¹ Leligolide selilahlekelwe kucwebetela kwalo; kutsi ligolide lelihlutiwe selagucuka kanjani! Lamatje langcwele asakatwe kuwo onkhe emakona asosonkhe sitaladi. ² Emadvodzana laligugu aseZion labeka bita ngesisindvo seligolide lelihlutiwe, kepha nyalo babita ngaphasi kwetindziwo telibumba, umsebenti wetandla tembumbi! ³ Ngisho timphungushe tinikela ngemibele kunakekela emazinyane ato, kepha indvodzakati yebantfu bami seyite inhlitiyo, njenge tinshi ehlane. ⁴ Lulwimi lweluswane lolunakekelwako lunamatsela elwangeni ngenca yekoma; bantfwana bacela kudla, kepha kute kwabo. ⁵ Labo labebavame kudla kakhulu kudla lokukahle nyalo balambile etitaladini. Labo labakhuliswe bagcoka timphahla letidulile nyalo sebalala encunjini yemlotsa. ⁶ Sijeziso sendvodzakati yebantfu bami incono kunaleyo yase Sodom, leya bhujiswa ngesikhashane lesincane futsi kwababete tandla letaticindzetelelwe yena. ⁷ Baholi bakhe bebete sici kune sitfwatfwa, bamhlophe kune lubisi; imitimba yabo yayi cinile kune litje le khorali, sakhiwo sabo sasifana nelitje le safaya. ⁸ Libala labo nyalo selimnyama kunemlotsa walokushisiwe; abasabonwa etitaladini. Sikhumba sabo sesishwaphanele tikwe matsambo abo; sigucuke soma njenge lugodvo. ⁹ Labo lababulawa yinkemba bebajabulile kunalabo lababulawa yindlala, labondza baphelelwa nangemandla, bahlushwe kuba bete kwesivuno ensimini. ¹⁰ Tandla tebesifazane letinesihawu setibilise bantfwana bato; bagucuke baba kudla kwabo ngesikhatsi uma indvodzakati yebantfu bami ibhujiswa bantfu bayo. ¹¹ Simakadze wakhombisa intfukutselo yakhe yonkhe; watfululela intfukutselo yakhe lenemandla. Wenta kucale umlilo e Zion lowashisa tisekelo takhe. ¹² Emakhosi alomhlaba awatange sewakholwe, ngisho namunye walabahlala kulomhlaba akakholwanga, kutsi titsa noma labamelene nabo bangangena egedeni lase Jerusalem. ¹³ Loku kwenteka ngenca yetono teba phrofethi bakhe netono teba phristi bakhe labacitsa ingati yalabalungile emkhatsini wakhe. ¹⁴ Banhlanhlatseka, baphumphutsekile, etitaladini. Bebangcoliswe kakhulu ngulengati leyo kwate kwabate lovunyelwa kutsi atsintse timphahla tabo. ¹⁵ ''Sukani! Madzica! bantfu bakhala babhekise kubo. ''Khweshani! Khweshani! Ningatsintsi!'' Ngako banhlanhlatseka; bantfu batsi emkhatsini wetive, ''Angeke basahlala lapha.'' ¹⁶ Simakadze cobo lwakhe wabahlakata; akasabanaki. Ababa hloniphi baphristi, futsi abatange bakhombise kubanaka labadzala. ¹⁷ Emehlo etfu ahluleka; sibuke ngephandle kwekuphumelela sifuna lusito; kusuka emibhoshongweni yetfu sabuka sive lesasingeke sikhone kusisindzisa. ¹⁸ Balandzela tinyatselo tetfu, sasingakhoni kuhamba etitaladini tetfu. Siphetfo setfu sasisedvute futsi emalanga etfu abesabaliwe, siphetfo setfu sasifikile. ¹⁹ Labebasicosha bebanesivinini kwendlula tinsweti esibhakabhakeni. Basicoshela etintsabeni futsi basilindzela ehlane. ²⁰ Lomoya emakhaleni etfu - logcotjiwe wa Simakadze - nguye lowabanjwa emigodzini yabo; lekwatsiwa ngayo, ''Ngephansi kwesitfunti sakhe sitawuphila emkhatsini wetive.'' ²¹ Tfokota futsi ujabule, ndvodzakati ya Edom, wena lohlala eveni lase Uz. Kepha nakuwe lenkomishi itawengciswa; utawudzakwa futsi utikhumule. ²² Ndvodzakati yase Zion, sijeziso sakho sitawufika emaphetselweni; angeke alule kutfunjwa kwakho. Kepha ndvodzakati ya Edom, utoyijezisa; utawutiveta tono takho.