¹ Khumbula, Simakadze, lokwenteke kitsi; buka ubone lihlazo letfu. ² Lifa letfu seliguculwe lanikwa tihambi; tindlu tetfu kubetive. ³ Sesitintsandzane, labangenabobabe, futsi bomake betfu bafananiswa nebafelokati . ⁴ Kumele sibhadale lisiliva sibhadalele lamanti lesiwanatsako, futsi kumele sibhadale lisiliva kute sitfole tinkhuni tetfu. ⁵ Ngoba labo labeta emvakwetfu basedvutane natsi; sikhatsekile asikhoni kutfola kuphumula. ⁶ Sesitinikele kuma Gibhithe nema Siriya kute sitfole kudla lokwanele. ⁷ Bobabe betfu bona futsi abasekho, sesitfwale emacala abo. ⁸ Tigcila tiyasibusa, futsi kute namunye longasikhulula esandleni sato. ⁹ sitfola sinkhwa setfu kuphela ngeku beka timphulo tetfu engcupheni, ngengca yenkemba lesehlane. ¹⁰ Tikhumba tetfu setikhule tashisa njenge ovini ngenca yesivutsevutse sendlala. ¹¹ Besifazane bayadlengulwa eSiyoni, netintfombi emadolobheni aka Juda. ¹² Emakhosana aboshelwa etulu ngetandla tawo, futsi kute inhlonipho lekhonjiswako kulabadzala. ¹³ Emajaha aphocelelekile kusila tinhlavu ngelitje lekusila, bafana bayadzayitela ngaphansi kwenyandza yetinkhuni. ¹⁴ Labadzala sebalishiyile lisango lelidolobha, futsi emajaha sekawushiyile umculo wawo. ¹⁵ Kujabula kwetinhlitiyo tetfu sekuphelile futsi kugidza kwetfu sekuguculwe kwaba kulila. ¹⁶ Umchele sewuwile etinhloko tetfu, nako kitsi ngoba sonile! ¹⁷ Ngaloku tinhlitiyo tetfu setiyagula, ngaloku emehlo etfu asakhule ludvwadvwasi ¹⁸ ngoba intsaba iSiyoni ayihlali muntfu, nabojakalazi bajangaza kuyo. ¹⁹ Kepha wena, Simakadze, busa phakadze, futsi utawuhlala esihlalweni sakho sebukho kusuka esitikulwaneni kuya esitukulwaneni. ²⁰ Usikhohlwelani ingunaphakadze? usishiyelani emalanga akho langaka? ²¹ Sibuyisele kuwe, sitawubuyiselwa. Yakha kabusha emalanga etfu ngengoba abenjalo kadzeni- ²² ngaphandle nangabe seuwusilahle ngekweliciniso nanangabe usitfukutselele ngalokungetulu.