile nefyo basangilwe pamo. ³³ Kabili bamo abamwibumba , balakoselesha Alekisanda uuntu aba Yuda balemusunkila kuntanshi. Naye Alekisanda aalabatalalika kukuboko,akofwaya ukuipokolola. ³⁴ Elo cilya baaishiba ukuti mu Yuda, bonse balapunda pansa shibili neshiw limo, '' Uwacilapo umukalamba ni Atemi uwa mu Efeso.'' ³⁵ Elo kalemba wamumusumba atalalika iibumba alandile ati, '' Imwe mwebena Efeso bushe nani umuntu uutaishiba ukuti umusumba wabena Efeso eekalinda wa ng'anda yakwa Atemi mukulu kabili eba kalinda w cilubi ca ponene ukufuma mumulu. ³⁶ Ifi fintu tafili fyakutwishika iyoo, kanshi tekenifye imitima mwicitapo nagula cimo. ³⁷ Apo muletele aba bantu kuli cino cilye abashibila nangu cimo mu ng'anda yakwa Atemi nangu ukutuka Lesa wesu. ³⁸ Eico, Dimetile nabankwe ngabali no mulandu noo muntu, ifilye fyamilandu eko fili na bakapingula ekobali. Kanshi lekeni abene umunankwe no munankwe baipele umulandu. ³⁹ Nomba ngapalipo umulandu umbi, kuti waya kupinwilwa ku cilye cabeena musumba. ⁴⁰ Cacine kuti twapelelwapo umulandu pakubuusha intulubundi lelo. Tapali umulandu uubiilepo , elo tukafilwa no kulondolola.'' ⁴¹ Lilya apwa ukulanda ifi, asalanganya neebumba.