¹ Sô ê ra ma whã sabaru, ola Ê letxa lêtu kay whã sefi farizeu pa Ê mé mpó, ané ta ka pié buaru. ² Sô whã omé kata ka padisê yô demonó whê rê! ³ Jizu punta ané mesé alê zurê ku farizêu: Sê ka kundji kula sabaru inga! ⁴ Mazi ané kaboka. Anto Jizu tué, kulé sô mandé bêrê. ⁵ Sô fa ané! Kuali sê ma ná rê ô buê rê ma ê ka txié whã ria sababaru wha! na ka ba bê whã whêlemé sê ka bé ba txié nha, sabaru é mé! ⁶ Ku kué, ané ka pô kundji wha. ⁷ Ola Jizu bê mora nkênu ma a kuvira ba whã fesa ta ka koyê whã baku buaru, ê tanga ané whã vesu ka fa. ⁸ Ola a ka kuvira ô ba whã fesa kazamentu, na taso nga buaru wha, punda nkênu masi tximaru rokê ô kapoi sa kuviraru. ⁹ Pa ê na ra, ma nkênu ku kuvira ô kué, ka bi fa ô: Ré nga. Sô ku vegonha, sela bô taso méma. ¹⁰ Sô mora, si a kuvira, ba taso méma, pa ola nkênu si kuvira ô ka bi fa ô,: taso nga masi buaru. Anto a ka ngaba ô masi buaru whê turu kuviraru, ¹¹ Punda turu nkênu ku ka zanga ka sa kosi sô turu nkênu ka sa kosi ka bi zanga. ¹² Jizu tô fa omé ku kuviré: Ola bô ka ra whã janta ô seia na kuvira migo ô, ô ná mon ô, né famila ô, né vindja ô liku, pa ê na kuvira ô mora é mé sô paga ô, mora é mé. ¹³ Ôtô mora ma ô ka zi whã fesa, kuvira plobi, lezaru, mankêlê, ku ségu. ¹⁴ Sô bênsuaruaru, punda ané na tê ku paga ô wha. a ka bi paga ô ria ma zustu ka tô kora. ¹⁵ Ola ma ndê kua é whã nkênu ku ta ku Jizu meza, fa: Buaru sa nkênu ku ka mé mpo Lênu Dêsu! ¹⁶ Jizu, tô kundji: Whã omé zi whã sêia ngairu kuvira yô nkênu. ¹⁷ Ola sêia é, ê manda ná kia ba na fa ané nkênu ma kuvira: Bi punda turu kua sa né za. ¹⁸ Mazi turu, ané sê koiê, komesa ka sukusa. Pumbêlu faré: Ân kopa whã mevia sô un mêsê ba pié. zi fêvôlô, pora un. ¹⁹ Ôtô fa. ãn kopa tano junta buê nga bé ba pê. zi favôlô pora un. ²⁰ Ôtô tô fa anda: kansa, manda na ka pô bé wha. ²¹ Ná kia vutu ka sô fa turu kuê é ra mesé rê. Anto Sun kay é xatia, fa ná kia rê: Siê seru ba lua kiba posó, biku atê ingé turu plobi, turu lezaru turu segu zi ané letxia: ²² Ná kia fa: Sun kua ma Ô manda un zi zié za nga sai lugé ainda. ²³ Sun fa ná kia rê: Ba mondja viela obliga nkênu letxia, pa kay sa siaru. ²⁴ Ân nga fa ô ku ma né whã nkênu ma kuvira na ka pova sêia un. ²⁵ Djingi nkênu Lêlê. Sô Jizu bila fa: ²⁶ Si nkênu ka bi sô lêlê Ãn sô na kontê popi tata rê, mama rê, mengai rê, ná rê, manu rê, mana rê sô atê popi vira rê, ê na ka pô sa mêlu rê wha. ²⁷ Nkênu si ku na kega kusu rê popi, sô lêlê Un wha na ka pô sa mêlu Un wha. ²⁸ Sô kuali sê mêsê zi whã toli, pimelu na ka tasó zi konta lêlu sô pia si ê tê pê tô pê txo né. ²⁹ Pa ê na ra ma ê pê ngundji sô ê na poi loké, turu nkênu ku bê kua é zié mangason, ka fa: ³⁰ Omé komesa ka zi kay sô na poi loke wha. ³¹ Ô kuali alê ku siê ba peza ku otô alê, na ka taso pidelu pê pia si ku dsi mili omé, ka peza ku otô alê ku ka bi ku vitxa mili omé! ³² Sô si ê na ka poi wha, ma otô soré sa londji anda, ê ka manda whã gupu ané ba pindji pazi. ³³ Asié kua kuali nkênu katxi sê ku na turu kua ma ê tê whã ka poi sa nkênu un. ³⁴ Salu sa lua, mazi, si salu ka pendê ngosô mê ka poi sa buaru. ³⁵ Ê na ka bua né ra mavu né ra arubu wha a ka zugé ta. Nkênu ku tê oria ndê ka ndê.