¹ Ngalawo malanga kweta Johane uMbhabhatisi ashumayela ehlane laseJudiya atsi, ² ''Phendvukani, ngoba umbuso welizulu sewusondzele.'' ³ Ngoba lona nguye abekhuluma ngaye umphrofethi Isaya, nakatsi, ''Livi lalomemete kuphuma ehlane, 'Lungisani indlela yeNkhosi, yentani tindlela takhe ticondze,'' ⁴ Johane abegcoka imphahla yeboya belikamela nelibhande lesikhumba elukhalweni lwakhe. Kudla kwakhe kwakutintsetse neluju lwesiganga. ⁵ Ngako iJerusalema, iJudiya yonkhe, nabo bokhe labangaseveni lelingaseMfuleni iJordane baphuma baya kuye. ⁶ Babhajatiswa nguye eMfuleni iJordane, bavuma tono tabo. ⁷ Kepha uma abona labanyenti bebaFarisi nebaSadusi betakuye kutobhabhatiswa, watsi kubo, ''Wena ntalo yetinyoka, ngubani lokwecwayisile kutsi ubalekele lolulaka lolutako? ⁸ Vetani titselo letifanele kuphendvuka. ⁹ Ningacabangi kusho emkhatsisini wenu nitsi, 'Sinaye Abrahama babe wetfu.' Ngoba ngitsi kini Nkulunkulu angamvusela Abrahama bantfwana kulamatje lawa. ¹⁰ Lizembe selivele libekiwe kumelana netimphandze tesihlahla. Ngako sonkhe sihlahla lesingakhiciti titselo letilungile sijutjwa phasi sijikwe emlilweni. ¹¹ Nginibhabhatisa ngemanti kube kuphendvuka. Kepha lona lota emvakwami unemandla kunami, mine angikafanelwa ngisho kuphatsa tincabule takhe. Utanibhabhatisa ngaMoya Longcwele nemlilo. ¹² Sitja sakhe sekwela sisesandleni sakhe uyawushanyelisisa siyilo sakhe sekwela abutsise emabele endlini yekugcina. Kepha utawushisa emakhoba ngemlilo longeke acishe.'' ¹³ Wase Jesu uyeta achamuka eGalile aya kuloMfula iJordane kutobhabhatiswa ngu Johane. ¹⁴ Kepha Johane abezama kummisa, atsi, ''Ngidzinga kubhabhatiswa nguwe, ute kimi wena?'' ¹⁵ Jesu waphendvula watsi kuye, ''Kuvumele nyalo, ngoba kukahle kutsi tsine sigcwalise konkhe kulunga.'' Wabese Johane wamvumela. ¹⁶ Emvakwekuba abhabhatiswe, Jesu waphuma ngaleso sikhatsi emantini, futsi bheka, emazulu abemvulekele. Wabona Moya waNkulunkulu eta phasi njenge lituba ehlela etikwakhe. ¹⁷ Bheka, liphimbo lachamuka liphuma emazulwini litsi, ''Lena yindvodzana yami letsandzekako. Ngijabula kakhulu ngaye.''