¹ Panuma ya ifi fintu Paulo afumine mu Athens no kuya ku Colinti. ² Kulya akumenye umu Yudaishina lyakwe ni Aquilla, icifyalilwa cakwe mwina Ponti. Uyo ilyo line elyo afumine ku Italy no mukashi wakwe Priscilla. Pantu Claudius apele icipope kuli bonse aba Yuda ukufuma mu Roma. Paulo aile kuli bo, ³ pamulandu wakuti alebombela pamo nabo muma kwebo, aikele nabo no kubombesha, pantu bali nibapapanga wama tenti ebukwebo bwabo. ⁴ Lelo Paulo alelanshanya mwisinagoga, cile sabata, ukwesha ukuwikisha aba Yuda na bena Hela. ⁵ Nomba Sila na Timote abaishile ukufuma kumaCedonia, Paulo aipeleshe umwine ku cebo, Aleshimikisha kuba Yuda ukuti Yesu ena e Kristu. ⁶ Nomba ilyo aba Yuda basushishe no kutuka, Paulo akuntile amalaya yakwe pali bo nokulanda kuli bo,'' Lekeni umulopa ube pa mitwe yenu; Ine ndi wakaele. Ukufuma ili line ndeya kubena fyalo. ⁷ Apopene afumine kulya aile ku ng'anda yakwa Titus Jestus. Umuntu uwaleshinshimuna Lesa. Ing'anda yakwe yali mupepi ne sinagoga. ⁸ Grispus, intungulushi ye Sinagoga, acetekele muli shikulu pamo fye na bonse aba mung'anda yakwe; na bengi abamu Kolinti abaumfwile pali ifi bali cetekele elyo no kubatishiwa. ⁹ Shikulu alandile kuli Paulo ubushiku mucimonwa,'' witina, sosa kabili wiba uwatalala. ¹⁰ Pantu ndi naiwe, kabili tapali nangu umo uwakulait ububi, pantu na bantu abengi muli uno musumba.'' ¹¹ Paulo aikele kulya umwaka umo ne myeshi mutanda, ukufunda icebo cakwa Lesa mukati kabo. ¹² Nomba ilyo Galio ali umulashi mu Achaio aba Yuda baimine ne tontonkanyo limo pali Paulo no kumuleta ena kucipuna cabupingwilapo, ¹³ bonse balandile, ''uyu muntu alanashanasha abantu ukushinshimuna Lesa ici sha suminishiwa mwifunde.'' ¹⁴ Awe ilyo Paulo acili talasosa, Galio alandile ku ba Yuda, ''Imwe mwe ba Yuda , nga cakuti musango wakuluba nangu mulandu wabunake, ici cili ica lolamo ukumibombelapo imwe. ¹⁵ Pantu nomba ifi mepusho pa fyebo na mashina elyo ne funde lyenu, fiwamyeni mwebene. Ine inshili uwa kabila ukuba kapingula pali aya mafya. ¹⁶ GAlio abapangile bo kusha isipuna cabu pingushi. ¹⁷ Elyo baikete Sostens, katungulula we sinagoga, no kumuma mulwa lolalwa cipuna ca kupingwilapo. Nomba Galio ta sakamene ifyo bacitile. ¹⁸ Paulo, panuma yakwikala kulya panshiku shimo ishingi, ashile bamunyina no koba ukuya ku Syria na Priscila na aquila. Libe tala fuma pa cabu, Cenchrea, abeyele imishishi yakwe pamulandu wamulapo uyo apangile. ¹⁹ Ilyo baishile ku Ephesus, Paulo ashile Priscila na Aquila kulya, lelo ena umwine aile kwi Sinagoga nokulanshanya naba Yuda. ²⁰ Ilyo baipwishe Paulo ukwikala inshita iitali. ena alikene. ²¹ Lelo atendeke ubulendo atedeke ubulendo nokubasha bonse. Ena alandile, '' Ine indi nokubwela nakabili Nga cakutila kufwaya kwa Kwa Lesa.'' Eico aninine baobele ukufuma ku Epheso. ²² Ilyo Paulo bashikile ku Kaisarea, aninine aile mukuposha ulukuta lwa mu Yelusalemu elyo kabili atentemukile ku Antioch. ²³ Panuma yakupwa inshita ntali kulya, Paulo afumine no kuya ukupita mu calo ca Galatia na Phrygia no kukoselesha bonse abatumwa. ²⁴ nomba umo umu Yuda iuweshina lya, Appolos, uyo mukufyalwa mwina Alexandria, aishile ku Ephesus. Ena ali ninkolokolo mukusosa na mukwishiba amalembo. ²⁵ Apollos ali uwa nkanshiwa mukufundisha kwakwa shikulu. Ali uwailuka mu mupashi, alesosa nokufunda ukwatambalala pa fintu ifyali fyakwa Yesu, lelo aishibe fye ulubatisho lwa kwa Yoani. ²⁶ Apollos atampile ukulanda mukushipa mwisinagoga. Lelo ilyo Prisicila na Aquila baumfwile, ba musendele pambali nokumulondolwela inshila yakwa Lesa ukucilapo kutambalala. ²⁷ Ilyo apangli ukuyapita ku Achia, bamunyina bamukoseleshe no kulemba bkuba tumwaba mu Achia ukumupokelela. Ilyoafikile, Enaalyafwilishe pamaka abo aba cetekele mukusenaminwa. ²⁸ Apllos mumaka alanasha aba Yuda mukulanshanya ukubalanga mumalembo ukutila Yesu e Kristu.