¹ Emvakwemalanga lamatsatfu, bekunemshado eKhana laseGalile, make waJesu bekakhona. ² Jesu nebafundzi bakhe bebamenyiwe emshadweni. ³ Kwase kuphela liwayini, make waJesu watsi kuye, ''sebete liwayini.'' ⁴ Jesu watsi kuye, mfati utelani kimi? Sikhatsi sami sisengakafiki.'' ⁵ make waJesu wase utjela tisebenti kutsi, Nome yini layisho kini, yenteni.'' ⁶ Bekunemabhodo elitje lasitfupha lebekasetjentiselwa lisiko lekugeza kwemaJuda, leyo naleyo beyigwcalise nga 75 kuya ku 115 wemalitha. ⁷ Jesu watsi kubo, '' Gcwalisani lamabhodo ngemanti.'' Bawagcwalisa aze acicima. ⁸ Wase utjela tisebenti, '''tsatsani lokunye nikuyise kulophetse bo weta.'' Bentanjalo. ⁹ Umphatsi weva lamanti lase agucuke aba liwayini, abengati kutsi achamukaphi(kodwva letisebenti letakha lamanti betati). Wase ubita umkhwenyana ¹⁰ watsi kuye, ''Yonkhe indvodza ibanika liwayini lelimnandzi kucala bese ibanika lelelishiphile nasebadzakiwe. Kodvwa ubeke lelimnandzi kuze kube ngunyalo." ¹¹ Lesi sibonakaliso sekucala Jesu lasenta eKhana yaseGalile, waveta inkhatimulo yakhe, bafundzi bakhe base bayakholwa nguye. ¹² Emva kwaloku Jesu, unina, bomnakabo, nebafundzi bakhe behlela eKhaphanawume, bafike bahla khona emalangana. ¹³ Besekusondzele liphasika lemaJuda, Jesu waya eJerusalema. ¹⁴ Wakhandza bantfu batsengisa tinkhomo, timvu nematuba ethempelini, nebantjintji timali bebahleli lapho. ¹⁵ Wesuka weluka siswebhu setintsambo wabacosha bonkhe ethempelini, naletinkhomo netimvu watikhipha. Wacitsa timali tebantjintji, wagenula ematafula. ¹⁶ Kulabo labatsengisa ematuba watsi, ''Susani letintfo leti lapha. Yekelani kwenta indlu yaBabe indzawo yekutsengisa.'' ¹⁷ Bafundzi bakhe bakhumbula kutsi bekubhaliwe, Kushisekela indlu yakho kuvutsa umlilo ngekhatsi kimi.'' ¹⁸ Ngako ke baphatsi bemaJuda baphendvula batsi kuye,'' Sibonakaliso sini losibonisa sona, ngoba wenta letintfo leti?'' ¹⁹ Jesu waphendvula watsi, ''Bhidlitani lelithempeli, ngitalivusa ngemalanga lamatsatfu.'' ²⁰ Baphatsi bemaJuda batsi,'' Lelithempeli lakhiwa ngeminyaka lengemashumi lamane nesitfupha, wena utalivusa ngemalanga lamatsatfu?'' ²¹ Kodvwa ke, abekhuluma ngelithempeli lelingumtimba wakhe. ²² Emva kwekutsi avuswe ekufeni, bafundzi bakhe bakhumbula kutsi wakusho loku, bayikholwa imibhalo nalenkhulumo Jesu labeyikhulumile ²³ Manje nasekase Jerusalema emkhosini wephasika, incumbi yebantfu yakholwa egameni lakhe ngenca yaletibonakaliso labambona atenta. ²⁴ Kodvwa Jesu akabatsembanga ngoba abebati kahle bonkhe, ngobe abengadzingi kuchazelwa ngemuntfu, ²⁵ ngoba bekati kutsi yini lengekhatsi kumuntfu.