¹ Kwefika ngesikhatsi Apolos asese Khorinte, Pawula wendlula kulelive lelingetulu weta kuleli dolobha laseEfesu, wakhandza labanye bafundzi lapho. ² Pawula watsi kubo, ''Namemukela yini Moya Longcwele uma nikholwa?'' Batsi kuye, ''Cha, asikase nakancane sesive nga Moya Longcwele.'' ³ Pawula watsi, ''Nabhajatiswa ngamuphi umbhabhatiso?'' Batsi, ''Kumbhabhatiso waJohane.'' ⁴ Pawula waphendvula,''Johane abebhabhatisa ngembhabhatiso wekuphendvuka. Watjela labantfu kutsi kumele bakholwe kulona lotochamuka ngemuva kwakhe,losegameni la Jesu.'' ⁵ Uma bantfu beva loku, babhajatiswa egameni le Nkhosi Jesu. ⁶ Kwatsi lapho Pawula sekababeke tandla, Moya Longcwele wehlela kubo babese bakhuluma ngaletinye tilimi ba profetha. ⁷ Sebabonkhe bebalishumi nakubili. ⁸ Pawula waya esinagogweni wakhuluma ngesibindzi tinyanga letintsatfu, abacabangisisa futsi abacindzetela ngembuso waNkulunkulu. ⁹ Kepha lamanye emaJuda bekacinisa tingcondvo futsi angatfobeli, bacala bakhuluma lokubi ngalendlela phambi kwalesicuku. Ngako Pawula wabashiya watsatsa bafundzi bakhe kuye, acabangisisa nabo malanga onkhe ehholeni lekufundzisela eThiranusi. ¹⁰ Loku kwachubeka iminyaka lemibili,khona bonkhe labahlala eAsiya beva livi leNkhosi, bobabili iJudiya ne Grikhi. ¹¹ Nkulunkulu bekenta timanga ngetandla ta Pawula, ¹² khona nemaduku kanye netimphahla tekutivikela lebetimutsintsile betitsatfwa tiyiswe kulabagulako bese lokugula kuyabayekela nemimoya lemibi iyaphuma kubo. ¹³ Kepha bebamaJuda lakhipha imimoya lemibi lebeyihambahamba kulesigodzi. Bebabita ligama leNkhosi Jesu khona batoba nemandla ngetulu kwemimoya lemibi uma batsi, ''Ngalo Jesu lowamemetelwa nguPawula, ngiyayaleta kutsi uphume.'' ¹⁴ Umpristi lomkhulu wema Juda, ligama lakhe lalingu Skeva, bekanemadvodzana lasikhombisa lebekenta loku. ¹⁵ Lemimoya lemibi yabaphendvula, ''Siyamati Jesu, futsi Pawula siyamati; kepha nine nibobani?'' ¹⁶ Lemimoya lemibi lebeyikulendvodza yazubela kulaba lebebazama kuyikhipha lamadimoni abashaya. Babese baphuma kulendlu bangcunu futsi balimele. ¹⁷ Loku kwatiwa nguwonkhe muntfu, bobabili emaJuda nemaGrikhi, lebekahlala e eFesu. Befikelwa kwesaba, futsi nelibito leNkhosi Jesu lahlonishwa. ¹⁸ Futsi, emakholwa lamanyenti eta adalula avuma tintfo letimbi labatentile. ¹⁹ Labanyenti labatama imilingo baletsa tincwadzi tabo ndzawonye batishisa emehlweni awonkhemuntfu. Uma babala lesisindvo sato, betitincetu tesiliva letitinkhulungwane letisihlanu. ²⁰ Ngako livi leNkhosi landza kakhulu ngetindlela letinemandla. ²¹ Nyalo emvakwekuba Pawula acedze umsebenti wakhe e eFesu, wancuma eMoyeni kwendlula eMasedoniya nase Akhaya endleleni aya eJerusalema; watsi, ''Emvakwekuba ngibe lapho, kumele ngimbone Roma.'' ²² Pawula watfumela basiti