¹ Emva kwaletintfo Jesu watibonakalisa futsi kubafundzi bakhe elwandle lase Thiberiya. watibonakalisa ngalendlela; ² Simoni Phetro bekakanye kanye na Tomasi lobitwa ngekutsi liphahla. Nathaniyeli wase Khana eGalile, emadvodzana aZebedewu, kanye nalabanye bafundzi lababili baJesu. ³ Simoni Phetro watsi kubo ''ngisayo dweba tinhlanti,'' batsi kuye natsi sitawuhamba nawe.'' bahamba bangena esikebheni, kepha abazange babambe busuku bonkhe. ⁴ Nyalo, kwase kuvele kusile, Jesu wema elutsentseni elwandle, kepha bafundzi bebangati kutsi nguJesu. ⁵ Ngako-ke Jesu watsi kubo,'' tinsizwa, ngabe ninako yini kwekudla?'' Bamuphendvula batsi,''chake.'' ⁶ Watsi kubo, ''jikani emanetha enu ngesekudla semkhumbi nitokhona kutfola.'' Ngako-ke bajika emanetha ababange basakhona kuwadvonsa ngoba bebabambe incumbi yetinhlanti. ⁷ Lapho ke umfundzi lobekatsandvwa nguJesu watsi kuPhetho, ''yinkhosi''. Uma Simoni Phetro eva lokutsi yinkhosi wabopha ingubo yakhe yangephandle( ngoba abengcunu), wabese utijika elwandle. ⁸ Labanye bafundzi beta nemkhumbi ngoba bebangasiko khashane nemhlabatsi bebakhashane ngema mtha langemashumi layimfica, beta badvonsa linetha ligcwele tinhlanti. ⁹ Uma bafika emhlabatsini, babona umlilo wemalahle lapho kwakundlalwe khona inhlanti nesinkhwa. ¹⁰ Jesu watsi kubo, ''Letsani letinye taletinhlanti lenitibambile.'' ¹¹ Simoni Phetro wakhuphukela kuye advonsa linetha leligcwele tinhlanti letinkhulu, lebeti likhulu nemashumi lasihlanu natintsatfu. naloku betitinengi linetha alidzabukanga. ¹² Jesu watsi kutsi kubo, ''buyani sitokudla sidlo sasekuseni.'' Kute ngisho munye kulabafundzi bakhe lowalinga kumbuta kutsi, ''ungubani wena?'' Bebati kutsi bekungiyo Inkhosi. ¹³ Jesu weta kubo, wafike watsatsa sinkhwa wabanika kanye netinhlanti. ¹⁴ Loku kwaseku kwesitsatfu atibonakalisa kubafundzi bakhe emva kwekutsi avukile kulabafile. ¹⁵ Emva kwekutsi badle sidlo sasekuseni, Jesu watsi ku Simoni Phetro, ''Simoni ndvodzana yaJohane, ngabe ungitsandza kwendlula laba?'' Phetro watsi kuye, ''yebo Nkhosi, uyati kutsi ngiyakutsandza.'' ¹⁶ Jesu watsi kuye, ''yondla timvu tami. ''Watsi kuye kwesibili, "Simoni ndvodzana yaJohane, uyangtsandza na? "Phetro watsi kuye, ''yebo nkhosi, uyati kutsi ngiyakutsandza. ''Jesu watsi kuye,''Nakekela timvu tami.'' ¹⁷ Watsi kuye kwesitsatfu,''Simoni ndvodzana yaJohane, uyangitsandza na?'' Phethro weva buhlungu ngoba Jesu abesekusho kwesitsatfu kutsi, ''uyamtsandza na?"'Watsi kuye " Nkhosi uyatati tonkhe letintfo, futsi uyati kutsi ngiyakutsandza. ''Jesu wase utsi kuye yondla timvu tami. ¹⁸ Ngicinisile, ngicinisile, ngitsi kuwe, uma usemncane bewutigcokisa futsi uhambe lapho ufuna kuhamba khona, kepha uma sewumdzala, uyawukwelula sandla sakho, bese kubakhona lokugcokisako akwetfwale futsi akumikise lapho ungafuni kuya khona. ¹⁹ Nyalo Jesu washo loku kute atewukhombisa kufa Phetro abetawudvumisa Nkulunkulu ngako. Emvakwaloku watsi ku Phetro, ''ngilandzele.'' ²⁰ Phetru wagucuka wabuka lomfundzi lobeka tsandvwa nguJesu abalandzela, loyo lobekayeme ngemhlane kuJesu esidlweni saku sihlwa lowatsi,'' Nkhosi ngubani lotakutsengisa?''' ²¹ Phetro wambona wabese utsi kuJesu, Nkhosi itawenta njani lendvodza?" ²² Jesu watsi kuye,'' uma ngifuna asale ngize ngibuye, kuyini loko kuwe? Ngilandzele.'' ²³ Ngako ke lenkhulumo yandza kubazalwane, kutsi loyo mfundzi angeke afe. Kepha Jesu akashongo ku Phetro kutsi lomfundzi ngeke afe,kepha, ''uma ngifuna asale ngize ngibuye kuyini loko kuwe? ²⁴ Lona nguye lomfundzi lofakaza ngaletintfo, futsi abhale ngaloku, futsi siyati kutsi bufakazi bakhe buliciniso. Tinyenti tintfo Jesu latenta. ²⁵ Uma ngabe konkhe bekubhalwe phasi ngakunye, ngiyacabanga nelive imbala angeke likwati kugcina letincwadzi letingabhalwa.