¹ Lencwadzi yemlandvo wekutalwa kwaJesu Khristu, indvodzana yaDavide, indvodzana yaAbrahama. ² Abrahama abengubabe wa Isaka, na Isaka babe wa Jakobe, na Jakobe babe wa Juda nebanakabo. ³ Juda abengubabe wabo Pheresi na Zara nga Thamari, Pheresi babe wa Hesroni na Hesroni babe wa Ramu. ⁴ Ramu abengubabe wa Aminadaba, Aminadaba babe wa Nasoni, Nasoni babe wa Salmoni. ⁵ Salmoni abengubabe wa Bowazi nga Rahabi, Bowazi babe wa Obedi nga Ruthe, Obedi babe wa Jese. ⁶ Jese abengubabe wa Davide inkhosi, Davide babe wa Solomoni ngemfati wa Uriya. ⁷ Solomoni abengubabe wa Rehobhowami, Rehobhowami babe wa Abiya, Abiya babe wa Asafa. ⁸ Asafa abengubabe wa Josafati, Josafati babe wa Joramu, na Joramu mkhulu wa Uziya. ⁹ Uziya abengubabe wa Jothamu, Jothamu babe wa Ahazi, Ahazi babe wa Hezekiya. ¹⁰ Hezekiya abengubabe wa Manase, Manase babe wa Amoni, na Amoni babe wa Josaya. ¹¹ Josaya abengumkhulu wa Jekhoniya nabomnakabo ngesikhatsi batfunjwa bayiswa eBhabhulona. ¹² Emva kwekutfunjwa bayiswa eBhabhulona, Jekhoniya abengubabe wa Sheyaltiyeli, Sheyaltiyeli abengumkhulu wa Zerubhabheli. ¹³ Zerubhabheli abengubabe wa Abiyudi, Abiyudi babe wa Eliyakimu, na Eliyakimu babe wa Azori. ¹⁴ Azori abengubabe wa Sadoki, Sadoki babe wa Akhimu, na Akhimu babe wa Eliyudi. ¹⁵ Eliyudi abe ngubabe wa Eliyezeri, Eliyezeri babe wa Mathani, na Mathani babe wa Jakobe. ¹⁶ Jakobe abengubabe waJosefa umyeni wa Mariya, ngalona lowatala Jesu, lobitwa ngaKhristu. ¹⁷ Tonkhe titukulwane letibuya ku Abrahama kuya ku Davide betilishumi nakune titukulwane, letibuya ku Davide kuya ekutfunjweni eBhabhulona titukulwane letilishumi nakune, nekuya ekutfunjweni eBhabhulona lishumi nakune titukulwane ku Khristu. ¹⁸ Kutalwa kwaJesu Khristu kwenteka ngalendlela lelandzelako. Make wakhe, Mariya, abesamiselwe kushada Josefa, kepha bangakahlangani, watfolakala kutsi ukhulelwe ngaMoya Longcwele. ¹⁹ Kepha Josefa, umyeni wakhe, abeyindvodza lelungile futsi akafunanga kumtsela ngelihlazo, ngako wacabanga kumlahla ngasese. ²⁰ Asacabanga ngaletintfo leti, kwavela ingelosi yeNkhosi kuye emaphusheni, itsi, ''Josefa ndvodzana ya Davide, ungesabi kutsatsa Mariya njengemfati wakho, ngoba lolokhulelwe kuye ukhulelwe nga Moya Longcwele. ²¹ Utawubeleka indvodzana, libito lakhe kutoba nguJesu, ngoba utosindzisa bantfu bakhe etonweni tabo.'' ²² Konkhe loku kwenteka kugcwalisa lokwakhulunywa yiNkhosi ngemphrofethi, atsi. ²³ ''Bheka, intfombi itawukhulelwa futsi libeleke indvodzana, libito lakhe nitawumbita Imanuweli'' -lokuhumushwe kutsi, ''Nkulunkulu unatsi.'' ²⁴ Josefa wavuka ekulaleni kwakhe wenta njengoba ingelosi yeNkhosi imtjelile, wamtsatsa njengemfati wakhe. ²⁵ Kepha akazange amati wate wabeleka indvodzana. Wase uyibita Jesu libito layo.