bakhe lababili eMasedoniya, Thimothi na Erastusi. Kepha yena wahlala eAsiya sikhashana. ²³ Ngaleso sikhatsi kwababete kukhinyabeteka lokuncane eEfesu mayelana nendlela. ²⁴ Lomunye umsebentisi wemasiliva libito lakhe nguDemetriyusi, wenta sithico selithempeli, beyingenisa imali lenyenti kulaba bebenta letithico. ²⁵ Wahlanganisa letisebenti kanye kanye labasebentela khona watsi, ''Madvodza, niyati kulebhizinisi leli senta imali lenyenti. ²⁶ Niyakuva futsi niyatibonela loko, hhay kuphela nje eEfesu, kepha cishe iAsiya yonkhe, lo Pawula lona wamisa futsi wagucula bantfu labanyenti. Usho loku utsi kute bonkulunkulu labentiwa ngetandla. ²⁷ Akusiko kuphela nje kutsi libhizinisi letfu alisadzingeki, kepha phindze kutsi lelithempeli lankulunkulwana lomkhulu Atemisi litawutsatfwa ngentfo lengenamsebenti. Kani futsi angalahlekelwa bukhulu bakhe, lapho onkhe emaAsiya nelive lidvumisa lomfati.'' ²⁸ Uma beva loku, bagcwala yintfukutselo bakhala baphumisela, batsi, ''Mkhulu Atemisi wase Efesu.'' ²⁹ Lonkhe lelidolobha lagcwala kudideka, bese labantfu babamcondvo munye baya enkhundleni. Bamncabela Pawula kuloluhambo lwakhe, boGayusi na Aristakhusi, bebaseMasedoniya. ³⁰ Pawula bekafuna kungena ekhatsi nekhatsi nalesicuku sebantfu, kepha labafundzi bamugwema. ³¹ Futsi, labanye bebaphatsi balesifundza sase Asiya labebabangani bakhe bamutfumelela umlayeto bamucela kutsi angangeni lenkhundleni. ³² Labanye bantfu bebamemeta intfo yinye, nalabanye, ngako lesicuku sasididekile. Labanyenti babo abatange bati kutsi kungani bete batohlangana. ³³ Lesinye sicuku sameluleka Alekzanda,labo bebafucelwa maJuda embili. Ngako Alekzanda wahambisa ngesandla sakhe, afuna kunika sivikelo kulendzawo yekuhlangana. ³⁴ Kepha uma babanelwati kutsi abengumuJuda, bakhala bonkhe baphumisela emahora lamabili, batsi, ''Mkhulu Atemisi webase Efesu.'' ³⁵ Uma lomabhalane welidolobha wathulisa lesicuku, watsi, ''Nine madvodza ase Efesu, ndvodza yini lekhona lengati kutsi lelidolobha lase eEfesu kugcinwe khona lithempeli la Atemisi lomkhulu kanye netitfombe letawela phasi tichamuka ezulwini? ³⁶ Kubona kutsi letintfo leti atiphikeki, kumele uthule futsi ungajaki lutfo. ³⁷ Ngoba niletse lamadvodza lankantolo labebatigebengu temathempeli bahlambalata nkulunkulu wetfu lomsikati. ³⁸ Ngako ke,uma Demetriyusi kanye nalabanye babati labanaye babanekusola lokumelene nanoma ngubani, tinkantolo tivuliwe futsi kunebehluleli. Bayekeleni basolane bodvwa. ³⁹ Kepha uma nifuna noma ngabe yini ngetinkinga letinye, titawubhadalelwa endzaweni lekahle yekuhlangana. ⁴⁰ Ngoba vele sisengotini yekusolwa mayelana nalelinga lemsindvo.Kute imbangela yalokungahleleki, futsi ngeke sikhone nekukuchaza.'' ⁴¹ Uma sekakushilo loku, wawucitsa lomhlangano.